“Atwiuku’shi twi bantu b’Efile Mukulu na nsenga yoso ngimunyibwe na yawa Mubi.”​—1 Yowano 5:19.

“Mwan’Efile Mukulu bamwekyele . . . pa mwanda wa kulwisha mifubo ya kafilefile.”​—1 Yowano 3:8, Kilombeno kipya.

Opete myalulo ya binyibinyi pabitale myanda ayikitshika pa nsenga.​—Bifumbulwe 12:12.

Okyebe kuuka akilesha shi ino nsenga ayikyebe kulongama.​—1 Yowano 2:17.

Oolo, bwa ino myanda isatu:

• Bukunkushi bwa Satana abukafudiila. Yehowa mmwate kitshibilo kya kufudiisha matalwa a Satana kwi bantu. Mmulee bwa, “kutuuta . . . Kafilefile” na kulumbuula myanda yabadi batushe kwi Satana.​—Beena-Ebreeyi 2:14, Bifundwe Biiselele.

• Efile Mukulu mmusangule Yesu bwadya kukunkusha nsenga. Yesu mmwilekeene ngofu na uno mukunkushi a ino nsenga e n’etombo na akimbi penda buwa bwaye. Pabitale bukunkushi bwa Yesu, Efile Mukulu mmulee shi: “Afwîla balanda na bafudîle lusa . . . Ebafungushe kwi baba abebamwesha malwa na kwibatombokyela.”​—Misambo 72:13, 14, Ebuku dy’Efile Mukulu.

• Efile Mukulu tadimbaa. Bible alesha kalolo shi: “Bibukopo Efile Mukulu kwikala bu sha madimi.” (Beena-Ebreeyi 6:18, Kilombeno kipya) Yehowa su bamba shi akyebe kukita kintu kampanda, ki nka bu kipwe kukitshika! (Yeeshaya 55:10, 11) “Nfumu a pano pa nsenga akabingibwa binobino.”​—Yowano 12:31, Kilombeno kipya.