DILONGIESHA 35
Bia kuata bitshibilo bi buwa
Atue boso atuataa bitshibilo. Bi bungi bia ku bianka bi na bukitshishi bukata kuatudi na ku kipuano kietu na Yehowa. Bu kileshesho, tui kuata kitshibilo kia mbalo ya kushala, bia kupeta nfualanga, sunga kuibakila. Patuata bitshibilo bi buwa, tui kuikala na mulo mu nshalelo na atusankisha Yehowa.
1. We kufubisha Bible bua’shi akukuashe bua kuata bitshibilo bi buwa naminyi?
Kumpala kua kuata kitshibilo, teka Yehowa bukuashi na kukimbula mu Bible bua kuuka bi mueneno a Yehowa pabitale wawa muanda. (Badika Nkindji 2:3-6.) Mu ingi mianda, Yehowa elaa miya aipushika kalolo. Biabia, kuata kitshibilo kia kukokiela ino miya, ngi kui buwa.
Bi kuikala naminyi su ta kui muiya aulesha kalolo bia kukita muanda kampanda? Papa Yehowa akukunkusha ‘mwishinda diodia kutambukila.’ (Yeeshaya 48:17) Mu mushindo kinyi? We kupeta mayi a kulonda aakukunkusha. Mayi akulonda a mu Bible nyi bia binyibinyi bia kitako abilesha bi binangu bia Yehowa na biapushaa. Ke bungi, atulongaa abipusha Yehowa pabitale ingi mianda, patubadika miisambo ya mu Bible. Patunangushena abipushaa Yehowa pabitale muanda kampanda, atuata bitshibilo abimusangasha.
2. We kutalula mianda kinyi kumpala kua kuata kitshibilo?
Bible akula’shi: “Mudimukye eshinka kwibedi kwa kukita kintu.” (Nkindji 14:15, EEM) Bino abilesha’shi kumpala kua kuata kitshibilo, abitungu kuata nsaa ya kunangushena pabitale kiatusangula bua kukita. Nsaa yotalula muanda oso eipushe’shi: ‘Mayi kinyi a kulonda aatungu kufubisha pano? Nkinyi ki kumpa butale bua mu binangu? Kitshibilo kiande akikala na bukitshishi kinyi kui bangi? Muanda ukata nguno, akikasangasha Yehowa su?’—Miiya Ikituulwe 32:29.
Yehowa e na kabingilo ka kuitulungula ki buwa na ki bubi. Nsaa yatuku kalolo miya ya Yehowa na mayi a kulonda, na kuata kitshibilo kia kuiatumikila, atuikala na kondo k’eshimba ke buwa. Kondo k’eshimba nyi ngobesha ya ku butandwa ya kushinguula ki buwa na ki bubi. (Bena-Looma 2:14, 15) Patulongiesha kondo ketu k’eshimba, aketukuasha bua kuata bitshibilo bi buwa.
TUKIMBUULE BOSO
Tutale abitukuasha mayi a kulonda a mu Bible na kondo ketu k’eshimba bua kuata bitshibilo.
3. Tadila Bible akukunkushe
Mayi a kulonda a mu Bible e kuitukunkusha patuata bitshibilo naminyi? Tala VIDEO, akupu nuisambile ino nkonko ailondo.
-
Bulungantu nkinyi?
-
Buakinyi Yehowa muitupe bulungantu?
-
Yehowa muitupe kinyi kia kuitukuasha bua kufubisha bulungantu buetu kalolo?
Bua kumona kileshesho kimune kia mayi a kulonda a mu Bible, badika Bena-Efeso 5:15, 16. Akupu nuisambile biodia “kufubisha nsaa yobe kalolo” bua . . .
-
kubadika Bible pa kiubishi.
-
kuikala muina dibaka, muledi, nsongualume, sunga nsonguakashi e buwa.
-
kutuela mu bisangilo bia kakongye.
4. Longiesha kondo kobe k’eshimba bua kuata bitshibilo bi buwa
Pakudi kifundue akipushika kalolo pabitale muanda kampanda, bi kuikala bibofule bua kuata kitshibilo ki buwa. Kadi bi kuikala naminyi su ta kui muiya pabitale muanda kampanda? Tala VIDEO, akupu nuisambile luno alulondo.
-
Mu video, nkinyi kibakitshi mukuetu mukashi bua kulongiesha kondo kaye k’eshimba na bua kuata kitshibilo akisankisha Yehowa?
Buakinyi ta bi buwa kuteka muntu bua kuata kitshibilo pa mbalo yetu? Badika Bena-Ebelu 5:14, akupu nuisambile ino nkonko ailondo:
-
Sunga biekala bibofule bua kuteka bangi bua kuata kitshibilo pa mbalo yetu, atue banabene tui na ngobesha ya kutundula kinyi?
-
Tui na kinyi kia kuitukuasha bua kulongiesha kondo ketu k’eshimba na kuata bitshibilo bi buwa?
Anka abikalaa karte, kondo ketu k’eshimba aketukuasha bua kusangula kia kukita mu nshalelo eetu
5. Nemeka kondo k’eshimba ka bangi
Bantu abataa bitshibilo bilekenelekene. Tui kulesha naminyi’shi atunemekaa kondo k’eshimba ka bangi? Tubande kutala ino mianda ibidi:
Muanda 1: Mukuetu mukashi mukumine kuipenta kumpala kua kuenda mu bisangilo e kuenda mu kakongye ke bakuetu bakashi abamonaa kuipenta bu kui bubi.
Badika Bena-Loma 15:1 na 1 Bena-Kodinda 10:23, 24, akupu nuisambile ino nkonko ailondo:
-
Muyile ino verse, yawa mukuetu mukashi e kuata kitshibilo kinyi? We kukita kinyi su we na muntu sh’akumina kukita biabia biokitshi muanda kondo kaye k’eshimba akamutosha kuibikita?
Muanda 2: Mukuetu mulume auku’shi Bible ta mupele kutoma ndambo ya malua, anka bata kitshibilo kia kupela kuiatoma. Abamuitamina ku fete, pabafiki kuanka bamono bangi bakuetu balume abatomo malua.
Badika Mulungudi 7:16 na Bena-Looma 14:1, 10, akupu nuisambile ino nkonko ailondo:
-
Muyile ino verse, yawa mukuetu mulume e kuata kitshibilo kinyi? We kukita kinyi su omona muntu akitshi kintu akikutosha kondo kobe k’eshimba bua kukita?
Mianda ayikuasha bua kuikala na kondo k’eshimba ke buwa
1. Teka Yehowa akukuashe bodia kuata kitshibilo.—Shake 1:5.
2. Kimbuula mu Bible na mu mikanda ayipatula Bible bua kupeta mayi a kulonda a kutumikila. We kuipusha dingi bena Kidishitu banyingie mu kikudi.
3. Tala bukitshishi bua kuikala nabo kitshibilo kiobe ku kondo kobe k’eshimba na ku kondo k’eshimba ka bangi.
BANGI ABAMBA’SHI: “We na matalua a kukita kioso kiokiebe. Abipusha bangi bantu tabi na muulo.”
-
Buakinyi abitungu tutale bi mueneno a Efile Mukulu, mpa na mueneno a bangi bantu?
MU KIKOSO
Atuata bitshibilo bibuwa nsaa y’atutala bi mueneno a Yehowa pabitale muanda kampanda, na p’atutala su bikitshino bietu bi kukuasha bangi sunga kuibaluishisha.
Kuambuula
-
We kuata bitshibilo abisangasha Yehowa naminyi?
-
We kulongiesha kondo kobe k’eshimba naminyi?
-
We kulesha’shi onemeka kondo k’eshimba ka bangi naminyi?
TALUULA DINGI
We kuata bitshibilo abinyingisha kipuano kiobe n’Efile Mukulu naminyi?
“Ata bitshibilo abitumbisha Efile Mukulu” (Kitenta kia Mulami, 15/04/2011)
Longa bibungi pabitale mushindo awitupeyaa Yehowa malango.
Longa kibadi kikuashe ungi muana mulume buadia kuata kitshibilo ki bukopo.
Longa bibungi pabitale bia kusankisha Yehowa nsaa yakushii muiya aulesha bia kukita muanda kampanda.
“Wekalaa nka na lukalo lua muiya wa mu Bible su?” (Kitenta kia Mulami, 1/12/2003)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
