Bwakinyi ba Temwe ba Yehowa t’abetaminaa mbalo yabebungilaa bwa kulangwila bu kipwilo?
Mu Bible, mwaku wa mu kina Greke wabadi balule ingi nsaa bu “kipwilo” awupushisha kisaka kya balangwidi, ta nshibo yabebungilaa.
Banda kutala kino kileshesho: nsaa ibaadi Mpoolo mutumibwa mufundjile beena Kidishitu ba ku Looma mukanda, bayimwine Akwilase na Priska aye nkwamba dingi shi: “Semaayi dimo beena kipwilo abebungaa kwabo.” (Beena-Looma 16:5) Mpoolo tabaadi na lukalo lwashi lwimuno lwaaye lwende kwi mashibo nya. Anka, baadi ayimuna bantu—kakongye kabadi akebungila mu yaaya nshibo. a
Byabya pamutwe pa kwitanyina mbalo ya lulangwilo bu kipwilo, atwiyitanyinaa bu: “Nshibo ya Bufumu.”
Bwakinyi bu “Nshibo ya Bufumu ya ba Temwe ba Yehowa”?
Kwi myanda ibungi ayilesha bwakinyi dyadya eshina ndilombane:
Yaaya mbalo yabadi bebakye nshibo, sunga bu mbalo ya kwibungila.
Atwibungaa bwa kulangwila Yehowa, Efile Mukulu e mu Bible, na bwa kutuusha bu kamonyi, sunga kushinkamisha myanda yaaye.—Misambo 83:19; Yeeshaya 43:12.
Atwibungaa dingi bwa kulonga myanda itale Bufumu bw’Efile Mukulu, bubakwile Yesu.—Mateo 6:9, 10; 24:14; Luuka 4:43.
Atukwitamina bwashi ofikye mu kutala Nshibo ya Bufumu i pepi noobe na wemwene mushindo aukunkushaa ba Temwe ba Yehowa bisangilo byabo.
a Bino bishima dingi abisanganyibwa mu mukanda wa 1 Beena-Kodinto 16:19; Beena-Kolose 4:15; na Filemone 2.
Tala dingi
NKONKO YABAKAMBAA KWELA
Tukongye twa ba Temwe ba Yehowa ntulumbuulwe mushindo kinyi?
Tala mushindo watupetaa malongyesha na mayi a kulonda ku bukwashi bwa uno ndumbulwilo.
