Levitiku 4:1-35
4 Jehovai i tha Moisiut:
2 «Thuaju bijve të Izraelit: ‘Ja ç’duhet bërë kur një shpirt+ mëkaton pa dashje+ në ndonjë gjë që Jehovai urdhëron të mos bëhet, por ai e bën:
3 Nëse mëkaton prifti i mirosur,+ dhe kështu faji+ bie mbi popullin, ai duhet t’i paraqitë Jehovait si blatim për mëkatin+ që ka kryer, një dem të ri e të shëndetshëm.
4 Do ta çojë demin para Jehovait, në hyrje të tendës së takimit,+ do të vërë dorën mbi kokën e demit+ dhe do ta therë para Jehovait.
5 Pastaj prifti i mirosur+ do të marrë ca nga gjaku i demit dhe do ta çojë në tendën e takimit.
6 Prifti do ta ngjyejë gishtin+ me gjak dhe, para Jehovait, do të spërkatë me të shtatë herë+ tokën para perdes së vendit të shenjtë.
7 Pastaj, para Jehovait, ai do të vërë ca gjak te brirët+ e altarit të temjanit aromatik, që është në tendën e takimit, dhe pjesën tjetër të gjakut të demit do ta derdhë rrëzë+ altarit të blatimeve të djegura, që është në hyrje të tendës së takimit.
8 Nga dhjami i demit që paraqitet si blatim për mëkatin, do të marrë dhjamin që mbështjell zorrët, po, gjithë dhjamin që i vesh ato,+
9 dhe dy veshkat bashkë me dhjamin që i vesh ato, me dhjamin që gjendet tek ijët. Kurse rizën që mbështjell mëlçinë, do ta heqë bashkë me veshkat.+
10 Prej tij do të marrë po atë që i merret demit që paraqitet si flijim në bashkësi.+ Të gjitha këto prifti do t’i vërë të digjen mbi altarin e blatimeve të djegura.+
11 Kurse lëkurën e demit, trupin e tij bashkë me kokën, këmbët, zorrët dhe bajgat,+
12 do t’i çojë në një nga rrethinat e kampit,+ në një vend të pastër ku hidhet hiri i lyrosur,+ dhe do ta djegë gjithë demin në zjarrin e druve.+ Ai do të digjet atje ku hidhet hiri i lyrosur.
13 Nëse tërë asambleja e Izraelit bën një gabim+ dhe kongregacioni nuk e ka kuptuar që ka bërë një gjë që Jehovai urdhëron të mos bëhet, e kështu është fajtor,+
14 por më pas e kupton+ që ka mëkatuar duke e shkelur atë urdhërim, atëherë kongregacioni do të paraqitë një dem të ri si blatim për mëkatin, dhe do ta çojë para tendës së takimit.
15 Para Jehovait, pleqtë e asamblesë do të vënë dorën mbi kokën e demit,+ dhe demi do të theret para Jehovait.
16 Pastaj prifti i mirosur+ do të çojë ca nga gjaku i demit në tendën e takimit.+
17 Prifti do ta ngjyejë gishtin me gjak dhe me të do të spërkatë, para Jehovait, shtatë herë tokën para perdes.+
18 Pastaj ai do të vërë ca gjak te brirët e altarit+ që është para Jehovait e që gjendet në tendën e takimit, dhe pjesën tjetër të gjakut do ta derdhë rrëzë altarit të blatimeve të djegura,+ që gjendet në hyrje të tendës së takimit.
19 Do të marrë gjithë dhjamin e demit dhe do ta vërë të digjet mbi altar.+
20 Me këtë dem do të bëjë siç bëri me tjetrin që u paraqit si blatim për mëkatin; do të bëjë të njëjtën gjë. Kështu, prifti do të bëjë shlyerjen+ për popullin, dhe ai do të falet.
21 Demi do të çohet në një nga rrethinat e kampit dhe prifti do ta djegë si dogji demin+ e parë. Ky është blatimi për mëkatin që bëhet për kongregacionin.+
22 Kur mëkaton një prijës,+ duke bërë pa dashje ndonjë nga gjërat që Jehovai, Perëndia i tij, urdhëron të mos bëhen,+ e kështu është fajtor,
23 ose e kupton që ka kryer mëkat duke shkelur atë urdhërim,+ atëherë ai do të sjellë si blatim një kec mashkull+ e të shëndetshëm.
24 Do të vërë dorën mbi kokën+ e kecit, dhe do ta therë para Jehovait, atje ku theren gjithnjë blatimet e djegura.+ Ky është një blatim për mëkatin.+
25 Prifti do të marrë me gisht ca nga gjaku i blatimit për mëkatin e do ta vërë te brirët+ e altarit të blatimeve të djegura. Kurse pjesën tjetër të gjakut do ta derdhë rrëzë altarit të blatimeve të djegura.
26 Gjithë dhjamin e kecit do ta vërë të digjet mbi altar, siç vë dhjamin e flijimit në bashkësi.+ Prifti do të bëjë shlyerjen për mëkatin e tij,+ dhe ai do të falet.
27 Nëse dikush nga populli mëkaton pa dashje, duke bërë ndonjë nga gjërat që Jehovai urdhëron të mos bëhen, e kështu është fajtor,+
28 ose e kupton që ka kryer mëkat, atëherë ai do të sjellë si blatim një kec femër+ e të shëndetshëm për mëkatin që ka kryer.
29 Do të vërë dorën mbi kokën+ e blatimit për mëkatin dhe do ta therë atë në të njëjtin vend ku theret blatimi i djegur.+
30 Prifti do të marrë me gisht ca gjak e do ta vërë te brirët+ e altarit të blatimeve të djegura. Kurse pjesën tjetër të gjakut do ta derdhë rrëzë altarit.+
31 Do të heqë gjithë dhjamin,+ siç ia hoqi flijimit në bashkësi,+ dhe do ta vërë të digjet në altar, si aromë të pëlqyeshme për Jehovain.+ Kështu, prifti do të bëjë shlyerjen për të, dhe ai do të falet.+
32 Por nëse do të paraqitë një qengj+ si blatim për mëkatin, ai duhet të sjellë një qengj femër e të shëndetshëm.+
33 Do të vërë dorën mbi kokën e blatimit për mëkatin dhe do ta therë si blatim për mëkatin, atje ku theren gjithnjë blatimet e djegura.+
34 Prifti do të marrë me gisht ca nga gjaku i blatimit për mëkatin e do ta vërë te brirët e altarit të blatimeve të djegura.+ Kurse pjesën tjetër të gjakut do ta derdhë rrëzë altarit.
35 Do të heqë gjithë dhjamin, siç i hiqet gjithnjë qengjit që paraqitet si flijim në bashkësi, dhe do ta vërë të digjet në altar mbi flijimet që bëhen me zjarr+ për Jehovain. Kështu, prifti do të bëjë shlyerjen+ për të, për mëkatin që ka kryer, dhe ai do të falet.+
