MA VERSE A MU BIBLE ABADI BAPATUULE

Bena-Looma 10:13—“Akayitanyina eshina dya Mwanana”

TEEMESHA MU

“Ooso akayitanyina eshina dya Yehowa akapashibwa.”—Bena-Looma 10:13, Biible Bifundwe Biiselele.

“Yawa oso akayitanyina eshina dya Mwanana akapashibwa.”—Bena-Looma 10:13, Kilombeno kipya 2014.

Kipatulwilo kya Bena-Looma 10:13

Efile Mukulu te na ntondo, apa bantu boso mushindo wabadya kupashibwa na kupete muwa wa ikalaika, sunga bekala ba mwiumbo kinyi, bena ekoba kinyi sunga ba mpeta sunga balanda. Bwa kwiupeta, abitungu twitamine eshina dya Yehowa, adyo nyi eshina dy’Efile Mukulu sha bukome boso. a—Misambo 83:18.

Mu Bible, mwaku “kwitamina eshina dya Yehowa” taulesha penda kwiuka eshina dy’Efile Mukulu na kwidifubisha nsaa ya kumulangwila. (Misambo 116:12-14) Aulesha kukulupila mwi Efile Mukulu na kumuteka bukwashi.—Misambo 20:7; 99:6.

Eshina dy’Efile Mukulu dibadi na muulo ku meso kwa Yesu Kidishitu. Mwaku wa kumpala ubakwile mu luteko lwa kileshesho ubadi’shi: “Yaaya etu e mwiyilu, eshina dyobe dyende ntumbo,” sunga’shi dikale selele. (Mateo 6:9) Yesu badi muleshe’shi abitungu twiukye, tukokyele, na tufule Muntu sha dino eshina bwa kupeta muwa wa ikalaika.—Yowano 17:3, 6, 26.

Bwakinyi twi kwamba’shi Yehowa nnaye “Mwanana” abadi batemune mu Bena-Looma 10:13 mu Bible a King James Version? Mwanda uno verse atemuna mayi e mu Yowele 2:32, mwabadi batemune eshina dy’Efile Mukulu kushi mwasu “Mwanana,” mu bifundwe bya kumpala bya mu kin a Ebelu b

Myanda yabadi besambile mu Bena-Looma 10:13

Mu Bena-Looma shapitre 10, Bible alesha’shi bwa’shi muntu ekale mu kipwano kibuwa n’Efile Mukulu abitungu ekale na lukumino mwi Yesu Kidishitu. (Bena-Looma 10:9) Ano mayi abeashinkamisha kwi bifundwe bibungi byabadi batshile mu Kilombeno kikulu. Muntu alesha lukumino lwaye pa “kwakula patooka,” bino abilesha kulungula mukandu wibuwa wa kipandjilo kwi bantu bashi bena kukumina. P’akitshi byabya, bangi abapete mushindo wabadya kwikala na lukumino alwibatwala ku muwa.—Bena-Looma 10:10, 14, 15, 17.

Badika Bena-Looma shapitre 10 pamune na mayi e kushi kw’esaki abadi bapatuule na ingi mikanda ayakwila wanka.

a Eshina dy’Efile Mukulu di mu ma maniskri a Bible misusa 7 000. Mu kina Ebelu, eshina dy’Efile Mukulu mbedifunde na maleta ananka, abetamina bu Tetragrame. Dino eshina abedifundaa bu “Yehowa” mu Kisongye; anka, bangi basha binangu abakuminaa kwidifunda bu “Yahweh.”

b Abimweneka’shi bafundji ba Bible bena Kidishitu babadi batemune eshina dy’Efile Mukulu nsaa ibabadi batemune mayi e mu “Kilombeno kya kikulu” e na dino eshina. Mukanda wa The Anchor Bible Dictionary awamba’shi: “Kwi bingi bishinkamisho abilesha’shi Tetragrame, eshina dy’Efile Mukulu, Yahweh, dibadi mu mayi oso a mu [Kilombeno kikulu] abadi batemune mu [Kilombeno kipya] pababadi baluule Bible a NT bwa musango wa kumpala.” (Volime 6, esaki 392) Bwa kuuka myanda ibungi, tala mbalo ifunde’shi “Eshina dy’Efile Mukulu mu Bifundwe bya kina Greke” mu shapitre 2 a Mukanda aukwasha bwa kulonga Eyi dy’Efile Mukulu.