DILONGIESHA 46
Buakinyi abitungu kuilambula na kubatshishibua?
W’elambula kui Yehowa nsaa y’omulaa mu luteko’shi omulanguila penda aye, na otulu kikiebe ki’eshimba diaye pa mbalo ya kumpala mu muwa oobe. (Misambo 40:8) Kunyima, obatshishibua. P’obatshishibua, olesha bangi’shi we mupue kuilambula kui Yehowa. Kitshibilo kia kuilambula kui Yehowa ki na muulo ukata mu nshalelo eetu. Nkinyi ki bia nkutakula bua kuata kino kitshibilo ki na muulo ukata na akishintula nshalelo oobe?
1. Nkinyi kilombene kutakula muntu bua kuilambula kui Yehowa?
Kifulo nyi akitutakulaa bua kuilambula kui Yehowa. (1 Yowano 4:10, 19) Bible etulungula’shi: “Ofule Yehowa Efile Mukulu oobe kifulo n’eshimba diobe dioso na [anyima] obe oso na kinangu kiobe kioso na bukome bobe boso.” (Maako 12:30, Kilombeno kipya 2014) Atulesha’shi tui bafule Efile Mukulu kushii penda ku biatuakula anka mpa na ku biatukitshi. Anka bi ba mulume na mukashi befulene abeyibakishenaa, kifulo kietu bua Yehowa akitutakula bua kuilambula kuadi na kubatshishibua.
2. Yehowa elelaa ba Temwe baaye babatshishibue miabi kinyi?
Su bobatshishibua, otuele mu kifuko kia muilo wa Yehowa, mui bantu be na muloo. Okamono bi kifulo kia Yehowa koodi mu mishindo ibungi, na onyisha kuifubuila kuadi kukila kumpala. (Badika Malakii 3:16-18.) Kukatusha kuikala na Yehowa bu Nshobe, okapete kifuko kia mu kikudi kia bakuetu balume na bakashi be mu nsenga ishima bamufule na bakufule namu. (Badika Maako 10:29, 30.) Biabia, abitungu okite mianda kampanda kumpala kua kubatshishibua. Abitungu olongie pabitale Yehowa, omufule na wekale na lukumino mui Muan’aye. Nfudilo a bioso, abitungu olambule Yehowa muwa oobe. Su bokitshi ino mianda na bobatshishibua, wekala muishinda adituala ku muwa wa loso. Eyi di’Efile Mukulu adiamba’shi: “Lubatshisho . . . aluinupaasha.”—1 Mpyeele 3:21.
TUKIMBUULE BOSO
Tutale buakinyi bi na muulo bua’shi welambule kui Yehowa na obatshishibue.
3. Abitungu atue boso tusangule atukumina kufubila
Mu Isalele a kala, bangi bantu babaadi abanangushena’shi, be kulanguila Yehowa na kulanguila efile a madimi Baale. Anka, Yehowa batumine mutemuki aaye Eliya bua kulumbuula bino binangu biabo bi bubi. Badika 1 Banfumu 18:21, akupu nuisambile luno lukonko alulondo:
-
Bena Isalele babaadi na kia kuata kitshibilo kinyi?
Nka bu bena Isalele, abitungu tusangule yawa atukumina kufubila. Badika Luka 16:13, akupu nuisambile ino nkonko ayilondo:
-
Buakinyi tatui balombene kulanguila Yehowa na kulanguila ungi muntu sunga kintu kampanda?
-
Tui kulesha Yehowa’shi tubasangula bua kumulanguila naminyi?
4. Nangushena pabitale kifulo kia Yehowa boobe
Yehowa mmuitupe bia buntu bi bungi bibuwa. Nkinyi kiatudi balombene namu kumupa? Tala VIDEO.
Yehowa akuleshaa kifulo mu ingi mishindo kinyi? Badika Misambo 104:14, 15 na 1 Yowano 4:9, 10, akupu nuisambile ino nkonko ayilondo:
-
We na lutumbu bua bia buntu kinyi biabadi bakupe kui Yehowa?
-
Opushaa naminyi pabitale Yehowa bua bino bia buntu?
Nsaa y’atupete kia buntu kiatudi bafule ngofu, atukuminaa kulesha lutumbu kui yawa betupa kianka. Badika Miiya Ikituulwe 16:17, akupu nuisambile luno lukonko alulondo:
-
P’otala mianda yoso ikukitshine Yehowa, ayikutakula bua kumupa kinyi?
5. Kuilambula kui Yehowa akufuishaa miabi ikile bungi
Bantu bebungi abanangushena’shi kuenda nkumo, kuikala na mudimo wibuwa sunga kuikala na makuta nkulombene kuibapa muloo. Bino mbia binyibinyi su? Tala VIDEO, akupu nuisambile ino nkonko ailondo.
-
Sunga mbiabidi’shi uno mukuetu ababalesha mu video badi mufule kuasha kua ndundo, buakinyi balekiele kuasha?
-
Batshile kitshibilo kia kuilambula kui Yehowa kushii kuipaana mu kuasha ndundo. Omono’shi kitshibilo kibatshile kibuwa su? Buakinyi wamba biabia?
Kumpala kua’shi Mpoolo mutumibua afikie muina Kidishitu, badi na mudimo wibuwa. Badi mulongie miya ya bena Yuuda na mulongieshi muende nkumo. Anka balekiele biabia bioso bua kufika muina Kidishitu. Mpoolo baadi enyongola su? Badika Bena-Fidipe 3:8, akupu nuisambile ino nkonko ayilondo:
-
Buakinyi Mpoolo bambile’shi bioso bibaadi mukite kumpala kua kufika muina Kidishitu bibadi nka bu “butshafu”?
-
Nkinyi kibadi mupete?
-
Mbikunyi biodi mulombene kupuandikisha kufubila Yehowa na ungi mushindo odi mulombene kufubisha nshalelo oobe?
Pabadi Mpoolo mufikie bu muina Kidishitu, badi mupete bintu bibungi kukila bibaadi mushimishe
BANGI ABAMBA’SHI: “Kulambula muwa oobe kui Efile Mukulu, nkukutua kua binangu.”
-
Buakinyi omono’shi kulambula muwa oobe kui Yehowa kui na muulo?
MU KIKOSO
Kifulo nyi akitutakulaa bua kuilambula kui Yehowa na kubatshishibua.
Kuambuula
-
Buakinyi Yehowa mmukumbane buatudia kumufula na kumulanguila n’eshimba dietu dioso?
-
Yehowa afutaa ba Temwe baye babatshishibue naminyi?
-
Okumina kuilambula kui Yehowa?
TALUULA DINGI
Tala bibadi ungi muntu ayimbaa na ungi muntu badi asha ndundo, basangule bua kuilambula kui Yehowa.
Nkonko ya ba nsongwa—Nkinyi kyandya kukita na muwa wande?—Kutentekyesha (6:54)
Tala tungi tubingilo tui na muulo tulombene kutakula muntu bua kuilambula kui Yehowa.
“Buakinyi abitungu kuilambula kui Yehowa?” (Kitenta kia Mulami, 15/1/2010)
Mu ino mizike i na video, tala muloo wi nao bantu abelambula kui Yehowa.
Mu muisambo awamba’shi “Munda a bipua bibungi nadi neipusha ‘buakinyi tui pano pa nsenga?’” tala kibadi kikuashe ungi muana mukashi bua kutaluula mianda ina muulo kuadi.
“Bible kwete kushintula bantu” (Kitenta kia Mulami, 1/11/2012)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
