DILONGYESHA 90
Lufu lwa Yesu ku Gologota
Bakata ba batshiite mwakwidi abaatshile Yesu benda naaye kwibalasa dya nfumu. Pilato bebayipwishe shi: ‘Mmwanda kinyi ubi ukite uno muntu?’ Abo nkumwaluula shi: ‘Kwete kwituula bu nfumu!’ Pilato nkwipusha Yesu shi: “Obe namu we winyi Nfumu a beena Yuuda su?” Yesu bamwalulwile shi: “Bufumu bwande ta mbwa pano pa nsenga ooo.”
Akupu Pilato batumine Yesu kwi Eroode mukunkushi a beena Ngalileeya bwa kutala su mmukite mwanda wibubi. Eroode tabaadi musangane mwanda ubi kwi Yesu su ngumune, aye nkwibalusha kwi Pilato. Pilato nkulungula mwilo shi: ‘Sunga Eroode sunga Nnami tatwi bamone mwanda ukite uno muntu nya. Namulekye bulungantu.’ Kibumbu nkusama shi: ‘Mwipee! Mwipee!’ Basalayi nkukupila Yesu nfimbo na kumufidila mata, abo nkumukupila bikata. Abaadi bamufwadikye kifulu kya meeba ku mutwe na kumusepa pa kwakula shi: ‘Nfumu a beena Yuuda tubakwimuna.’ Pilato nkulungula dingi kibumbu shi: ‘Ntshi mumone mwanda sunga umune ukite uno muntu nya.’ Kadi, abaadi abasama shi: ‘Mupudikye ku mutshi!’ Nyi Pilato nkumutadiila bwabadya kumwipaa.
Abaadi beende na Yesu ku mbalo yabetanyina bu Gologota, abo nkumukookola ku mutshi. Yesu beelele luteko shi: Yaaya ebafwile lusa, mwanda taabauku kyabakitshi.’ Bantu nkubanga kusenga Yesu pa kwakula shi: ‘Su we Mwana a Efile Mukulu, ika kwakwa ku mutshi! Epaashe obe nabeene.’
Umune a ku bantomboshi abaabadi bapudikye mu bwipi mwaye bakwile shi: ‘Ontentekyeshe namu pokafiki mu Bufumu bwobe.’ Yesu nkumulaa shi: “Okeekala nami mu Mpaladiiso.” Kunyima kwa midi kubelele mufito munda mwa nsaa isatu mu nsenga ishima. Bangi ba ku balondji pamune na Maadiya nyin’aye na Yesu abaadi bemane pa bwipi na mutshi ubaabadi bamupudikye. Yesu nkulungula Yowano bwa kupasukila Maadiya nka bu nyin’aye.
Nfudiilo a byoso, Yesu bambile shi: “Byooso bibaalombana!” Banyekyele mutwe aye nkutshiba eshimba. Mu yaaya nsaa, nsenga ibaadi itshinkakane bikata. Kilamba ki bushito kibaadi akyabuula mbalo iselele na Ikile Kishila mu ntempelo, kibaadi kisanukye pankatshi. Ungi mukata a basalayi bambile shi: ‘Mbinyibinyi uno muntu ekeele Mwana Efile.’
“Kidishitu nyi e bu lwalûlo lwa ‘ôlo’ ku milayilo yoso y’Efile Mukulu.”—2 Beena-Kodinda 1:20, EEM
Tala dingi
YESU—NYI ESHINDA, BINYIBINYI NA MUWA
Pilato na Eroode abamupete shi na mwanda
Bwakinyi Pilato batumine Yesu kwi Eroode bwabadya kumusambisha? Pilato tabadi na matalwa a kusambisha Yesu su?
YESU—NYI ESHINDA, BINYIBINYI NA MUWA
Pilato bakula shi: “Muntu ngiiwu!”
Pilato baukanga ngikashi ibuwa ibadi Yesu alesha.
YESU—NYI ESHINDA, BINYIBINYI NA MUWA
Nfumu shi musoole akyengye ku mutshi wa malwa
Yesu bapa ntomboshi ababayipayile naye pamune lukupilo alukakumbana mu mafuku e kumpala.
YESU—NYI ESHINDA, BINYIBINYI NA MUWA
“Eyendo, uno muntu ikeele Mwan’Efile Mukulu”
Myanda ya kukanya bu mufito mu kaanya, kutshinkakana kwa nsenga na kusanuka kwa kilamba kya mu ntempelo, byoso abilesha mwanda umune.
ESSENTIAL BIBLE TEACHINGS
Bwakinyi Yesu bafwile?
Pangi tobopushishe’shi bafwile bwa milwisho yetu. Kadi mulambu umune wi kukwasha midiyo ya bantu su?
