DILONGIESHA 02
Bible etupa lukulupilo
Mu nsenga ishima bantu bakuete kufumankana na mianda aibabungamisha, aibakalakasha mpa na aibatuadila makienga. Tobopetele muanda mu nshalelo obe aukufikisha mu kupusha bino su? Pangi okuete kukienga muanda we na mukumbo kampanda sunga muanda we mufuishe muntu odi mufule. Pangi we mulombene kuiyipusha’shi: ‘Dingi efuku nshalelo ana alumbulukie namu su?’ Bible atusha lualulo aluitupa lukulupilo ku luno lukonko.
1. Bible etupa lukulupilo kinyi?
Bible tetupatuluila penda buakinyi nsenga ngiule na nkalakashi nya, anka etulungula dingi mukandu wi buwa wa’shi ino mianda yoso i pa nsenga ngia kapindi kapela na, aipu binobino. Milailo i mu Bible, “ngilombene nkupa lukulupilo lwa mafuku aafiki.” (Badika Yeelemiya 29:11, 12.) Ino milailo, aitukuasha buatudia kunyingiila ku nkalakashi, kuikala na mueneno ebuwa na kuitupa muloo wa loso.
2. Bible etulaa kinyi bua mafuku aafiki?
Bible etulaa’shi mu mafuku e kumpala, “takukekala’nyi lufu, sunga maalo sunga kutompola sunga mitanyo.” (Badika Kibafumbwilwe 21:4, EEM.) Mianda yoso ikuete kuitukalakasha lelo uno, bu bulanda, kukutua kululama, mikumbo na lufu—tabikekela kuanka dimo. Bible alesha’shi, bantu abakekala na muloo wa loso mu Mpaladiiso pa nsenga.
3. Mbikunyi biodi mulombene kushinkamisha’shi milailo yoso ya mu Bible aikalombana?
Bantu bebungi abakulupila’shi abapete bintu bibuwa anka, takui kintu su nkimune akibashinkamisha’shi abakebipete. Anka milailo ya mu Bible tai bino nya, ayo aikalombana. Bua kuikala na bino bishinkamisho, abitungu ‘kutaluula Bifundue’ kalolo. (Bikitshino 17:11) Kulonga kobe kua Bible akukukuasha bua kuiatshila kitshibilo su okumina biamba pabitale mafuku e kumpala.
TUKIMBUULE BOSO
Tutaluule abikekala nshalelo apakalombana milailo ya mu Bible pabitale mafuku e kumpala. Tutale lukulupilo luabetupa kui Bible bia lukuete kukuasha bantu lelo uno.
4. Bible etulaa’shi tui balombene kuikala na muwa wa loso mu nshalelo mupuidikie
Tubadikie mulongo wa milailo yabadi baleshe mu Bible. Mmulailo kinyi aukambaa nkusangasha? Buakinyi wamba biabia?
Badikai bifundue biabadi baleshe ku nfudiilo kua yaya milailo, akupu nuisambile ino nkonko ailondo:
-
Bopusha’shi bino bifundue bibakupa lukulupilo su? Opuandikisha’shi mbilombene kupa kifuko kiobe na ba kuku bobe lukulupilo?
Banda kupuandikisha pa nsenga tape
|
MUNTU SU NGUMUNE . . . |
MUNTU OSO . . . |
|---|---|
|
|
|
|
|
|
|
|
|
|
5. Milailo ya mu Bible ngilombene kushintula nshalelo obe
Bantu bebungi p’abamono mianda i bubi ibefunyishe ababofula ku mashimba. Bangi abetatshisha ngofu bua kulumbuula mianda. Tala milailo ya mu Bible biayinyingisha bantu, p’abo kuuka’shi mianda aikashintuluka. Tala VIDEO, akupu nuisambile ino nkonko ailondo.
-
Mu uno video, muanda kinyi wa kukutua kululama ubadi ukalakashe Rafika?
-
Sunga’shi kuno kukutua kua kululama ta nkupue, Bible badi mumukuashe naminyi?
Milailo ya mu Bible pabitale nshalelo ebuwa mu mafuku aafiki ngilombene kuitukuasha bua kukambila kutshoboloka na kukambila nkalakashi. Badika Nkindji 17:22 na Bena-Looma 12:12, akupu nuisambile ino nkonko ailondo:
-
Opuandikisha’shi ino milailo ya mu Bible ngilombene kushintula nshalelo obe kubanga binobino su? Buakinyi wamba biabia?
BANGI ABAMBA’ SHI: “Milailo ya mu Bible pabitale mafuku aafiki taikalombana nya.”
-
Buakinyi bi na muulo kutaluula obe nabene’shi milailo i mu Bible ngia binyibinyi?
MU KIKOSO
Bible etupa lukulupilo na, etukuasha bua kunyingiila nkalakashi p’aye kuitupa milailo bua mafuku aafiki aituikasha na muloo.
Kuambuula
-
Buakinyi bantu be na lukalo lua kuuka milailo y’Efile Mukulu?
-
Bible akula kinyi pabitale mafuku e kumpala?
-
Kuikala na lukulupilo bua mafuku aafiki nkulombene nkukuasha naminyi kubanga binobino?
TALUULA DINGI
Longa mushindo ulombene lukulupilo nkukukuasha nsaa yodi na nkalakashi.
“Nkunyi kodi mulombeene kupeta lukulupilo lua binyibinyi?” (Pasukayi!, 22/4/2004)
Tala bilombene lukulupilo lua mianda i kumpala kukuasha muntu e na mukumbo ushi’aupuiya.
“Bible mmulombeene nkukwasha su wekala na mukumbo ushy’aupwiyaa?” (Mwisambo wi ku Internete)
Nsaa yobandila uno video e na mizike emone na kifuko kiobe bu’nue be mu Mpaladiiso abadi balee mu Bible.
Bala bibadi bialulukie nshalelo a muntu badi muipane mu kushintula nshalelo ya bangi, pabadi mulongie milailo ya mu Bible bua mafuku e kumpala.
“Ntamonaa dingi shi ne na kya kushintuula bya pano nya” (Kitenta kya Mulami, 1/7/2013)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
