DILONGIESHA 57
We kukita kinyi su bokitshi muluisho ukata?
Sunga mbiabidi’shi we mufule Yehowa ngofu, na okitaa mobe moso bua kupela kukita kintu kia kumuinyongosha, ingi nsaa we kukita bilema. Anka kui ingi miluisho ikile bukata. (1 Bena-Kodinda 6:9, 10) Su okita muluisho ukata, tentekiesha’shi Yehowa ta mulekie nkufula, akumina kukufuila lasu na kukukuasha.
1. Nkinyi kiatudia kukita buashi Yehowa etufuile lusa?
Baba bafule Yehowa abenyongolaa ngofu su babakitshi muluisho ukata. Kadi abanyingishibua na mayi abadi Yehowa mulee muilo waye’shi: ‘Su miluisho yenu i pididi bu nkula, ayifiki itooka seleele bu mulemba wa kasangu.’ (Yeeshaya 1:18) Su tubelanga binyibinyi kuishimba, Yehowa etufuila lusa n’eshimba dimune. Twi kuilanga kuishimba naminyi? Mpatuinyongola bikata, atuata kitshibilo kia kupela kukita bi bubi na kuteka Yehowa bua kuitufuila lusa. Atuitatshisha ngofu bua kushintula ngielelo etu a binangu sunga muikelo wetu wi bubi bikele bitutakule mu kukita muluisho, na kukimba bia kuikala na nshalelo muipushene na miya iselele ya Yehowa.—Badika Yeeshaya 55:6, 7.
2. Yehowa afubishaa bakulu naminyi bua kuitukuasha patukitshi muluisho?
Su tubakitshi muluisho ukata, Yehowa etulungula buatudia ‘kwitanyina bakulu ba kakongye.’ (Badika Shake 5:14, 15, Kilombeno kipya 2014.) Bano balume babadi basangule, mbafule Yehowa na mikooko yaye. Mbalombene kuitukuasha bua kulumbula kipuano kietu na Yehowa.—Bena-Ngalatea 6:1.
Bakulu be kuitukuasha naminyi, su tubakitshi muluisho ukata? Bakulu babidi sunga basatu abetupa elango ku bukuashi bua bifundue bua kuituludika. Ebetulesha dingi mianda ya kukita ayitunyingisha na ayitukuasha buatudia kupela kukita dingi muluisho. Be kuitukandika bua kupela kukita midimo kampanda ya mu kakongye munda mua mafuku mpa na patukaluisha kipuano kietu na Yehowa. Bua kukaluila kakongye ku mianda i bubi, bakulu abakatusha muntu oso mukite muluisho ukata shi muilangie kuishimba mu kakongye.
TUKIBUULE BOSO
Tamisha lutumbu lobe pabitale mushindo awitukuashaa Yehowa su tubakitshi muluisho ukata.
3. Kutonda miluisho akuitukuasha bua kualusha kipuano kietu na Yehowa
Muluisho oso watukitshi autapaa Yehowa kuishimba, biabia abitungu kutonda kuadi. Badika Misambo 32:1-5, akupu nuisambile luno lukonko alulondo:
-
Buakinyi bi buwa kutonda miluisho yetu kui Yehowa pamutue pa kuiyifuamisha?
Kukatusha kutonda miluisho yetu kui Yehowa, atupete bukuashi patukatondela bakulu. Tala VIDEO, akupu nuisambile luno lukonko alulondo.
-
Muyile bibatumono mu video, bakulu babakuasha Canon bua kualukila kui Yehowa naminyi?
Abitungu kufunguila bakulu eshimba na kuibalungula mianda yoso patoka; bekuanka bua kuitukuasha. Badika Shake 5:16, akupu nuisambile luno lukonko alulondo:
-
Buakinyi abibofuila bakulu bua kuitukuasha su atuibalungula mianda yoso pa butoka?
Tonda miluisho yobe, lungula bakulu mianda yoso pa butoka, na kumina bukuashi bua kifulo bua Yehowa
4. Yehowa aleshaa bankitshishi ba miluisho lusa
Su muntu mukite muluisho ukata apele kulonda buludiki bua Yehowa, ntamulombene kuikala dingi muina kakongye. Abamukatusha mu kakongye, tatuikala dingi mu kipuano naye sunga kuisamba naye. Badika 1 Bena-Kodinda 5:6, 11, akupu nuisambile luno lukonko alulondo:
-
Nka bu bi kitatusho akitatusha musabu wa mikate, kuikala mu kipuano na muntu shi muilangie kuishimba kuina bukitshishi kinyi kui kakongye?
Mu kuambula lusa lua Yehowa kui ba nkitshishi ba miluisho, bakulu abendaa mu ku kimba na kukuasha baaba batushibue mu kakongie. Bangi ba nkitshishi ba miluisho mbaluukie mu kakongie, muanda dinyooka sunga diekala adinyongosha, ndibatuale mu kuilanga.-Misambo 141:5.
Mushindo wʼabakitshinaa ba nkitshishi ba miluisho mianda kui Yehowa, aulesha naminyiʼshi e na nkatshinkatshi, lusa na kifulo?
5. Yehowa etufuila lusa patuilanga kuishimba
Yesu batushishe kileshesho akitukuasha bua kumona abipushaa Yehowa apelanga muntu kuishimba. Badika Luka 15:1-7, akupu nuisambile luno lukonko alulondo:
-
Bino abikulongiesha kinyi pabitale Yehowa?
Badika Esekyele 33:11, akupu nuisambile luno lukonko alulondo:
-
Mianda kinyi i na muulo ayitungu kukita ayilesha binyibinyi’shi tubelanga kuishimba?
Nka bu mulami a mikoko, Yehowa apasukilaa mikoko yaye bikata
BANGI ABAMBA’SHI: “Napushaa moo wa kulungula bakulu pabitale muluisho wande tala bankatusha mu kakongye.”
-
Nkinyi kiodia kulungula muntu e na bino binangu?
MU KIKOSO
Su tuakita muluisho ukata kadi tuelanga binyibinyi kuishimba na tuata kitshibilo kia kupela kukita dingi bi bubi, Yehowa etufuila lusa.
Kuambuula
-
Buakinyi bi buwa kutonda miluisho yetu kui Yehowa?
-
Abitungu tukite kinyi buashi Yehowa etufuile lusa?
-
Su tubakitshi muluisho ukata, buakinyi abitungu tukimbe bukuashi kui bakulu?
TALUULA DINGI
Tala bibadi Yehowa muleshe ungi muana mulume lusa luabalesha mu Yeeshaya 1:18.
Bakulu abakitaa naminyi bua kukuasha bantu bakite muluisho ukata?
Tala mushindo w’abaleshaa bantu bakite milusho bashi belangie, lusa na kalolo.
Tala bibadi ungi muana mulume badi muende kula na bia binyibinyi mupushe’shi Yehowa badi mumualushe mu ndumbuluilo mu muisambo wa muntu awamba’shi: “Bibadi abitungu’shi ngalukile kui Yehowa.”
“Bible kwete kushintula bantu” (Kitenta kia Mulami, 1/4/2012)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
