Mu kipungo kya printemps kya kipwa kya 30 B.B., Yesu bayiile ku Yeelusaleme. Bantu bebungi abaadi mu kibundji bwa kukita Kidiibwa kya lukilo. Mu kipindji kya kutentekyesha, abaadi abatuusha nyema bwa kulambula ku ntempelo. Bangi abatwadile nyema yabo, bangi namu abaudile mu Yeelusaleme.

Pabayiile Yesu ku ntempelo, bapetele bantu abaudisha nyema kwanka. Abaadi abakitshi busunga bwabo ku nshibo ya lulangwilo ya Yehowa! Yesu baadya kukita kinyi? Bakitshiine lufimbo lwa myooshi, aye nkwibatuusha paasha pa ntempelo na mikooko yabo. Bafuudikile mesa aabo abaadi abashintulwila makuta, aye nkupalakasha nfwalanga yaabo ya bingolongolo mu nsenga. Akupu, aye nkulungula  baaba booso abaadi abaudisha nkudimba shi: ‘Katushayi bino byooso bintu pano! Tanwalulanga nshibo ya Nshami bu mbalo ya busunga!’

Bantu abaadi bakaanye bikile mu ntempelo mwanda wa byabya bibakitshiine Yesu. Balondji baaye nkutentekyesha butemuki pabitale Mesiya abwamba shi: ‘Nayikala na kishima bwa nshibo ya Yehowa.’

Kunyima, mu kipwa kya 33 B.B., Yesu baadi mutooshe tempelo musango wa kabidi. Tabaadi mulombeene kuleka muntu su ngumune bwa shi akutwe kaneemo bwa nshibo ya Nshaye nya.