Komite a filiale a mu États-Unis mutume ino rapore pabitale bakwetu abekalanga bapete masaku a kaalo ka mitamba kunundu kwa California, mpa na kalo kashikye kisuku kushi kwa Californie.

Californie du Nord: ku biro bya filiale a mu États-Unis mbetamine bakunkushi ba bifunda ba mwiumbo na ba mu bibundji bya Mendocino, Napa, na Sonoma, mbaleshe shi bakwetu boso be bibuwa, anka kwi mukwetu umune ayikalanga musakukye. Bangi bakwetu 700 mbebakatushe mu ma mbalo abekalanga, kwi bangi 2 000 abatungu kukatusha pakudi mushindo. Bakwetu boso bakatukye mu ma mbalo abo mbashale ku mashibo a bangi ba Temwe mu ma mbalo ashi masaku. Anka, betushinkamiishe shi nkulwile Nshibo ya Bufumu imune na mashibo asatu a bankwetu. Dingi, kwi mashibo 22 alwile ngofu na angi 32 alwile bipeela. Bakunkushi ba bifunda bakwetu kikita mwabo moso bwa kutusha bukwashi bwa kunyingisha nabo bakwetu.

Californie du Sud: Mu Anaheim mbakatushe ba Temwe 25 mbalo yabekalanga, takwi mukwetu su ngumune mupete masaku nya. Boso babadi bakatushe mu yaaya mbalo be ku mashibo a bangi ba Temwe. Tatwi bapete rapore ya kulwila kwa Nshibo ya Bufumu sunga ya mukwetu kampanda nya.

Twi na lukulupilo shi Yehowa ekala “kifwamino” kwi baba bakalakashwe na ano mafuku a mpombo.​—Mis 9:9, 10.

Ba kwisamba nabo:

David A. Semonian, Office of Public Information, +1-845-524-3000