Mpàngo ya kushaala kamame mulayilo oodi mufunde sungwa oodi mwakule wa kwisuuka kutambuka lusandji kumpala kwa eyibakishi.

Mpàngo ya kushaala kamame tayibekele ayatshibwa kubanga kala mu bipwa kya 1990, pabaadi Convention baptiste du Sud mu États-Unis abaadi batushe programe aamba shi “Le vrai amour attend ”​—mu yawa programe mubaadi amusanganyibwa muulo wa mayi a mu Bible bwa kukankamika bansongwa bwa shi bapele nsaa yabebatakula kwi benabo bwa kutambuka lusandji kumpala kwa eyibakishi.

Ungi programe mwifwanene nayawa baadi baadi mubangye kunyima kwa kikongeneno kibakitshile mubaadi bya shi booso abaadi baate mpàngo ya kushaala tumame abaadi abafwala kakano kumunwe bwa kutentekyesha mutshipo wabo kupela kutambuka lusandji kumpala kwa eyibakishi.

Lwaluulo ndutale muntu winyi weele lukonko.

• Christine Kim na Robert Rector, bekale baukye ino myanda ngofu mbasangane shi “bilongyelo bibungi mbileshe shi mpàngo ya kushaala kamame ibaadi ayitakula kwalusha kutambuka lusandji kunyima sungwa kwilwitusha.”

• Kungi kukimbuula kwabadi bapalakashe kwi ungi mukunkushi a midimo e na eshina bu Guttmacher, kubaleshanga shi “bana be mu bipwa ekumi nabungi baate mpàngo ya kushaala tumame mbepaane mu kwilutambuka nka mumune na benyi bashi baate yaaya mpàngo.”

  Bwakinyi bipeta mbitupishene?

• Bingi bilongyelo abipwandjikisha shi booso bansongwa baate mpàngo ya kushaala tumame na bangi bansongwa bashi beyate shi ta be na mmweneno e kya mumune pabitale kusangisha kwambidi.

• Bingi bilongyelo namu abipwandjikisha booso baate mpàngo ya kushaala tumame na bashi beyate shi benka na mmwenenenoe kya mumune a kusangisha mbidi.

Kungi kukimbula nkutushe bipepeta kinyi? Janet Rosenbaum, Doctere mukashi a bana bemu bipwa ekumi na bungi, akula shi kunyima nka kwa bipwa bitano, “booso baate mpàngo ya kushaala tumame na bashi beyate ta kwi kwilekena mu mweno abo a kusangisha mbidi.”

Programe ya mpàngo ya kushaala kamame ngitushe bipeta bibuwa byabya. Kadi mwanda wi shi tayakula bwa muulo wa kutumikila mutshipo nya. Bebungi ba ku baaba baate mpàngo ya kushaala tumame “Yawa mulongyeshi Rosenbaum aakula shi tambalame mutshipo wabo kwishimba nya. Kwikanda abitungu kwikale kushimatshile ku bishinkamisho byobe be nabene, pamutwe nka pa kwika muntu a mu yaaya programe a kwata mpàngo ya kushaala kamame.”

Bible etukankamika bwa kwikala na byabya bishinkamisho byobe pamutwe kushi penda kufunda mulayilo sungwa kwiwakula, kadi etukwasha bwa “kupeta kyubishi kya kushinguula myanda ibuwa na iibubi.” (Beena-Ebelu 5:​14) Nfudiilo a byoso, kushaala bukamame, tampenda nka mushindo wa kutshina kupeta mikumbo, sungwa kupeta eyimi nkwikale dingi kipaso kya kulesha kanemo kwi mupangi a eyibakisha.​—Mateo 5:​19; 19:​4-6.

Mayi a kulonda aasanganyibwa mu Bible e bkwanka nka bwa buuwa bwetu. (Yeeshaya 48:17) Eyendo, bantu booso bakulu na bakinga mbalombene kupeta bukome bulombane bwa kukokyela mwiya w’Efile awamba shi: “sukaayi lukyebanokyebano.” (1 Beena-Kodinda 6:​18) Su abeyibakishena, abikala bibabofwile bwa kusangisha mbidi kushi na kwiukena kushi twinyongoshi sungwa kutompola bu bantu batambukye lusandji kumpala kwa eyibakishi.