Kubanga mu kipua kia 2019, tuamo tui na application abetamina bu Amazon Alexa sunga Assistant Google ntulombene kufungula bintu bi mu jw.org. Bua binobino abeele ungi mushindo wa kuakula n’eyi bua kuteemesha bintu bibungi bia bisangilo bietu mpa na mudimo wa bulungudi. Anka, kubanga mu mueshi wa Kasamombo 2023, t’akuikala dingi mushindo wa kufuba na Assistant Google mu uno mushindo nya. Tui balombene kufuba na bino bintu mpa na mu mu aa mafuku. Anka atutungunuka na kufuba na Amazon Alexa bua kufungula jw.org.

Binobino bantu mbalombene kuteka tuabo buatudia kubadika programe a bisangilo bia lubingo e mu Programe a bisangilo bia buina Kidishitu na mudimo wetu na kulonga kua malongiesha a mu broshire a Epaane mu kubadika na kulongiesha. Bantu mbalombene kuteka kaamo kaabo buakadia kubadika dilongiesha dia mu mukanda wa We kuikala na muloo bua loso! Nsaa y’abelumbuula bua kulonga kua Bible.

Kukatusha biabia, bantu mbalombeene kuteemesha ngono ya bisangilo bietu i mu mukanda wa “Tuyimbileyi Yehowa na muloo mpa na mayi sunga biombuanga biayo sunga mayi akobolue. Mikandu ipia ya Kasaka ka Bakunkushi-Bakulu dingi mbalombene kuiyiteemesha dingi mu uno mushindo.

Bu kulonga bibungi pabitale kuakula n’eyi mu application oso yawa, tala mbalo ifunde’shi “Utilisez la skill JW.ORG pour Amazon Alexa” sunga “Utilisez l’action JW.ORG pour l’Assistant Google.”

Bua baaba bashi na kaamo ke na bia kufungula penda n’eyi, ma telefone, tablete, na ma ordinatere ebungi akuete kukuasha bantu buabadia kuteemesha bino bintu ku bukuashi bua application abetamina bu Alexa app.

Bino bintu bipia abikuasha ngofu bano bekale ba mpofu sunga bash’abamono kalolo. Su we na kuuku sh’amono kalolo, we kumukuasha namu buadia kuela ano ma application mu kaamo kaaye.