DILONGYESHA 93
Yesu balukiila mwiyilu
Yesu baadi mufumankane na balondji baye mu Ngalileeya. Bebapeele mwiya wi na muulo ukata pa kwibalungula shi: ‘Endayi kwi bantu ba miilo yoso nwibekashe bu balondji. Nwibalambukishe myanda yoso inaadi mwinulungule, na nwi babatshishe.’ Akupu aye nkwibalaa shi: ‘Nuukye shi Nee neenu mafu ooso.’
Munda mwa mafuku 40 kunyima kw’aye kusanguka, Yesu baadi mumwenekyele balondji baaye nkama mu Ngalileeya na mu Yeelusaleme. Baadi mwibalongyeshe myanda i na muulo ukata na kukita bilengyeleshi bibungi. Akupu Yesu baadi mwibungye na batumiibwa baye bwa musango wa nfudilo ku Mwengye wa Olive. Baadi mwibalungule shi: ‘Tanukatukanga mu Yeelusaleme. Nushale batengyele kyakya kibalayile Yaaya.’
Batumiibwa baye tababaadi bapushe kibaadi akyebe kwakula nya. Abo nkumwipusha shi: ‘Okafiki bu Nfumu a Isaleele binobino?’ Yesu nkwakula shi: ‘Nsaa ya Yehowa ya kuntula bu Nfumu tayabandjile kulombana nya. Anka anukapete bukome bwa kikudi kiselele, na anukekala tumonyi twande. Ndayi nukalambukishe mu Yeelusaleme, mu Yudeya, mu Samariya, mpa’nka na kufudile nsenga.’
Akupu bakaamiine mwiyilu, makumbi nkumushikiila. Balondji baaye abashadile abatala mwiyilu, anka baadi mupwe kwenda.
Balondji abaadi bakatukye ku Mwengye wa Olive abo nkwenda ku Yeelusaleme. Abaadi abebungu pamune misango ibungi bwa kuteka mu kadimbo ka kwiyilu. Abaadi abatengyela bwa shi Yesu ebape angi malango.
“Uno mukandu wibuwa wa Bufumu, aukalungulwa pa nsenga yoso ishadibwe, bwa kulesha bu-kamonyi kwi maumbo ooso na kunyima nfudiilo ayifiki.”—Mateo 24:14, Kilombeeno kipya 2014
Tala dingi
YESU—NYI ESHINDA, BINYIBINYI NA MUWA
Bantu nkama abamumono kumpala kwa Pantekote
Kunyima kwa kusanguka na kumpala kwa’ye kwenda mwiyilu, Yesu badi mwambulwile balongi kebungi pabitale kibabadi na kya kupeta na bibabadi balombene kwi kifubisha.
