DILONGIESHA 59
We kunyingila kubinguabingua
Bia bikala binobino sunga mu mafuku e kumpala, bena Kidishitu boso abakapete kubinguabingua mpa na kukiengieshibua. Bino bi kuitutshinyisha su?
1. Buakinyi atukulupila’shi atukabinguabingua?
Bible akula patoka’shi: ‘Baaba booso abakyebe kwikala bena Efile Mukulu mu buumune na Kidishitu Yesu abakabingwabingwa.’ (2 Timote 3:12) Yesu badi akiengieshibua muanda tabaadi atuelakana mu mianda ya ndumbuluilo a Satana. Atue namu tatukuete kutuelakana mu mianda ya pano pa nsenga, nyi buakinyi tabitukanyisha su bakuete kuitubingabinga kui mbulamatadi a uno ndumbuliulo na bakata ba bipuilo.—Yowano 15:18, 19.
2. Tui kuilumbula naminyi bua kubinguabingua?
Abitungu tunyingishe lukulupilo luetu mui Yehowa kubanga binobino. Biabia, ata nsaa ku’efuku dioso bua kumuteka na kubadika Eyi diaye. Ikala otuele mu bisangilo bia mu kakongye pa kuibishi. Kukita bino akukupa bukome bodi nabo lukalo bua kunyingila kubinguabingua koso, sunga akufiki kui bena kifuko. Mpoolo mutumibua badi mukiengieshibue misango i bungi bafundile’shi: “Yehowa byadi mukwashi ande, ntantshinyi kintu su nkimune.”—Bena-Ebelu 13:6.
Patulungula mukandu wi buwa pa kuibishi, bino abitukuasha dingi bua kuikala n’eshimba dinyingie. Bulungudi abuitulongiesha bua kukulupila mui Yehowa na bia kukambila moo oso wa bantu. (Nkindji 29:25) Su wena eshimba dinyingie bua kulungula mukandu wi buwa kubanga binobino, abikulumbula bua kutungunuka na kulungula sunga mbulamatadi ayimika mudimo wetu.—1 Bena-Tesalonika 2:2.
3. Patunyingila kubinguabingua atupete bukuashi kinyi?
Eyendo’shi, tatupushaa muloo wa kukiengieshibua nya, kadi patunyingila kukiengieshibua n’eshimba dimune, lukumiino luetu alunyingi. Atuifubuilaa pepi na Yehowa muanda atumonaa bukuashi buaye nsaa yatupusha’shi tatui dingi na bukome. (Badika Shake 1:2-4.) Apitapaa Yehowa kuishimba su atukiengie, anka abimusankishaa petumono atunyingila. Bible akula’shi: ‘Su anunyingila kukyengyeshibwa kunyima kwakukita mianda i buwa, kyakya nyi nkintu ki buwa ku meso e’Efile Mukulu.’ (1 Mpyeele 2:20) Su atunyingila na lulamato, Yehowa aketupa efuto dia muwa wa loso mu nsenga ipia, akupu boso abakekala muanka, abakafubila Yehowa na takukekala muntu ebabingabinga.—Mateo 24:13.
TUKIMBUULE BOSO
Tutale buakinyi kui mushindo watudia kushala na lulamato kui Yehowa sunga p’abetubingabinga, n’efuto di’aketupa.
4. We mulombene kukambila kukiengieshibua kua bena kifuko kiobe
Yesu balesheshe patoka’shi bena kifuko kietu, bekukutua kukuatshishena kitshibilo kietu kia kulanguila Yehowa. Badika Mateo 10:34-36, akupu nuisambile luno lukonko alulondo:
-
Nkinyi ki kukitshika apata muina kifuko kitshibilo kia kufubila Yehowa?
Bua kumona kileshesho akibilesha, tala VIDEO, akupu nuisambile luno lukonko alulondo.
-
We kukita kinyi su muina kifuko sunga kuku obe akimbi nkubofusha bua kupela kufubila Yehowa?
Badika Misambo 27:10 na Maako 10:29, 30. Kunyima kua kubadika kifundue kioso, nuisambile luno lukonko alulondo:
-
Uno mulayilo wi nkukuasha naminyi su bakuete nkubinguabingua kui bena kifuko sunga kui ba kuku bobe?
5. Tungunuka na kulanguila Yehowa sunga mu kubinguabingua
Abitungu kunyinga eshimba bua kufubila Yehowa su bangi bakuete kuitutosha bua kuibikita. Tala VIDEO, akupu nuisambile luno lukonko alulondo.
-
Kileshesho ki mu uno video kibakunyingisha naminyi?
Badika Bikitshino 5:27-29 na Bena-Ebelu 10:24, 25. Kunyima kua kubadika kifundue kioso, nuisambile luno lukonko alulondo:
-
Buakinyi bi na muulo bua kutungunuka na kulanguila Yehowa, sunga biekala’shi mbakandikie mudimo wetu wa bulungudi sunga bisangilo bietu?
6. Yehowa akakukuasha bua kunyingila
Ba Temwe ba Yehowa ba mu nsenga ishima, biabekala bakulu sunga bakinga, bakuete kutungunuka na kufubila Yehowa na lulamato sunga bekala mu kubinguabingua. Bua kumona kikuete kuibakuasha, tala VIDEO. Akupu nuisambile luno lukonko alulondo.
-
Muyile bibatumono mu video, nkinyi kibakuashishe bano bakuetu ba Temwe buabadia kunyingila?
Badika Bena-Looma 8:35, 37-39 na Bena-Fidipe 4:13. Kunyima kua kubadika kifundue kioso, nuisambile luno lukonko alulondo:
-
Kino kifundue akikushinkamisha naminyi’shi we kunyingila kukiengieshibua sunga kua mushindo kinyi?
Badika Mateo 5:10-12, akupu nuisambile luno lukonko alulondo:
-
Buakinyi we kuikala na muloo sunga mu kubinguabingua?
Midiyo ya balanguidi ba Yehowa ikuete kukambila kubinguabingua n’eshimba dinyingie. N’obe namu we kuikukambila!
BANGI ABAMBA’SHI: “Tshi biakukambila kubinguabingua nya.”
-
Mbifundue kinyi bi kuibapa lukulupilo’shi be kunyingila kubinguabingua?
MU KIKOSO
Yehowa ata kuitatshisha kuetu bua kumufubila na muulo sunga pabetukiengiesha. Na bukuashi buaye, tuibalombene kunyingila!
Kuambuula
-
Buakinyi bena Kidishitu be na kia kuuka’shi abakabinguabingua?
-
Nkinyi kiodia kukita binobino bua kuilumbula apakafiki kubinguabingua?
-
Nkinyi ki bia nkukuasha bua kushinkamisha’shi, we kufubila Yehowa sunga wekala mu nkalakashi i naminyi?
TALUULA DINGI
Tala abipatuula ungi mukuetu nsongualume bibadi Yehowa mumukuashe bua kunyingila pabadi muedibue mu lukano muanda wa kupela kutuelakana mu mianda ya ngoshi.
Tala kibakuashishe ungi mulume na mukashi aye bua kufubila Yehowa na lulamato munda mua bipua bi bungi sunga mbibabadi abebakiengiesha.
Tubaadi atutungunuka na kufubila Yehowa sunga pabadi apashintuluka mianda (7:11)
Tala biodia kukambila kubinguabingua n’eshimba dinyingie.
“Banga kwilumbula binobino ku kubingwabingwa” (Kitenta kia Mulami, 7/2019)
Mbikunyi biatudi balombene kumona kubinguabingua kua bena kifuko, na mushindo kinyi watudia kukambila nkalakashi yakutuala?
“Bya binyibinyi, tabitwala ‘butaale [nya], anka kimpulu’” (Kitenta kia Mulami, 10/2017)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
