DILONGIESHA 53
Sangula mishindo ya kukisha kapapi ayisankisha Yehowa
Yehowa nyi “Efile Mukulu a muloo.” (1 Timote 1:11) Akumina’shi tuikale na muloo mu nshalelo etu. Abimupaa muloo p’atuata nsaa ya kuikisha kunyima kua mudimo. Mu dino dilongiesha, atukamono biatudia kufubisha yaya nsaa mu mushindo wibuwa na awitupa muloo—na dingi ausankisha Yehowa.
1. Nkinyi kiatudia kutentekiesha p’atusangula bia kukisha kapapi?
Okuminaa kukita kinyi nsaa y’okisha kapapi? Bangi abakuminaa kukisha yaya nsaa mbashale ku nshibo—ababadika mikanda, abateemesha mizike, abatala filme sunga video, sunga kutuela ku Internete. Bangi abapushaa muloo kukisha nsaa pamune na ba kuku—kuenda mu kutemba, kuyuaa, sunga kuasha maasha pamune. Sunga tuekala bafule mushindo kinyi wa kukisha kapapi, abitungu tushinkamishe’shi ‘ausankisha Muanana.’ (Bena-Efeso 5:10) Bi na muulo bua kuibishinkamisha kalolo muanda mishindo ibungi ya kukisha kapapi i kuanka lelo, i na bintu biabadi bashikue kui Yehowa bu buntomboshi, lusandi, na kupaka kua manga sunga mianda ya malenganyi. (Badika Misambo 11:5.) Nkinyi kia kuitukuasha bua kusangula kalolo mishindo ya kukisha kapapi?
Su tuasangula ba kuku bafule Yehowa, abekala na bukitshishi bui buwa kuatudi mpa na ku mishindo yetu ya kukisha kapapi. Nka bu biatumuene ku dimune dia ku malongiesha ashaale, “muntu atambuka na baasha binangu, akekala sha binangu.” Ku lungi lupese, su tuekala mu kipuano na bantu bashi bafule miya y’Efile Mukulu, ‘atukamono malua.’—Nkindji 13:20.
2. Buakinyi bi na muulo kutaluula bungi bua nsaa y’atukitshi mu kukisha kua kapapi?
Sunga biekala’shi bintu bi’atukisha nabio kapapi tabi bubi, abitungu tudimukie bua bungi bua nsaa y’atukisha. Muanda, tui kukutua nsaa ilombane ya kukisha ku mianda i na muulo ukata. Bible etunyingisha bua “kufubisha nsaa [yetu] kalolo.”—Badika Bena-Efeso 5:15, 16, NWT.
TUKIMBUULE BOSO
Tutale biodia kuata bitshibilo bibuwa pabitale bia kukisha kapapi.
3. Shikua mishindo ibubi ya kukisha kapapi
Buakinyi abitungu tusangule mishindo yetu ya kukisha kapapi kalolo? Tala VIDEO, akupu nuisambile ino nkonko ayilondo.
-
Maasha a ngoshi a mu Looma a kala e mumune na ingi mishindo ya kukisha kapapi i kuanka lelo naminyi?
-
Mu video, Danny bapete dilongiesha kinyi pabitale kukisha kua kapapi?
Badika Bena-Looma 12:9, akupu nuisambile luno lukonko alulondo:
-
Uno verse e nkukuasha naminyi bua kusangula mushindo wibuwa wa kukisha kapapi?
Mbingi bintu kinyi biabadi bashikue kui Yehowa? Badika Nkindji 6:16, 17 na Bena-Ngalatea 5:19-21. Kunyima kua kubadika kifundue kioso, nuisambile luno lukonko alulondo:
-
Mbingi bintu kinyi biabadi batemune mu ano ma verse abikambaa kumueneka mu mishindo ya kukisha kapapi lelo uno?
Mbikunyi biatudia kusangula mushindo wa kukisha kapapi na binangu?
Eyipushe’shi:
-
Nakisha kapapi na kinyi? Mui kintu kiabadi bashikue kui Yehowa su?
-
Nsaa bungi kinyi? Akuata nsaa ya kukita mianda i na muulo ukata su?
-
Na nnanyi? Akuntuesha mu kipuano sunga mu kuipetena ke bungi na bantu bashii bafule Yehowa su?
Abitungu tusuukile masaku ku bula. Nyi buakinyi abitungu tusuukile ku bula kintu kioso kia kukisha nakio kapapi kiatumono’shi ki bubi
4. Fubisha nsaa yobe kalolo
Tala VIDEO, akupu nuisambile luno lukonko alulondo.
-
Sunga biekala’shi mukuetu abatumono mu video t’abandilanga mianda ibubi, kadi nkinyi kibafikile bu lukalakashi kuadi?
Badika Bena-Fidipe 1:10, akupu nuisambile luno lukonko alulondo:
-
Uno verse etukuasha naminyi buatudia kuata kitshibilo kia kutala bungi bua nsaa y’atukitshi mu kukisha kua kapapi?
5. Sangula mishindo ibuwa ya kukisha kapapi
Sunga biekala’shi ingi mishindo ya kukisha kapapi t’ayisankishaa Yehowa, kui bintu bibungi bibuwa biatudi balombene kukita. Badika Mulungudi 8:15 na Bena-Fidipe 4:8, akupu nuisambile luno lukonko alulondo:
-
Mishindo kinyi i buwa ya kukisha kapapi y’okuminaa?
We kukisha kapapi mu mushindo wi buwa na aukusankisha
BANGI ABAMBA’SHI: “Tabi bubi kukisha kapapi na bintu abilesha buntomboshi, lusandi na kupaka kua manga sunga mianda ya malenganyi, bu biabidi’shi ntakitshi biabia biabalesha”
-
Obe namu wamba naminyi?
MU KIKOSO
Yehowa akumina’shi tusangule na kusankila kukisha kua kapapi kui buwa.
Kuambuula
-
Abitungu bena Kidishitu bashikue kukisha kua kapapi kui naminyi?
-
Buakinyi abitungu tudimukie pabitale bungi bua nsaa yatukitshi mu kukisha kua kapapi?
-
Buakinyi okumina kusangula kukisha kua kapapi akusankisha Yehowa?
TALUULA DINGI
Tala muntu e na bushito bua kusangula mishindo yetu ya kukisha kapapi.
“Ba Temwe ba Yehowa abakandjikaa ingi filme, mikanda, sunga misambo su?” (Muisambo wi mu Internete)
Tala biodia kuata bitshibilo bibuwa pabitale bia kukisha kapapi.
“Mbikunyi biatudia kukisha kapapi mu mushindo wi buwa?” (Kitenta kia Mulami, 15/10/2011)
Tala bibadi ungi muntu mushintule mushindo waye wa kukisha kapapi mu muisambo wa muntu awamba’shi: “Nadi mukambile mpa na ntondo.”
“Bible kwete kushintula bantu” (Kitenta kia Mulami, 1/2/2010)
Tala bibadi ungi nyina bana muate kitshibilo na binangu pabitale mushindo wa kukisha kapapi aulesha mianda ya malenganyi.
Suuka mishindo ya kukisha kapapi ayilesha mianda ya malenganyi (2:02)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
