DILONGIESHA 21
Mba nnanyi bakuete kulungula mukandu wi buwa lelo uno?
Ku bukuashi bua Bufumu buaye, Yehowa akapudisha mianda yoso aitukalakasha. Bantu boso bena lukalo lua kuuka uno mukandu wi buwa. Yesu badi mukumine buashi balongi baye balungule uno mukandu wi buwa kui bantu boso! (Mateo 28:19, 20) Ba Temwe ba Yehowa bakuete kukokiela ku dino eyi dia Yesu mu mushindo kinyi?
1. Mateo 24:14 kuete kukumbana lelo uno naminyi?
Yesu bakuile’shi: “Na uno mukandu wi buwa wa Bufumu aukalungulwa pa nsenga yooso ishadiibwe.” (Mateo 24:14) Ba Temwe ba Yehowa be na mulo wa kukita uno mudimo wi na muulo ukata. Tukuete kulungula uno mukandu wi buwa mu ndimi ikile pa 1 000 mu nsenga ishima! Uno nyi mudimo ukata autekie kuitatshisha ngofu na kuikala belumbule. Tatui balombene kuiukita kalolo kushi bukuashi bua Yehowa.
2. Tui kuitatshisha naminyi bua kulungula mukandu wi buwa?
Atulungulaa mukandu wi buwa mbalo yoso yatupete bantu. Nka bu bena Kidishitu ba mu siyekele a kumpala, atulungulaa mukandu wi buwa “ku nshibo na nshibo.” (Bikitshino 5:42) Ano mayele akuete kuitukuasha bua kulungula mukandu wi buwa kui bantu midiyo ku kipua kioso. Kui bantu batushaa bapetaa ku mashibo abo, nyi buakinyi atulungulaa mukandu wi buwa mu ma mbalo e bantu be bungi. Misango yoso atukimba mishindo ya kulungula bantu pabitale Yehowa na pabitale mpango yaye.
3. Mba nanyi be na bushito bua kulungula mukandu wi buwa?
Bena Kidishitu ba binyibinyi boso, be na bushito bua kulungula bangi mukandu wi buwa. Atuataa uno mudimo wetu na muulo ukata. Atulungulaa mukandu wi buwa kui bantu be bungi muyile bukome buetu, muanda atuku’shi aupashaa bantu. (Badika 1 Timote 4:16.) Tabetufutaa bua uno mudimo nya, muanda Bible akula’shi: “Nwi bapete buuntu, byabya panaayi buuntu.” (Mateo 10:7, 8) Biabia, ta mbantu boso abakuminaa mukandu wetu nya. Anka, atutungunuka na kulungula, muanda nyi nkipindi kia mu lulanguilo luetu, na kukita biabia akuikasha Yehowa na muloo.
TUKIMBUULE BOSO
Tulongie bibungi pabitale abikitshishaa ba Temwe ba Yehowa bua kulungula mukandu wi buwa mu nsenga ishima, na tutale abitukuashaa Yehowa.
Bakuete kulungula mukandu wi buwa mu nsenga ishima: (A) Costa Rica, (B) États-Unis, (C) Bénin, (D) Thaïlande, (E) Yap, (F) Suède
4. Atuikitshishaa ngofu bua kulungula bantu boso mukandu wi buwa
Ba Temwe ba Yehowa abetatshishaa mu mushindo wi pabuao, bua kulungula mukandu wi buwa kui bantu bashale mu ma mbalo oso. Tala VIDEO, akupu nuisambile luno lukonko alulondo.
-
Nkinyi akikukanyisha pabitale abikitshishaa ba Temwe ba Yehowa bua kulungula mukandu wi buwa?
Badika Mateo 22:39 na Bena-Looma 10:13-15, akupu nuisambile ino nkonko ailondo:
-
Mudimo wetu wa bulungudi aulesha naminyi’shi tuibafule bantu netu?
-
Yehowa apushaa naminyi pabitale bano abalungula mukandu wi buwa?—Tala verse 15.
5. Tukuete kufuba pamune na Yehowa
Mianda i bungi imone bantu, ailesha’shi Yehowa kuete kukunkusha uno mudimo wetu. Bu kileshesho, mu Nouvelle-Zélande, ungi mukuetu abetanyinaa bu Paul badi mufumankane na ungi muana mukashi pabadi mu bulungudi bua ku nshibo na nshibo kunyima kua midi. Mu diadia efuku ku namashika yawa muana mukashi badi mutekie Efile Mukulu, amutemuna mu eshina diaye dia bu Yehowa na amuteka buashi bafikie mu kumutembela. Paul amba’shi: “Nsaa isatu kunyima kua yawa muana mukashi kuteka nafikile nakokola ku kibelo kiaye.”
Badika 1 Bena-Kodinda 3:9, akupu nuisambile luno lukonko alulondo:
-
Umune wa ku mianda imone bakuetu ba mu Nouvelle-Zélande aulesha naminyi’shi Yehowa kuete kukunkusha mudimo wa bulungudi?
Badika Bikitshino 1:8, akupu nuisambile luno lukonko alulondo:
-
Buakinyi tui na lukalo lua bukuashi bua Yehowa buatudia kulombasha mudimo wetu?
Oukanga su?
Ku lubingo loso, mu bisangilo bia munkatshi mua lubingo atupetaa malongiesha aetukuasha bua kulungula mukandu wi buwa. Su tobopuile kutuela mu bino bisangilo, onangushena naminyi pabitale bibabadi balongieshe bua kukita bulungudi?
6. Atukokiela muiya w’Efile Mukulu wa kulungula mukandu wi buwa
Mu siekele a kumpala, beshikuanyi babatompele kuimika balongi ba Yesu bua kulungula mukandu wi buwa. Bena Kidishitu ba kumpala babadi bakaluile matalua aabo a “kupalakasha mukandu wi buwa.” (Bena-Fidipe 1:7) Lelo uno, na ba Temwe ba Yehowa namu bakuete kukita nka biabia. a
Badika Bikitshino 5:27-42, akupu nuisambile luno lukonko alulondo:
SU MUNTU AKUIPUSHA’SHI: “Buakinyi ba Temwe ba Yehowa abenda ku mashibo a bantu bua kulungula mukandu wi buwa?”
-
We kualula naminyi?
MU KIKOSO
Yesu batumine balongi baye bua kulungula mukandu wi buwa kui bantu ba miilo yoso. Yehowa kuete kukuasha bafubi baye buabadia kukita uno mudimo.
Kuambuula
-
Buakinyi mukandu wi buwa ukuete kulungulua mu nsenga ishima?
-
Mukandu watukuete kulungula aulesha naminyi’shi tuibafule bantu netu?
-
Omono’shi mudimo wa bulungudi wi kuituikasha na muloo su? Buakinyi wamba biabia?
TALUULA DINGI
Tala bia bakuete kulungula mukandu wi buwa kui ba Temwe ba Yehowa mu bibundi bikata.
Ba Temwe ba Yehowa mbakite kinyi bua kukuasha bantu bafilukie?
Babapuile nyota ya mu kikudi ya bantu bafilukie muiumbo diabo (5:59)
Pusha abipatuula ungi muana mukashi buakinyi kukisha nshalelo aye mu kulungula mukandu wi buwa akumuikashaa na mulo.
Tala bingi bitshibilo bikata bia tumiladi biabidi bikuashe bua kuyisha mukandu wi buwa kumpala.
a Efile Mukulu nyi muitupe matalua a kulungula mukandu wi buwa, nyi buakinyi atue ba Temwe ba Yehowa tatukimbaa matalua a bantu bua kukita uno mudimo nya.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
