DILONGYESHA 6
Kupanda kwa bantu mwanda mu nsenga ipya
Nowa, kifuko kyaye, na nyema abatwelele mu bwato. Yehowa nkufunga kiibi, mpeshi nkubanga kunoka. Aye nkunoka ebungi bwato nkubanga kulengama panundu a meema. Akupu nsenga yooso nkuwula meema. Paasha pa bwato bantu booso bebubi nkufwa. Anka Nowa na kifuko kyaye nkupanda mu bwato. We kunangusheena bibaabadi na muloo ukata mwanda abaadi bakokyele Yehowa su?
Mpeshi nkunoka munda mwa mafuku 40 bufuku na kaanya, akupu aye nkutshibika. Kapeela kapeela meema nkubanga kukama. Ku nfudilo, bwato bubaadi bushaale pa myengye. Kadi kubaadi kukii meema mbalo yooso, Nowa tabaadi na mushindo wa kutuuka mu bwato kalolo na kifuko kyaye nya.
Ku kapeela kapeela, meema ooso abaumine. Nowa na kifuko kyaye abaadi mu bwato munda mwa kipwa na mafuku. Akupu Yehowa nkwibalungula bwa kutuuka mu bwato, abo nkumona bu nsenga ipya. Abaadi na lutuumbu lukata bibaadi Yehowa mwibapaashe, abalesheeshe lwanka pa kulambula Yehowa mulambu.
Yehowa baadi musangeele wawa mulambu. Aye nkulaa shi t’akabutula dingi kintu su nkimune ku mpeshi pa nsenga. Nyi bwakinyi baadi mutuushe nkongolo mwiyilu bu kitundwilo kya wawa mulayilo waaye. Tobomwene nkongolo su?
Akupu, Yehowa nkulungula Nowa na kifuko kyaye bwa kutanda bana na kuusha nsenga.
“Na kwifuku dibatwelele Nowa mu bwato, [bantu] taabaadi ababasuka kintu, nyaa na pa banokyele mpeshi a kafwambu bebatutshile booso.”—Mateo 24:38, 39
Tala dingi
AMBULAYI LUKUMIINO LWABO
Nowa “baadi atambuka n’Efile Mukulu a binyibinyi”
Nowa na mukashi aaye abaadi bafumankane na nkalakasho kinyi bwa kukusha bana baabo? Mbikunyi bibaadi muleeshe lukumino pabaadi mwibakye bwato?
