DILONGIESHA 39
Mueneno a Efile Mukulu pabitale mase
Mase e na muulo ukata. Su ta e kudi, ta kui muntu su ngumune a kuikala na muwa. Nka penda Efile Mukulu nyi akuitulungula bia kufubisha mase. Akula naminyi pabitale mase? Tui kuiadia sunga’shi be kuituela anka mu mbidi? We kuata kitshibilo ki buwa naminyi pabitale uno muanda?
1. Yehowa e na mueneno kinyi pabitale mase?
Yehowa balunguile balanguidi baye ba kala’shi: “Muuwa wa kipangwa kyooso, mmase [akyo].” (Bena-Levi 17:14) Bua Yehowa, mase aalesha muwa. Muwa nkintu kia kishila na nkia buntu akifiki kui’Efile Mukulu, mpa na mase namu nga kishila.
2. Mishindo kinyi ya kufubisha mase yabadi bapele kui Efile Mukulu?
Yehowa badi mukandikie balanguidi baye ba kala bua kupela kudia mase. (Badika Kibangilo 9:4 na Bena-Levi 17:10.) Badi munyingishe uno muiya nsaa ibadi Kasaka ka Bakunkushi Bakulu kalungule bena Kidishitu’shi “nwilame ku . . . mase.”—Badika Bikitshino 15:28, 29, Kilombene kipya 2014.
Kuilama ku mase akupushisha kinyi? Su munganga akulungula bua kuilama ku maalua, tue mulombene kuiatoma. Kadi, we kudia bidibua biabadi bele maalua sunga kukutapa anka mu mishila? Nnya. Mu mushindo umune, muiya w’Efile Mukulu wa kuilama ku mase, aulesha’shi ta tui balombene kutoma mase sunga kuiadia sunga nkudia nyema muifuile nya. Ta tui balombene kudia kintu sunga nkimune kiabadi bele mase.
Tui kuamba naminyi pabitale mushindo wa kuibukisha autungu kufubisha mase? Ingi mishindo ya kubukibua ayipaa miya y’Efile Mukulu patoka. Bino mbitale, kuedibua mase anabene, sunga bipindi bikata bia mu mase bu—globile monga, globile tooka, plakete, na plasma. Ingi mishindo ya kubukibua tayipaa miya y’Efile Mukukulu pa butooka. Bu kileshesho, kubukibua na manga abadi bakite na tupindi tupela tua ku kipindi kimune kikata kia mu mase. Ungi mushindo ngua kufubisha mase a muntu nabene kui ba munganga. Pabitale uno muanda abitungu muntu nabene eatshile kitshibilo. a—Bena-Ngalatea 6:5.
TUKIMBUULE BOSO
Tutale biodia kuata kitshibilo pabitale mushindo wa kubukibua autungu kufubisha mase.
3. Ata kitshibilo akisankisha Yehowa pabitale kubukibua
We kuata kitshibilo kia kubukibua kipushene na mueneno a Efile Mukulu naminyi? Tala VIDEO, akupu nuisambile buakinyi bi na muulo kukita ino mianda ailondo.
-
Teka Yehowa akupe binangu.—Shake 1:5.
-
Kimba mayi a kulonda a mu Bible na bia kuiatumikila.—Nkindji 13:16.
-
Kimba mishindo i buwa yabakumina kufubisha mbalo yodi mushale.
-
Tundula mushindo aumueka patoka’shi wi bubi kodi.
-
Shinkamisha’shi kitshibilo kiobe akikuikasha na kondo k’eshimba katoka.—Bikitshino 24:16. b
-
Lamina’shi, takui muntu su ngumune sunga muina dibaka nobe, mukulu sunga mulongieshi obe a Bible e nkuatshila kitshibilo pabitale muanda utale kondo kobe k’eshimba.—Bena-Looma 14:12.
-
Funda kitshibilo kiobe bilombene bangi bekiuka.
4. Ba Temwe ba Yehowa abakimba mishindo i buwa ya kuibukisha
Mbibofule kulonda miya y’Efile Mukulu pabitale mase na kupeta mushindo wi buwa wa kuibukisha kushi kufubisha mase. Tala VIDEO.
Badika Tite 3:2, akupu nuisambile luno lukonko alulondo:
-
Buakinyi abitungu kuikala na kanemo na kuiyisha patuisamba na ba doctere?
|
Bintu bipedibue |
Muina Kidishitu eatshile kitshibilo |
|---|---|
|
A. Plasma |
Tuntu tupela tua mu plasma |
|
B. Globile tooka |
Tuntu tupela tua mu globile tooka |
|
C. Plakete |
Tuntu tupela ta mu plakete |
|
D. Globile monga |
Tuntu tupela tua mu globile monga |
5. Nsaa aitungu kufubisha tuntu tupela tua mu mase
Mase ngakitshibue na bipindi bikata binanka biabetamina bu globile monga, globile tooka, plakete, na plasma. Bino bipindi bikata be kuibitshibuula mu tu bipindi tupela tuabetamina bu tuntu tupela tua mu mase. c Tungi tuntu tupela tua mu mase abetufubisha kui ba munganga bua kupasha mukumbo sunga kuimika kutuka kua mase.
Pabitale kubukibua na manga akitshibue na tuntu tupela tua mu mase, abitungu muina Kidishitu oso aate kitshibilo muyile kondo kaye k’eshimba kalongieshibue na Bible. Bangi bena Kidishitu be kupela manga sunga kupela kubukibua na tuntu tupela tua mu mase. Bangi namu be kumona’shi kubukibua mu uno mushindo ta kui bubi muyile kondo kabo k’eshimba.
Nsaa yuata kitshibilo pabitale uno muanda, taluula luno lukonko:
-
Ne kupatuluila munganga buakinyi napele sunga kukumina kubukibua na tuntu tupela tua mu mase naminyi?
SU MUNTU AKUIPUSHA’SHI: “Kukumina kuedibua mase kui bubi na kinyi?”
-
We kumualula naminyi?
MU KIKOSO
Yehowa akumina tumone mase bu kintu kia kishila.
Kuambuula
-
Buakinyi Yehowa amonaa mase bu kintu kia kishila?
-
Atuku naminyi’shi muiya w’Efile Mukulu pabitale kuilama ku mase, ngutale dingi mpa na kuedibua kua mase?
-
We kuata kitshibilo ki buwa naminyi pabitale mushindo wa kuibukisha utale kufubisha mase?
TALUULA DINGI
Mianda kinyi ilombene kuikala na bukitshishi ku kitshibilo kiobe kia mushindo wa kuibukisha autungushi bafubishe mase obe kui ba munganga?
“Nkonko ya bantu ababadikaa” (Kitenta kia Mulami, 15/10/2000)
Abitungu’shi otalule mianda kinyi nsaa yuata kitshibilo kia kukumina buashi bakubukie na tuntu tupela tua mu mase?
“Nkonko ya bantu ababadikaa” (Kitenta kia Mulami, 15/6/2004)
Nkinyi kibadi kikuashe ungi munganga bua kukumina’shi mueneno a Yehowa pabitale mase e buwa?
“Nadi mukumine mueneno a Efile Mukulu pabitale mase” (Pasukayi!, 8/12/2003)
Longa biabakuashaa bakuetu balume na bakashi kui bakulu abafuba mu Komite a kwisamba na ba munganga.
a Tala Dilongiesha 35, adiamba’shi “Bia kuata bitshibilo bi buwa.”
b Tala kikoso 5, ka mutue ka muanda akamba’shi: “Nsaa aitungu kufubisha tuntu tupela tua mu mase,” na Kikumbashilo 3, “Mushindo wa kubukibua utale kufubisha kua mase.”
c Bangi ba munganga abamona bipindi bikata binanka bia mu mase bu tupindi tupela tua mu mase. Nyi buakinyi, we kupatuula kalolo kitshibilo kiobe kia kupela kuedibua mase sunga kubukibua na manga akitshibue na globile monga, globile tooka, plakete, na plasma.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
