Bantu bebungi abamonaa shi nkuluse nkitundwilo kya bwina Kidishitu mu nsenga ishima. Sunga ba Temwe ba Yehowa mbena Kidishitu, tatutumikaa na nkuluse mu lulangwilo lwetu nya. Bwakinyi?

 Kya kumpala mwanda Bible alesha shi Yesu tabaadi mufwile pa nkuluse nya anka bafwile ku mutshi. Na dingi, Bible adimusha bena Kidishitu shi “futaalaayi kulangwila nkishi,” abilesha kupela kutumika na nkuluse bwa kulangwila.​—1 Beena-Kodinto 10:14; 1 Yowano 5:21.

 Yesu baadi muleshe kalolo shi: “Abakatundula’shi nwi balondji bande anka ku kifulo kyaanwifuleena.” (Yowano 13:34, 35) Mu ano mayi Yesu balesheshe shi nkifulo kya kwisumina ingi miloo​—ta nkuluse sunga kifwatulo kampanda—​kilombeene kwikala bu kitundwilo kya balondji baaye ba binyibinyi.