11/11/2022
MIKANDU YA MU NSENGA ISHIMA
Luibako lua biro bikata bia nsenga ishima lua ku Ramapo
Bakata b’eumbo abakumiina kushintuula miiya itale mushindo wa kufubisha lupango, abikuasha bua’shi plan mupia akuminyibue
Muifuku dia 9/11/2022, bakata ba Kibundi kia Ramapo mbakumiine kushintuula miiya pabitale mushindo wa kufubisha lupango bino abikuasha Komite a kuibaka abetamina bu (CPC) bua luibako lua ku Ramapo bua kufubisha matalua a pabuao na bua kubanga luibako. a
Abimueneka eshinda dipia kukatukila muiyilu
Kukatusha kuno kushintuluka kupia, sosiete ayibaka mmushintuule kapeela eshinda dia kutuela ku lupango lua ku Ramapo. Bantu bepaane mu luibako mbapudishe kualushuula kitala kia mabue kia kala muishinda di pepi na ku mbalo ya luibako. Mudimo wa kualushuula kitala awikalanga utale kuikikusha bula na kuikinyingisha bua’shi bintu na miotoka ya ambulances mpa na ya kushima nayo kaalo ikale ayituele kushi lukalakashi. Mu nsaa ya luibako lua kumpala bintu bioso abikala abikidila ku kino kitala.
Kitala kia mabue kiabadi balushuulue
Mukuetu Matthew Mordecki, afubaa mu CPC, amba’shi: “Ino mianda ipia, na kushintuula mushindo wa kufubisha lupango, akuitukuasha buatudia kuteka matalua e pabuao na kupeta matalua a kubanga luibako. Aa matalua aetukuasha buatudia kubanga kutshiba bisuku na mitshi ku mbangilo kua mueshi w’Ekumi na ibidi 2022.”
Atutekie bua’shi Yehowa akuashe bakuetu balume na bakashi bakuete kufuba ku luno luibako buabadia “koobesha.”—Neemiya 1:11.
a Kumpala kua kuno kushintuula kua mushindo wa kufubisha lupango, ino mbalo abaadi beyituule bu “Mbalo ya pabuayo ya kushaala.”