DILONGIESHA 10
Bisangilo bia ba Temwe ba Yehowa bi nkukuasha naminyi?
Tobotuelele mu bisangilo bia ba Temwe ba Yehowa? Su tobandile kuimutuela, we kupusha katshima’munda bua kuimutuela musango wa kumpala. Pangi we kubanga kuiyipusha’shi: ‘Nkinyi akikitshikaa ku bino bisangilo? Buakinyi bi na muulo? Buakinyi abitungu nemutuele? Mu dino dilongiesha okalongo’shi kutuela mu bisangilo na bangi bantu akukukuasha bua kuifubuila pepi n’Efile Mukulu pa bupenka.
1. Buakinyi ba Temwe ba Yehowa abebungaa pamune?
Tala kabingilo kakata kabalesha kui ungi mufundi a Bible, aketutakulaa bua kuibunga na bangi, bambile’shi: “Mu bisaka bia bantu [kakongye] nantumbisha Yehowa.” (Misambo 26:12) Mu mushindo umune, ba Temwe ba Yehowa abapetaa muloo wibungi pabebungu pamune. Ku lubingo loso pa nsenga ishima abebungaa pamune bua kutumbisha Yehowa, kumuyimbila na kumuteka. Ku kipua kioso, abebungaa dingi misango ibidi sunga isatu mu bikongeno bikata bua kulanguila Yehowa.
2. Okalongo mianda kinyi ku bisangilo bietu?
Mu bisangilo, malongiesha etu ngemeene pa Eyi di’Efile Mukulu, ‘abedipatuulaa na kuidipushisha kalolo.’ (Badika Neemiya 8:8.) P’otuele mu bisangilo, okalongo pabitale Yehowa na ngikashi yaye ibuwa. Nsaa yonyinsha kuuka bikufule Efile Mukulu onyisha kuifubuila kuadi. Okatundula dingi biadi mulombene nkukuasha biodia kuikala na nshalelo a muloo.—Yeeshaya 48:17, 18.
3. Kuibunga na bangi mu bisangilo nkulombene nkukuasha naminyi?
Yehowa etutekie buatudia ‘kuikwashena ku muntu na muntu, bwa kuinyingishena mu kifulo na mu mifubo ibuwa. Tatupungilanga kufika mu bisangilo byetu.’ (Bena-Ebelu 10:24, 25) Mu bisangilo bietu, okapete bantu abekuashena ku muntu na muntu na bakufule, na abekitshisha bua kulonga bibungi pabitale Efile Mukulu. Okateemesha biabenyingishena ku bukuashi bua Bible. (Badika Bena-Loma 1:11, 12.) Okeukena dingi na bangi, bebakile sunga bashii bebakile, be na muloo sunga biabakuete kupeta nkalakashi. Nyi buakinyi Yehowa akumina’shi tuikale atuibungu pamune pa kiubishi!
TUKIMBUULE BOSO
Tutale abikalaa bisangilo bia ba Temwe ba Yehowa na buakinyi abitungu kuikitshisha bua kuimutuela.
4. Bisangilo bia ba Temwe ba Yehowa
Mu siekele a kumpala, bena Kidishitu babadi abebungu pamune pa kiubishi bua kulanguila Yehowa. (Bena-Loma 16:3-5) Badika Bena-Kolose 3:16, akupu nuisambile luno lukonko alulondo:
-
Bena Kidishitu ba kumpala babadi abalanguila Yehowa naminyi?
Ano mafuku eetu, ba Temwe ba Yehowa bakuete kuibunga dingi pa kiubishi ku ma mbalo aabo a lulanguilo. Bua kuka abikitshikaa bisangilo biabo, Tala VIDEO. Akupu, otale kifuatulo kia bantu be mu bisangilo, na nuisambile ino nkonko ailondo.
-
Nkuipushena kinyi kui pa nkatshi pa bibomono abikitshika ku Nshibo ya Bufumu na bibobadika mu mukanda wa Bena-Kolose 3:16?
-
Mu uno video sunga mu kifuatulo, bolamiina dingi kintu kampanda akikusankisha pabitale bisangilo?
Badika 2 Bena-Kodinda 9:7, akupu nuisambile luno lukonko alulondo:
-
Buakinyi mu bisangilo bia ba Temwe ba Yehowa t’abakishaa kaseele ka milambu?
Obe na muntu anulongaa naye Bible, talulai pamune mianda yanukesambila mu bisangilo bia musango aufiki.
-
Kipindi kinyi kia bisangilo kibakusankisha ngofu, sunga ki na muulo koodi?
Oukanga su?
Mu jw.org, we mulombene kupeta nsaa na ma mbalo elekene aakitshikaa bisangilo pa nsenga ishima.
-
Mu bisangilo muetu, amuikalaa misambo, maasha a bileshesho mpa na ma video. Abibangaa na kufudiila na loono na luteko
-
Mu bingi bipindi bia bisangilo abatekaa bantu bua kutusha ngalulo
-
Abakukilaa bantu booso—biabikala bena kifuko, be bukupi, bantu banunu sunga bana
-
Tabatekaa muntu makuta bua kutuela mu bisangilo, sunga kukisha kaseele ka milambu
5. Abitungu kuikitshisha bua kutuela mu bisangilo
Tutalule kileshesho kia kifuko kia Yesu. Ku kipua kioso babadi abatambuka bilometre bifikie pa 100, abakamina miengie kukatukila ku Nazarete bua kuenda ku ntempelo ku Yelushaleme. Badika Luka 2:39-42, akupu nuisambile ino nkonko ailondo:
-
Omono’shi bibadi abitungu kuikitshisha bua kuenda ku Yelushaleme?
-
Buakinyi abitungu wekitshishe bua kutuela mu bisangilo?
-
Omono’shi kuenda mu bisangilo kui na muulo? Buakinyi wakula biabia?
Bible akula’shi kuibunga pamune bua kulanguila kui na muulo ukata. Badika Beena-Ebelu 10:24, 25, akupu nuisambile luno lukonko alulondo:
-
Buakinyi abitungu tutuele mu bisangilo pa kiubishi?
BANGI ABAMBA’SHI: “Kuibunga na bangi takui na muulo. Ne kuibadikila ami nabene ku nshibo.”
-
Nkifundue kinyi sunga kileshesho kia mu Bible kiodi mulombene kufubisha bua kulesha akikumina Yehowa pabitale uno muanda?
MU KIKOSO
Kutuela mu bisangilo akukukuasha bua kulonga bibungi pabitale Yehowa, bua kutamisha kipuano kiobe naye na kumulanguila pamune na bangi.
Kuambuula
-
Buakinyi Yehowa etunyingisha bua kuibunga pamune?
-
Nkinyi kiokalongo mu bisangilo bia ba Temwe ba Yehowa?
-
Kutuela mu bisangilo nkulombene dingi nkukuasha naminyi?
TALUULA DINGI
Su opushaa katshima’munda bua kuenda mu bisangilo, tala ungi muntu badi epusha biabia, biadi mufikie mu kufula bisangilo.
Tala bibadi ungi nsongualume mupete muloo wa kutuela mu bisangilo na kibadi mukite bua kutungunuka na kuimutuela.
Tala abipushaa bangi pabitale kutuela kua mu bisangilo.
“Buakinyi abitungu kutuela mu bisangilo ku nshibo ya bufumu?” (Muisambo wi mu Internete)
Tala ungi muntu badi mu kisaka kia bantomboshi biadi mushintule nshalelo aaye kunyima kua kutuela mu bisangilo bia ba Temwe ba Yehowa.
“Ntshi naadi nende mbalo su ngimune kushi kamputu kande” (Kitenta kia Mulami, 1/7/2014)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
