LUKONKO 3
Ne kwisamba naminyi kalolo na bantande?
BOODYA KUKITA KINYI?
Banda kupwandjikisha uno mwanda: Twi mu dya Kasatu ku kyolwa, Geoff e na bipwa 17 baapu kupwa midimo yaaye ya mu nshibo, bamono’shi mmulombeene kubanda kwikisha kapindji! Babanga kuta TV mwalame mu nkwasa aaye akumiinaa.
Yaaya nsaa, nyi ibafiki Nshaye bemana mu kibelo kushii muloo na kumulungula’shi:
“Geoffrey! Bwakinyi okwete kutala TV kushii kukwasha mwina oobe na midimo yaye ya mu nshibo? T’okitaa myanda yabakulunga nya!”
Geoff baunauna n’eyi dipeela’shi: “Bibabanga dingi.”
Nshaye befubwila, bamwipusha’shi: “Nkinyi kyokula mwana’be?”
Geoff baaluula na kukooka kooso’shi: “Nya, nta kintu Papa,” kwete kupunguula meeso.
Binobino Nshaye bakwata nsungu. Bamulungula’shi: “Tongalulaa dingi byabya!”
Su nnoobe baadya kwikala pa mbalo ya Geoff, boodya kukita kinyi bwa kusuuka kwakwa kwikakeena?
BANDA KUNANGUSHEENA!
Kwisamba na baledi boobe kwi’nka bu kutambusha mootoka. Su bopete mbalo yabadi banfungye eshinda, okimbi dingi eshinda.
Bu Kileshesho:
Ungi nsongwakashi abetamina bu Leah akula’shi: “Bi bukopo bwa kwisamba kalolo na nshaye. Su bapimi kwisamba naye ingi nsaa, amulungula’shi: ‘Banda kwimana, nnami wesamba naye?’”
LEAH E NA MYANDA ISATU YA KUKITA.
-
Kusaashila nshaaye.
Leah basama’shi: “Pusha byankulungula! Bi na muulo!”
-
Kupela kwisamba na nshaye.
Leah bauku kupela kulungula nshaye myanda yaaye.
-
Kutengyela nsaa ibuwa ya kubanguula mwisambo.
Leah besamba na nshaye ingi nsaa sunga kumufundjila mwanda waye mu mukanda kunyima.
We kulungula Leah bwa kukita kinyi ku ino myanda isatu?
Nka bu kukimba dingi eshinda mbalo yabadi bedinfungye, we kukimba byodya kwipusheena na bakutande
BANDA KUNANGUSHEENA: Nshaye na Leah mmutuule binangu ku ingi myanda, tauku akikalakasha Leah nya. Binobino su Leah basangula Mwanda wa A, nshaaye ta mmulombeene kupusha bwakinyi amusamina nya. Ingi nsaa mbilombeene kutakula nshaye na Leah bwa kupela kumupusha mwanda abileesha’shi te na kaneemo na kudinga nshaye nya. (Beena-Efeso 6:2) Eyendo’shi uno mwanda wa kumpala taukwasha muntu su ngumune.
Mwanda wa B wi kumweneka bu upelepeele kukita, anka tawi buwa nya. Bwakinyi? Mwanda, bwa kupwa kalolo myanda yaaye, Leah e na lukalo lwa kwisamba na nshaye—na dingi bwa’shi nshaye amukwashe, abitungu aukye myanda ayimukalakasha. Kushaala muumiine nta nkupwa kwa mwanda nya.
Aku namu su basangula Mwanda wa C, Leah tatadiila luno lukalashi bwaludya kushikiila kwitatshisha kwaye bwa kwisamba na nshaye nya. E kwisamba na nshaye ingi nsaa kunyima. Sunga asangula bwa kufunda mukanda, bi kumukwasha.
Mwanda kufunda mukanda kwi kumukwasha bwa kusangula bishima abipatuula kalolo kyakumiina kwakula. Apabadika nshaye mukanda, e kuuka akikimbanga kumulungula Leah, bi kumukwasha bwa kupusha lukalakashi lwaye. Mwanda wa 3, awibakwasha booso. Mwanda, kwisamba naye sunga kufunda mukanda akulondo mwiya wa mu Bible wa ‘kukimba myanda ilombeene kutwala butaale.’—Beena-Looma 14:19.
Myanda kinyi ibaadya kukwasha dingi Leah?
Banda kutala su we na ungi mwanda, weufunde pano pa kuushi. Akupu, kyaudi ulombeene kufwisha.
DIMUKA PABITALA KYOKYEBE KWAKULA
Tentekyesha’shi, mwanda okwete kwakula, na abipusha bakutande’shi nyi bibwakula, bi kwikala bilekeene.
BU KILESHESHO:
Bakutande abaakwipusha bwakinyi we mubungame. Obe namu bwaluula’shi: “Ta kwi mwanda.”
Kadi bakutande abapusha bu’be baakula’shi: “Ntshi mwinukulupile nya. Nankalunga bakuuku bande myanda yande pamutwe wa kwinulungula’nwe.”
Banda kupwandjikisha’shi we na mwanda aukukalakasha bikata, mukutande akyebe nkukwasha. Kadi obe namu bwakula’shi: “Twekalakashanga nya. Ne kwiupudisha ami nabeene.”
-
be kupusha’shi
-
Boodya kutuusha lwaluulo kinyi lwibuwa?
Tala dingi
MUNTU AFUNDU KWIBAYA
Ne kwisamba na baledi bande naminyi?
Mushindo kinyi odya kwisamba na baledi bobe su opusha shi twe na mushindo wa kwisamba nabo?
