DILONGIESHA 13
Bia bakuete kusabulusha Efile Mukulu kui bipuilo bia madimi
Su Efile Mukulu nkifulo, buakinyi bena bipuilo abamba’shi abamulanguila abakitshi mianda ibubi i bungi? Mu kuakula kua kalolo, bino bipuilo mbia madimi, bikuete kusabulusha Efile Mukulu. Bikuete kumusabula mu kipaso kinyi? Efile Mukulu namu kuete kupusha naminyi? Akakitshi kinyi pabitale uno muanda?
1. Bipuilo bia madimi abisabulusha Efile Mukulu ku malongiesha aabio naminyi?
Bena bipuilo bia madimi “mbashintule binyibinyi by’Efile Mukulu ku madimi.” (Bena-Looma 1:25) Bu kileshesho, bipuilo bibungi ntambilambukishe balanguidi babio eshina di’Efile Mukulu nya. Aku namu Bible akula’shi abitungu kufubisha eshina di’Efile Mukulu. (Bena-Looma 10:13, 14) Bangi bakata ba bipuilo abamba’shi nsaa aikitshika muanda wi bubi, nyi Efile Mukulu bakumina. Anka biabia mbia madimi. Efile Mukulu ntanaye kuete kufuisha mianda i bubi nya. (Badika Shake 1:13.) Muanda wa malua, madimi a bipuilo akuete kuikasha bantu kula n’Efile Mukulu.
2. Bipuilo bia madimi bikuete kusabulusha Efile Mukulu ku bikitshino biabo naminyi?
Bipuilo bia madimi tabikuete kukitshina bantu mianda muyile abikumina Yehowa nya. Bible akula’shi “milwisho [ya bipuilo bya madimi] ngilundamane mututo ukafikye mpa na mwiyilu.” (Kibafumbwilwe 18:5, EEM) Munda mua bipua nkama, bipuilo bikuete kutuelekana mu mianda ya politike, bikuete kukuatshishena ngoshi na bikuete kuipaisha bantu be bungi. Bangi bakata ba bipuilo bakuete kukumina kuikala na bupeta, nyi buakinyi bakuete kuteka balanguidi babo makuta. Bino bia bakuete kukita abilesha’shi tabauku Efile Mukulu, tabe na kabingilo ka kuamba’shi mbafubi b’Efile Mukulu.—Badika 1 Yowano 4:8.
3. Efile Mukulu apushaa naminyi pabitale bipuilo bia madimi?
Su mianda yabakitshi kui bipuilo bia madimi aikufitshisha munda, omono’shi Yehowa apushaa naminyi? Aye mufule bantu anka, e na nsungu bua bakata ba bipuilo bia madimi bakuete ku musabulusha na kukitshina bena kulanguila nabo mianda i bubi. Mule’shi bipuilo bia madimi, abakebibutula na ‘tabikapetshibwa dimo nya.’ (Kibafumbwilwe 18:21) Binobino, Efile Mukulu akabutula bipuilo bioso bia madimi.—Kibafumbwilwe 18:8.
TUKIMBUULE BOSO
Tutale ingi mianda pabitale abipushaa Efile Mukulu bua bipuilo bia madimi. Tala mianda ya bikuete kukita na biayishi ilombene nkukutshishua bua kuuka Yehowa.
4. Efile Mukulu akuminaa bipuilo bioso su?
Bantu be bungi abakumina’shi bipuilo bi nka bu mashinda elekene kadi oso aatuala kui Efile Mukulu. Bino mbia binyibinyi su? Badika Mateo 7:13, 14 akupu nuisambile luno lukonko alulondo:
-
Bible akula kinyi pabitale eshinda adituala ku muwa wa ikalayika?
Tala VIDEO, akupu nuisambile luno lukonko alulondo.
-
Bible akula’shi kui bipuilo bi bungi abisankisha Efile Mukulu su?
5. Bipuilo bia madimi tabilesha bi kifulo ki’Efile Mukulu
Bipuilo bia madimi bikuete kusabulusha Efile Mukulu mu mishindo i bungi. Umune wa ku mishindo ikile bubi wa bakuete kuibikita ngua kutuelakana mu mianda ya ngoshi. Bua kumona kileshesho kimune tala VIDEO. Akupu nuisambile ino nkonko ailondo.
-
Nkinyi kibakitshine bipuilo bi bungi mu Ngoshi ya kabidi ya nsenga ishima?
-
Opusha naminyi pabitale bibabadi bakite?
Badika Yowano 13:34, 35 na 17:16. Akupu nuisambile ino nkonko ailondo:
-
Opuandikisha’shi Yehowa apushaa naminyi nsaa aituelakana bipuilo mu mianda ya ngoshi?
-
Bipuilo bia madimi nyi bikuete kufuisha mianda i bungi i bubi. Mu mianda kinyi modi mumone bipuilo abikutua kulesha bi kifulo ki’Efile Mukulu?
Bipuilo bia madimi tabilesha bi kifulo ki’Efile Mukulu
6. Efile Mukulu akumina’shi bantu batukie mu bipuilo bia madimi
Badika Kibafumbwilwe 18:4, a akupu nuisambile luno lukonko alulondo:
-
Opusha naminyi pobe kuka’shi Efile Mukulu akumina kupasha bantu babakuete kudimba kui bipuilo bia madimi?
7. Tungunuka na kulonga pabitale Efile Mukulu a binyibinyi
Mianda i bubi yabakitshi kui bipuilo bia madimi ngilombene kuluisha mueneno obe pabitale Efile Mukulu su? Banda kupuandikisha’shi muana bapele buludiki bui buwa buabamupa kui nshaye. Yawa muana bakatuka ku nshibo na babanga kuikala na nshalelo e bubi. Nshe muana tasankila bikitshino bia muwan’aye ntomboshi. Buakinyi tatui balombene kutopeka nshe muana bua bikitshino bi bubi bia muan’aye ntomboshi?
-
Tui balombene kutopeka Yehowa na kuleka kulonga pa bimutale muanda wa bikitshino bi bubi bia bipuilo bia madimi su?
BANGI ABAMBA’SHI: “Mianda y’Efile Mukulu tainsankisha muanda bipuilo ngi abifuisha nkalakashi i bungi.”
-
Obe namu we na mueneno kinyi pabitale uno muanda?
-
Buakinyi bikitshino bi bubi bia bipuilo bia madimi ntambilombene kushintula mueneno etu pabitale Yehowa?
MU KIKOSO
Bipuilo bia madimi bikuete kusabulusha Efile Mukulu mu malongiesha aabio na mu bikitshino bi bubi. Efile Mukulu akabutula bipuilo bioso bia madimi.
Kuambuula
-
Opusha naminyi pabitale malongiesha a bipuilo bia madimi na mianda ya akuete kufuisha?
-
Yehowa apusha naminyi pabitale bipuilo bia madimi?
-
Efile Mukulu akakitshi kinyi na bipuilo bia madimi?
TALUULA DINGI
Tala mishindo ibidi ailesha buakinyi bipuilo tabisankisha Efile Mukulu.
“Bipuilo bioso bi mumune? Bioso abituala kui Efile Mukulu su?” (Muisambo wi mu Internete)
Buakinyi Yehowa akumina’ shi tumulanguile pamune na bangi bantu?
“Kuikala mu lulanguilo lui na mianda ilumbulue kalolo kui na muulo su?” (Muisambo wi mu Internete)
Ungi mumpeele badi mukalakashue na malongiesha a kipuilo kiabo. Anka bino tabibadi bimukutshishue kulonga bia binyibinyi pabitale Efile Mukulu nya.
“Buakinyi ungi mumpeele bakatukile mu kipuilo kiaye” (Pasukayi!, 2/2015)
Munda mua bipua bibungi bipuilo mbilongieshe mianda ibungi ya madimi aitakula bantu mu kukumina’ shi Efile Mukulu t’etatshishaa buabo, na’shi e na etombo. Longa pabitale asatu a ku ano madimi.
“Twi kufula Efile Mukulu naminyi na ano madimi?” (Kitenta kia Mulami, 1/11/2013)
a Bua kuuka buakinyi mukanda wa Kibafumbwilwe aulesha bipuilo bu mukashi abetanyina bu Babilone mukata, tala Kikumbashilo 1.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
