Prezida a Banke a mu nsenga ishima ayikalanga muleshe mu rapore ya mu mueshi wa Kasamombo 2022’shi: “Luno lukalakashi lua makuta mu nsenga nyi ngangi masaku, bua binobino bintu bikuete kukaamina muulo na makuta akuete kupeela musango umune.”

 Muyile Fonds monétaire international, “muulo wa kasolonyi na wa bidibua ukuete kukaamina lubilolubilo, bino abikiengiesha bantu be mu maumbo ashi na bupeta buibungi.”

 Bible etukuasha bua kupusha buakinyi tukuete kufumankana na ino nkalakashi bu kukutua kua makuta, na biatudi balombeene kukila nayo, na lukulupilo lui kuanka bua kupudisha ino nkalakashi bua looso.

•   Bible ayitamina ano mafuku etu bu “mafuku a ku nfudiilo.”​—2 Timote 3:1.

•   Yesu bambile’shi “bintu bia kutshina,” sunga mianda ayikuatshisha moo, ayikala mu kino kipungo. (Luka 21:11) Bantu abapusha moo muanda wa kukaamina kua muulo wa bintu. Bantu bakuete kupusha moo pabitale mafuku e kumpala tabauku su abekala na mushindo wa kulombasha nkalo ya bifuko biabo.

•   Mukanda wa Kibafumbwilwe ubaadi utemukie pabitale kukaamina kua muulo wa bintu mu kino kipungo. Awamba’shi: “Naapushiishe kintu bu eyi. . . . Adyamba’shi, ‘Kipimo kimune kya bukula kw’efuto dy’efuku.’”​—Kibafumbwilwe 6:6, Easy-to-Read Version.

 Bua kulonga bibungi pabitale “mafuku a ku nfudiilo” na butemuki bui mu mukanda wa Kibafumbwilwe, tala video amba’shi: Le monde a changé depuis 1914 na obadikie muisambo awamba’shi “Bantu bananka bakaamine pa nfwalasa​—mbantu kinyi?”

•   “Abeebaka mashibo, beemushaale; abakunu nvinyo naa abadi bikuba byaayo. Taabeebaka dimo nshibo bwa’shi bangi beemushaale nya; taabakunu dimo bwa’shi bangi badye.”​—Yeeshaya 65:21, 22.

•   “Akwikala mwiumbo, dingi mpaa na ku nsongw’a myengie mafuba mpese yooso.”​—Misambo 72:16.

•   “‘Pa kumona kupombeshiibwa kwa bee mu malwa na kwiyambiila kwa balanda, Yehowa amba’shi: binobino neebwo.”​—Misambo 12:5. a

 Binobino Efile Mukulu afudiisha kukutua kua kululama mu mianda ya makuta, kushii penda bua muimbo dimune kadi bua mu nsenga ishima. Bua kuuka mushindo wakebikitshi, badika muisambo awamba’shi: “Kui efuku adikala kululama mu mianda ya makuta su?”

 Anka sunga bua binobino, Bible mmulombeene nkukuasha bua kumona bia kukila na kukaamina kua muulo wa bintu. Mu mushindo kinyi? E na malango aakuasha pabitale mushindo wa kufuba kalolo na makuta. (Nkindji 23:4, 5; Mulungudi 7:12) Bua kuuka bibungi, badika miisambo ayamba’shi: “Protégez vos moyens de subsistance” na “Mushindo wa koobesha kushaala na penda ekuta dipeela.”