BIA KUBANGA MUISAMBO
DILONGIESHA 5
Ikala na kanemo
Eyi dia kulonda: “Bishima bienu bikale bibuwa nguba oso.”—Kol. 4:6.
Kibaadi Mpoolo mukite
1. Tala VIDEO, sunga kubadika Bikitshino 17:22, 23. Akupu waluule ku ino nkonko:
-
Mpoolo baadi mupushe naminyi pabamuene lulanguilo lua madimi mu Atene?—Tala Bikitshino 17:16.
-
Pamutue pa kutopeka bena Atene, mushindo kinyi ubaadi Mpoolo na kanemo koso mufubishe nkumiino yabo bua kuibalungula mukandu wi buwa?
Nkinyi ki’atulongiela kui Mpoolo?
2. Bantu mbalombene kuituteemesha su tuasangula kalolo bi’atuakula, mushindo w’atuibiakula na nsaa y’atuibiakula.
Ambula Mpoolo
3. Sangula bishima biobe kalolo. Bu kileshesho, nsaa yokuete kuisamba na muntu sh’alanguilaa, abitungu okimbe mushindo wi buwa odia kumubadikila kifundue kia mu Bible sunga kuakuila pabitale Yesu.
4. Tuekalanga na bukidi bua kuludika muntu. Mulekie akule bi’epusha. Su akula muanda wikutuene na malongiesha a mu Bible, tokumanga kuikakena naye. (Yak. 1:19) P’omuteemesha, ouku nkumiino yaye na buakinyi akumiina biabia.—Nki. 20:5.
5. Kumiina na omutumbule su bibakula bi buwa. Ekuikala akumiina’shi mianda ayilongieshaa kipuilo kiabo ngia binyi. Tompa kuisambila muanda wanukumiinaa anue boso, na kapelakapela omukuashe bua kupusha akilongiesha Bible.
TALA DINGI
Nki. 25:15; 2 Ti. 2:23-26; 1 Mp. 3:15
