DILONGYESHA 87
Kidiibwa kya kyolwa kya Yesu
Beena Yuuda abaadi abakitshi musangeelo wa Kidiibwa kya lukilo ku kipwa kyoso mu efuku dya 14 dya mweshi wa Nisane. Bino bibaadi abibatentekyesha bibaadi Yehowa mwibapososhe ku bupika mu Ejiipitu na kwibatwesha mu Nsenga ya Mulayilo. Mu kipwa kya 33 B.B., Yesu na batumiibwa baye abakitshine musangeelo wa Kidiibwa kya lukilo mu kadimbo ka kwiyilu mu Yeelusaleme. Ku nfudiilo kwa kidiibwa, Yesu bakwile shi: ‘Umune a kwanudi a kampana.’ Batumiibwa abaadi benyongole ku mashimba bikile, abo nkwipusha Yesu shi: ‘A nnanyi?’ Yesu bakwile shi: ‘Ngyawa muntu Ankwete kupa uno mukate.’ Akupu Yesu bapeele Yuudase Iskaryote kipese kya mukate. Musango umune, Yuudase batuukile mu kadimbo aye nkwibaleka.
Yesu belele luteko, aye nkutshokola ingi mikate tupese na kwitupa batumiibwa baye abashadile. Aye nkwakula shi: ‘Atayi nudye uno mukate. Auleesha mbidi yande Yankatusha pa mwanda wenu.’ Akupu batshile nfinyo nkwela luteko, aye nkupa batumiibwa. Amba shi: ‘Tomayi booso ino nfinyo. Ayileesha mase ande, Ankatuusha bwa kufwidibwa lusa ku milwisho yenu. Nenulaa shi anukekala nami mwiyilu bu banfumu. Ikalayi anukitshi bino kipwa kyoso bwa kuntentekyesha.’ Balondji ba Yesu abatungunukaa na kwibunga pamune kyakya kyolwa ku kipwa kyoso. Kyakya kisangilo abekitamina binobino bu Kidiibwa kya Kyolwa kya Mwanana.
Kunyima kwa kidiibwa, batumiibwa ababangile kwikutwena bwa kuuka baadi na muulo kukila bangi. Kadi Yesu bebalungwile shi: ‘Mukile bukata munkatshi mwenu ngyawa etuulu pa mbalo ya mukile bukinga e bu mushadile ku booso.’
‘Nwi ba kuuku bande. Nenwiukisha byonso abindungula Nshami bwandya kwinulungula. Binobino Nende kwi Nshami mwiyilu. Anukashaala anka, bantu abakatundula shi nwi balongi bande mwanda wa kifulo akikala munkatshi mwenu. Abitungu nwifulene muntu na muntu nka bu Byandji mwinufule.’
Ku nfudiilo, Yesu belele luteko, aye nkuteka Yehowa bwa kukalwila balondji baye booso. Batekyele Yehowa bwadya kwibakwasha bwa shi bafube pamune mu butaale. Batekyele dingi bwa shi eshina dya Yehowa dyende ntumbo. Akupu Yesu na batumiibwa abayimbile misambo ya kutumbisha nayo Yehowa abo nkutuuka pasha. Nsaa ya kukwata Yesu ibaadi ifubwile peepi.
“Lekaayi kutshiina, anwe loombe lupeela, mwanda Nsheenu ee na muloo wa kwinupa Bufumu.”—Luka 12:32
Tala dingi
YESU—NYI ESHINDA, BINYIBINYI NA MUWA
Kidibwa kya Mwanana kya kyolwa
Yesu bakitshi Kitentekyesho bwa shi balogi baye bekale abekikitshi ku kipwa kyoso mwifuku dya 14 dya mweshi wa Nisane.
YESU—NYI ESHINDA, BINYIBINYI NA MUWA
Batusha dilongyesha dya kwiyisha ku kidibwa kya lukilo kya nfudilo
Badi mukemeshe batumibwa pa kukita mufuba wa bapika.
YESU—NYI ESHINDA, BINYIBINYI NA MUWA
Luteko lwa nfudilo lwa Yesu mu kadimbo ka kwiyilu
Balesha patoka shi bakitshine mwanda wi na muulo kukila kupaasha bantu.
NKONKO YABAKAMBAA KWELA
Buakinyi ba Temue ba Yehowa abakitaa Kidibua kia Muanana mu mushindo wilekene na bingi bipuilo?
Abekitaminaa dingi bu kidibua kia kiolua, nyi nkisangilo kina muulo ukata kui ba Temue ba Yeowa. Mianda itale uno musangeelao ayisanganyibua mu Bible.
