Kui efuku adikapu terorisme su?
Apakitshika terorisme, we mulombene kuiyipusha’shi: ‘Efile Mukulu etupasukilaa su? Buakinyi ino mianda ikuete kukitshika? Kui efuku adikapu terorisme a su? Ne kupudisha moo wandi nao naminyi?’ Bible aluula kalolo ku ino nkonko.
Efile Mukulu e na mueneno kinyi pabitale terorisme?
Efile Mukulu mmushikue etombo na terorisme. (Misambo 11:5; Nkindji 6:16, 17) Na Yesu alesha mpala y’Efile Mukulu, baadi mutopekie balongi baaye pabaabadi bakite mianda y’etombo. (Mateo 26:50-52) Sunga bangi abapuandikisha’shi abakitshi mianda y’etombo muishina di’Efile Mukulu, aye ta muibape matalua a kukita yaaya mianda nya. Na dingi, tatemeshaa sunga nteko yaabo nya.—Yeeshaya 1:15.
Efile Mukulu kuete kupasukila booso abakiengie, mpa na bano babakuete kukiengiesha kui terorisme. (Misambo 31:7; 1 Mpyeele 5:7) Bible alesha dingi’shi Efile Mukulu akitshi bia’shi etombo dipue.—Yeeshaya 60:18.
Kipalakashe terorisme
Bible etulungula buakinyi terorisme e pa nsenga lelo uno amba’shi: “Muntu mmumune muntu naaye bua kumumuesha malua.” (Mulungudi 8:9) Kubanga kala, bantu booso bena matalua abeafubishaa nka bua kukiengiesha bangi. Bu biabidi’shi baaba bantu abakiengaa, nyi buakinyi abakitaa mianda ya terorisme bua koobola.—Mulungudi 7:7.
Nfudiilo a terorisme
Efile Mukulu mmulee’shi akakatusha bintu bioso abifuisha moo n’etombo na kutuula butaale pa nsenga. (Yeeshaya 32:18; Mika 4:3, 4) Mulee bino:
Kukatusha bioso abifuisha terorisme. Efile Mukulu akakatusha bukunkushi bua bana ba bantu bua kutuula mbulamatadi aaye. Yesu Mukunkushi a mbulamatadi aaye, akakitshina muntu ooso mianda ibuwa, na kukatusha bu ntomboshi booso. (Misambo 72:2, 14) Mu aa mafuku takui muntu su ngumune a kakitshi mianda ya terorisme. Bantu “abakasangeela butaale buibungi mpa nsenga.”—Misambo 37:10, 11.
Kulumbuula mianda yooso yabadi baluuishe kui terorisme. Efile Mukulu akapudisha mianda yoosoa ibubi yabadi batuushe kui terorisme, biabikala ku mbidi sunga mu binangu. (Yeeshaya 65:17; Kibafumbwilwe 21:3, 4) Mmulee dingi’shi akabuusha bafue, na kuibapa muwa mu nsenga i butaale.—Yowano 5:28, 29.
Bible etupa tubingilo tua kukumina’shi Efile Mukulu ebikitshi binobino. Anka, we kuiyipusha’shi: ‘Buakinyi ta mmupudishe terorisme mpa na lelo?’ Bua kupeta lualuula tala video amba’shi Bwakinyi Efile Mukulu mmutadiile makyenga?
a “Terorisme” misusa ibungi aleshaa kukita sunga kukitshina bantu mianda n’etombo, bikishekishe bantu bashi busalayi bua kuibatshinyisha na kuibatakula mu kushintuula mianda ya politike, ya bipuilo, mpa namu inig mianda ya mu nshalelo. Anka, bantu mbalombene kupela’shi muanda ubakitshika ta terorisme nya.
Tala dingi
MIISAMBO IBUNGI
Bia kukambila kenyongoshi kakilekile
Mmalango kinyi ebua na ma verse a mu Bible alombene nkukusha bua kupela kuikalakasha bikile?
MIISAMBO IBUNGI
Lukulupilo lua binyibinyi bua nshalelo ebuwa mu mafuku e kumpala
Buakinyi milayilo i mu Bible ngilekene na mpuandikishi ya bantu?
NGALUULO YA KU NKONKO YA MU BIBLE
Bufumu bu’Efile Mukulu nkinyi?
Tala buakinyi mbulamatadi a Efile Mukulu mmukile ingi mbulamatadi yoso.
KITENTA KYA MULAMI
Bufumu bw’Efile Mukulu abukalombasha myanda kinyi?
Yesu badi auku’shi Bufumu bw’Efile Mukulu nyi bwikale penda mbulamatadi umune mulumbene kupudisha myanda ya bantu pa nsenga. Myanda kinyi ipwe kukita Bufumu bwa kunyingisha lukulupilo lwetu?
MIISAMBO IBUNGI
Kuifuku adikala kululama mu nsenga su?
Bible alesha’shi kululama kua binyibinyi akutuukila kui Efile Mukulu, ataa bantu boso mu mushindo umune.
ESSENTIAL BIBLE TEACHINGS
Bwakinyi Efile Mukulu mmutadiile makyenga?
Bible atusha lwalulo lwibuwa na alunyingisha.
