Twi balamate ku mweneno a mu Bible pabitale kutshiba dibaka. Efile Mukulu bapangile dibaka bwashi dibungye mulume na mukashi kushi kwiabulushena. Bifundwe abilesha shi dibaka ndilombene kutshibibwa nka su umune batambuka lusandji.​—Mateo 19:5, 6, 9.

 Olo, ku bukwashi bwa bintu bibungi:

•   Mikanda. Bino bintu abituku ku nsaa yoso mbilombene kunyingisha mabaka sunga aa aamweneka bu ashi alombene dingi kunyinga. Kileshesho tala mwisambo awamba shi “Lama mutshipo oobe bwa dibaka,” “Mushindo kufwila lusa,” na “Kwalusha lukulupilo mu dibaka.”

•   Bisangilo. Mwanda atwisambilaa myanda ya mu Bible i na malango aakwasha bwa dibaka, abikitshikaa mu bisangilo bya tukongye twetu, bikongeno bya kifunda na bya mafuku asatu.

•   Bakulu. Bakulu mu tukongye abakwashaa ba mulume na mukashi be na myanda, abakaka binangu byabo ku Bifundwe kileshesho bu bino bi mu Beena-Efeso 5:22-25.

 Nya. Sunga nsaa yabafiki mu kukwasha mulume na mukashi be na myanda, ta be na matalwa a kwibalungula bwashi batshibe dibaka dyabo nya. (Beena-Ngalatea 6:5) Anka, muntu baata kitshibilo kya kutshiba dibaka kushii muyiile abilesha Bifundwe ta mulombene kupeta mashito kampanda mu kakongye nya na Bible t’amupa matalwa a kwiyibakishena na mungi muntu nya.​—1 Timote 3:1, 5, 12.

 Bible atekye mulume na mukashi bwabadya kushala pamune sunga kwekala myanda kinyi. (1 Beena-Kodinda 7:10-16) Mbalombeene kupwa myanda ibungi ku bukwashi bwa kwela nteko, kutumikila mayi a kulonda e mu Bible, na kwifulena.​—1 Beena-Kodinda 13:4-8; Beena-Ngalatea 5:22.

 Sunga mbyabya, mu myanda ibukopo bu ino ayilondo, bangi beena Kidishitu be kwata kitshibilo kya kwilekena na mwina dibaka nabo:

•   Kupela kukwasha kifuko.​—1 Timote 5:8.

•   Kukyengyesha ngofu ku mbidi.​—Misambo 11:5.

•   Kutuulasha nshalelo a mungi mu kikudi mu masaku. Kileshesho mwina dibaka umune mulombene kutakula mungi bwashi ayipee miiya y’Efile Mukulu mu mushindo kampanda, na yawa mwina dibaka mulombene kwata kitshibilo kya kwilekena naaye penda bwa “kukookyela Efile Mukulu pamutwe pa kukookyela bantu.”​—Bikitshino 5:29.