DILONGIESHA 44
Misangeelo yoso ayisankisha Efile Mukulu su?
Yehowa akumina’shi tuikale na nshalelo a muloo na kukita misangeelo ingi nsaa. Anka misangeelo yoso ayisankisha Efile Mukulu su? Tui kulesha kifulo bua Yehowa mu ino mianda naminyi?
1. Buakinyi misangeelo ibungi tayisankisha Yehowa?
Bi nkukanyisha nsaa yolongo’shi misangeelo ibungi ta ngitukile mu Bible, sunga’shi ngitukile kui ba mpangano. Yaaya misangeelo ngipushene na bipuilo bia madimi. Ingi ngipushene na bikudi bibi sunga na dilongiesha dia’shi anyima tafuiya. Ingi misangeelo ngitukile mu bipikua sunga mu kukimba kua miabi. (Yeeshaya 65:11) Yehowa adimusha balanguidi baye’shi: “Katukayi munkatshi mua baaba bantu . . . tanukumanga kintu ki butete su nkimune.”—2 Bena-Kodinda 6:17. a
2. Yehowa apushaa naminyi pabitale misangeelo ayipa bantu kinemo kikilekile?
Yehowa etudimusha buatudia kupela kupona mu muteo wa ‘kukulupila mui muntu.’ (Badika Yeelemiya 17:5.) Ingi misangeelo ayipa bakunkushi sunga basalayi kinemo. Bangi abakitshi misangeelo bu’ebendela di’eumbo diabo sunga bu’efuku dibapetele eumbo diabo bulungantu. (1 Yowano 5:21) Bangi abakitaa misangeelo ya mianda ya politike sunga ya ndumbuluilo kampanda. Yehowa e kupusha naminyi su atupa bantu sunga ndumbuluilo kampanda kinemo kikile, bikishekishe bantu abatumbisha binangu bilekene na mpango y’Efile Mukulu?
3. Mianda kinyi ayitakulaa Yehowa bua kupela kukumina ingi misangeelo?
Bible mmushikue “kukuatshika, bisankasanka, [na] bu ntomi.” (1 Mpyeele 4:3) Ku ingi misangeelo bantu abakitaa mianda kushi kuikanda na i butete. Buatudia kushaala ba kuuku ba Yehowa abitungu tusuukie ino mianda yoso i butete.
TUKIMBUULE BOSO
Tutale biodi mulombene kusankisha Yehowa p’obe kuata bitshibilo bibuwa pabitale misangeelo.
4. Shikua misangeelo yoso ayisabulusha Yehowa
Badika Bena-Efeso 5:10, akupu nuisambile ino nkonko ayilondo:
-
Abitungu tushinkamishe kinyi nsaa y’atuata kitshibilo kia kukita musangeelo?
-
Mmisangelo kinyi y’abakambaa kukita mbalo yodi?
-
Onangushena’shi yaya misangeelo ayisangashaa Yehowa?
Bu kileshesho, tobopuile kuiyipusha abinangushenaa Efile Mukulu pabitale musangeelo w’efuku dia kutandikua? Kasha Bible t’alunguile balanguidi ba Yehowa buabadia kukita musangeelo w’efuku dia kutandikua, anka akula bua musangeelo w’efuku dia kutandikua bua bantu babidi bashibadi abalanguila Yehowa. Badika Kibangilo 40:20-22 na Mateo 14:6-10. Akupu nuisambile ino nkonko ayilondo:
-
Ino misangeelo y’efuku dia kutandikua i na mianda kinyi i mumune?
-
Muyile ino miisambo i mu Bible, onangushena’shi Yehowa apushaa naminyi pabitale misangeelo y’efuku dia kutandikua?
Pangi, we kuiyipusha’shi, ‘Bi na muulo ku meso kua Yehowa su napetekielua ku musangeelo w’efuku dia kutandikua sunga ungi musangeelo ushi mu kuipushena na Bifundue?’ Badika Efilu 32:1-8. Akupu nutale VIDEO na nuisambile ino nkonko ayilondo.
-
Buakinyi abitungu tuikale bashinkamishe biabia abikumina Yehowa?
-
Tui balombene kuibikita naminyi?
Bia kuuka su musangeelo t’ausangasha Efile Mukulu
-
Autukila mu malongiesha a mu Bible su? Bua kuibiuka, kimba nsulo yao.
-
Uno musangeelo aupa bantu, ndumbuluilo, sunga ebendela di’eumbo kinemo kikilekile su? Atupa Yehowa kinemo kukila bioso na atukulupila muadi’shi apudisha mianda yoso i pa nsenga.
-
Bipikua na bikitshino bia yaya misangeelo mbikutuene na miya ya mu Bible? Abitungu tushaale batookane mu binangu.
5. Kuasha bangi buabadia kunemeka lulanguilo lobe
Bi kuikala bukopo bua kupela kukita misangeelo ishayisangasha Yehowa nsaa y’abetutakula pa bukopo kui bangi. Ebapatuluile bi bitshibilo biobe na luishinko na kanemo. Bua kumona kileshesho kia mushindo wa kuibikita, tala VIDEO.
Badika Mateo 7:12, akupu nuisambile ino nkono ayilondo:
-
Kukiila ku kino kifundue, we kulungula bena kifuko noobe bashi ba Temwe ba Yehowa buabadia kuleka kukita misangeelo ish’ayisankisha Efile Mukulu su?
-
We kushinkamiisha kifuko kiobe’shi we muibafule na webataa na muulo naminyi sunga biekala’shi tokitshi nabo misangeelo?
6. Yehowa akumina’shi tuikale na muloo
Yehowa akumina’shi tuikale na muloo wa kukisha nsaa pamune na kifuko kietu na ba kuuku. Badika Mulungudi 8:15, akupu nuisambile luno lukonko alulondo:
-
Uno verse alesha’shi Yehowa akumina tuikale na muloo naminyi?
Yehowa akumina’shi bafubi baye bekale na muloo wa kukishanga nsaa ibuwa pamune. Tala VIDEO bua kumona bia bikuete kukitshika ku bikongeno bietu bibungie maumbo ebungi.
Badika Bena-Ngalatea 6:10, akupu nuisambile ino nkonko ayilondo:
-
Abitungu tukite misangeelo y’abakitaa kui bantu bebungi bua kukitshina “bangi bibuwa” su?
-
Nkinyi ki bia nkupa muloo, nkuipusha bu obe e mu kitungo kia kutusha muanda nyi efuku dia musangeelo su nkutusha muanda obe nabene okumina?
-
Apamueneka mushindo, ba Temwe ba Yehowa bebungi abalumbulaa bintu kampanda bua kupa bana babo sunga kuibapa kia buntu kiabash’abatengielanga. Su we na bana, ngingi mianda kinyi ya pabuayo yodi mulombene kuibakitshina?
BANGI ABAMBA’SHI: “Kuuka kutukile musangeelo takui na muanda. Mpenda kukisha nsaa ibuwa pamune na kifuko kietu na ba kuuku.”
-
Obe namu wamba naminyi?
MU KIKOSO
Yehowa akumina’shi tukishe nsaa ibuwa pamune na kifuko kietu na ba kuuku. Anka akumina’shi tushikue misangeelo ish’ayimusangasha.
Kuambuula
-
Nkonko kinyi yatudia kuiyipusha bua kuuka su musangeelo kampanda tausangasha Yehowa?
-
Tui kukuasha kifuko kietu na ba kuuku buabadia kupusha kitshibilo kietu pabitale misangeelo ish’ayisangasha Yehowa naminyi?
-
Atuuku naminyi’shi Yehowa akumina tuikale na muloo na kukisha nsaa ibuwa?
TALUULA DINGI
Tala ingi ya ku misangeelo yabash’abakitaa kui bena Kidishitu.
“Buakinyi ba Temwe ba Yehowa t’abakitaa ingi misangeelo?” (Muisambo wi mu Internete)
Tala tubingilo tunanka atulesha buakinyi atukumina’shi misangeelo ya mafuku a kutandikua t’ayisangashaa Efile Mukulu.
Tala bi bana bafule Yehowa balombene kumusankisha nsaa ya misangeelo ikutuene na bifundue.
Midiyo ya bena Kidishitu mbapele kusangeela Nowele. Abapushaa naminyi bua kitshibilo kiabo?
“Mbapete kintu ki buwa bukile” (Kitenta kia Mulami, 1/12/2012)
a Tala Kikumbashilo 5 bua kuuka kiodia kukita nsaa y’abakitshi misangeelo kui bangi bantu.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
