NEW YORK. Biro bya ma filiale a mu Barbade, République dominicaine, France na États-Unis mbatushe ano ma rapore pabitale bishale bakwetu kunyima kwa kipapi kikata kya Irma:

Teritware a filiale a mu Barbade ayikalanga mukumibwe na kipapi​—Anguilla, Antigua na Barbuda, Montserrat, Saba, Saint. Eustatius, Saint. Christophe na Niévès, na Saint. Martin (lupese lwa Néerlande). Nkulwile bintu bikile bukata mu Barbade na mu Saint. Martin.

Barbuda nkisangi kya mema kipela ki na bantu pepi na 1 800. Bu byakudi kulwile midimo na mashibo a bantu pepi 95 pa lukama, yaya mbalo mbeyitamine bu mbalo ipete masaku na ayitungu kutuma bukwashi luntuluntu. Ma rapore aalesha shi balungudi boso 11 mbebakatushe benda nabo ku kisangi kya mema ki pepi mu Antigua, mwabakwete kwibakwasha kwi komite a kukwasha bantu bapete masaku. Ta kwi Temwe su ngumune mupete masaku.

Balungudi pepi 700 mbashale mu kisangi kya mema kya mu Saint. Martin (lupese lwa Néerlande na France). Mukwetu mukashi umune musakukye. Nkwende bantu, ba ku biro bya filiale a mu Barbade na mu France mpa na ba munganga mu Saint. Martin bwa kukwasha bakwetu.

Teritware a filiale a mu France ayikalanga mukumibwe na kipapi​—Guadeloupe, Martinique, Saint. Barthelemy, na Saint. Martin (Lupese lwa France). Ta nkufwe muntu byabikala mu Guadeloupe sunga mu Martinique.

Kisangi kya mema kya Saint. Barthelemy nkilwishibwe. Anka, biro bya filiale mbipete rapore ayilesha shi, mbapete balungudi boso 30 na Nshibo ya Bufubu ta ngikambe kulwila nya. Mbakite komite a kukwasha bantu bwa kutuma mema, bidibwa, na bingi bintu bi na muulo mu Saint-Barthelemy na mu Saint-Martin kukatukila ku bisangi bya mema bi pepi na Guadeloupe na ku Martinique.

Teritwere ya mu République dominicaine ayikalanga mukumibwe na kipapi. Biro bya filiale abikalanga bitule komite itano ya kukwasha bantu bapete masaku bwa kutuma bukwashi kwi balungudi 38 000 ba mwiumbo. Mafuku ebungi kumpala kwa kipapi kya Irma, ku mayi a bakunkushi ba bifunda, bakulu ba tukongye abekalanga bende mu kutala balungudi boso bwa kutala su mbelubule kalolo ku masaku. Mu ma mbalo aawula mema ku lupese lwa kunundu, bakulu mbatentuule balungudi 1 273 bwashi bende mu ma mbalo e buwa na balungudi 2 068 bashi na mashibo ebuwa mbende nabo bwa nkafwamina mu Nshibo ya Bufumu sunga nkebungila mu bifuko bya bangi ba Temwe pa ma mbalo ashi masaku.

Mashibo a Bufumu apela abadi bebakye binobino ta ngakambe kulwila nya. Akwikalanga kulwile mashibo a bifuko bitano bya ba Temwe ba Yehowa. Bakwete kwialumbula kwi tukongye ku bukunkushi bwa komite a kukwasha bantu bapete masaku. Ta nkufwe muntu sunga kusakuka nya.

Teritware a mu filiale a mu États-Unis ayikalanga mukumibwe na kipapi​—Bahamas, Florida, Géorgie, Porto Rico, Kisangi kya mema kya Turks na kya kya Caïcos, mpa na bisangi bya mema bya Vierges bya (Grande Bretagne na a États-Unis). Atwinyongola bwa lufu lwa babidi na kusakuka kwa bantu basamombo ba Temwe bakile pa 3 000 mbebakatushe mu ma mbalo abekalanga. Bakwetu nkama ba mu Géorgie bakwetu ma mbalo a kushala mu mashibo abo.

Mu Floride, bano be mu biro bya kwalula mikada byabetamina bu (ADT) ba mu Fort Lauderdale mbebakatushe benda nabo mu Nshibo ya Bikongeno ya ku Palm Beach, kwabekele bashale munda mwa mafuku ebungi. Biro bya kwalula abikalnga bilwishibwe na mema, na mu nshibo tamwikele nsembwe sunga Internete munda ma mafuku ebungi. Binobino mbapwe kulumbuula byoso byalukya byabikalanga.

Ku mbalo ya kalasa ka Bible mu Palm Coast, mu Floride, balongi boso abekalanga mu Kalasa ka bakunkushi ba bifunda na bakashi babo abekalanga dingi bebakatushe mwanka, mpa na tulasa tusatu twa Balungudi ba Bufumu. Kwikele kushale kasaka ka penda bantu 20 mu lupango. Sunga nsembwe ayikalanga itshibikye, nshibo tangilwile nya.

Biro bya kukwasha bantu bapete masaku bya Departema a kwibaka mashibo mwiumbo (LDC) bikwete kulumbuula bukwashi bwashi bakwetu bebupete luntuluntu kushii masaku.

Mbatule bisaka bya bukwashi mu États-Unis bwa kutuma bukwashi bwa bidibwa na mema kwi bantu bapete masakue. Dingi, komite a bukwashi a mu Porto Rico kwete kutumina bakwetu be mu kisangi kya mema bukwashi.

Mu ma mbalo abetamina bu ma Antilles, nkulwile mashibo 61 bipela na angi 55 ngalwile bikata. Dingi, Mashibo a Bufumu abidi ngalwile ngofu.

Bakwetu ba mu filiale mpa na ba ku biro byetu bikata mbende mu Floride na mu bisangi bya mema bwa kutwadila bakwetu bukwashi. Tukyatwende na kutalula abyende myanda.

Twi batule binangu byetu na nteko yetu kwi bakwetu bapete masaku a kipapi kikata kya Irma mpa na boso bakwete kwipana mu kutusha bukwashi bwa kwibanyingisha.​—Beena-Looma 15:5; 2 Beena-Kodinda 1:3, 4, 7; 8:14.

Ba kwisamba nabo:

Mu nsenga ishima: David A. Semonian, Office of Public Information, +1-845-524-3000

Barbade: John Medford, +1-246-438-0655

République dominicaine: Josué Féliz, +1-809-595-4007

France: Guy Canonici, +33-2-32-25-55-55