9/11/2022
RUSSIE

Mukuetu Andrey Danielyan abamutshibila bipua bisamombo mu lukano

TEEMESHA MU

Muifuku dia 7 mueshi w’Ekumi na umune 2022, Tumilaadi tua mu kibundi kia Rubtsovskiy mu Terituare a Altai atuikalanga tusambishe mukuetu Andrey Danielyan na kumutshibila bipua bisamombo mu lukano. Mbende naaye mu lukano musango umune.

Kuilondena kua mianda

25/5/2021

Abafungula kilumbu kunyima kua kukisha mieshi ibungi ya kulondesha midimo ya Andrey ku telefone na mu ingi mishindo
26/6/2021

Abatuelele mu kukimbuula mu nshibo yaaye. Andrey na mukashi aaye abaadi bebakuate na kuibeela nkonko. Abaadi bakandikie Andrey bua’shi tatuukanga eumbo
13/7/2022

Abamufundu patooka’shi mmulumbuule midimo ya ndumbuluilo atakula bantu mu kutomboka
5/9/2022

Ababanga kumusambisha
7/11/2022

Abamutshibila bipua bisamombo mu lukano

Pabimutale

Andrey Danielyan

Mutandikue mu: 1969 (Aleysk, terituare a Altai)

Nshalelo aaye: Baadi bu mulami a bintu bia ku kalasa

E na muloo wa kulonga’shi Efile Mukulu akalumbuula bintu bioso biabadi baluishe kui bana ba bantu pa nsega. Baadi mubatshishibue bu Kamonyi ka Yehowa mu kipua kia 1992

Mmuibakile Nina mu 1997

Biakula aye nabene

Nkinyi kikuete nkukuasha bua kulama lulamato loobe? a

Nshalelo e bukopo, na mianda ngilombene kunyisha kuluila mu mafuku e kumpala. Nakumiina kunyingiila, anka kuikala na lukalo lua kunyingiila ta nkupua kua muanda nya. Muntu akitaa kalashishi ka mbidi ekalaa na lukulupilo lua kuwina elumbuulaa ngofu kumpala kua nsaa. Ino nyi nsaa yandia kutaluula bi kipuano kiande na Yehowa bua kumona bia kulama lulamato luande mu bitompuanga abifiki mu mafuku ekumpala. Kunangushena ku bino bioso, akunkuasha buandia kunyingisha lukulupilo luande mui Yehowa, namutekie buadia kumpa eshimba dinyingie, luishinko, na bukome. Mpoolo mutumibua bafundile mu 1 Timote 4:8 bino: “Mwanda kalashishi ka mbidi ke buwa mu bintu bipeela, anka bwin’Efile Mukulu bwi buwa mu bintu bioso, mbwikale na mulayilo wa muwa wi binobino mpaa na wa muwa aukafiki.”

Atutumbula Andrey na bangi bakuetu balume na bakashi bebungi bua kileshesho kiabo kia kutununguka na kulamata kui Efile Mukulu abatengiela ‘mulayilo wa muwa aukafiki.’—1 Timote 4:8.

a Mayi a mukuetu Danielyan tuikeele beate kumpala kuabadia kumutshibila kibawe kia lukano.

MIKANDU IPYA