Nehemia 12:1-47
12 Këta ishin priftërinjtë dhe levitët që erdhën me Zorobabelin,+ birin e Shealtielit+ dhe Jeshuan:+ Serajahu, Jeremia, Ezdra,
2 Amariahu,+ Maluku, Hatushi,
3 Shekaniahu, Rehumi, Meremoti,
4 Idoja, Genetoi, Abijahu,
5 Mijamini, Madia, Bilgahu,
6 Shemajahu,+ Jojaribi, Jedajahu,+
7 Salui, Amoku,+ Hilkiahu dhe Jedajahu.+ Këta ishin krerët e priftërinjve dhe vëllezërit e tyre në ditët e Jeshuas.+
8 Levitët ishin: Jeshuai,+ Binui,+ Kadmieli,+ Sherebiahu, Juda, Mataniahu,+ i cili ishte përgjegjës për këngët e falënderimit, ai dhe vëllezërit e tij.
9 Bakbukiahu dhe Uni, vëllezërit e tyre, ishin përballë tyre për të shërbyer si roja.
10 Jeshuait i lindi Jojakimi,+ Jojakimit i lindi Eliashibi,+ dhe Eliashibit i lindi Jojada.+
11 Jojadës i lindi Jonatani, dhe Jonatanit i lindi Jadua.+
12 Në ditët e Jojakimit kishte priftërinj, krerë të shtëpive atërore,+ të cilët ishin: për Serajahun,+ Merajahu, për Jereminë, Hananiahu,
13 për Ezdrën,+ Meshulami, për Amariahun, Jehohanani,
14 për Malukun, Jonatani, për Shebaniahun,+ Jozefi,
15 për Harimin,+ Adnai, për Merajotin, Helkai,
16 për Idon, Zakaria, për Ginetonin, Meshulami,
17 për Abijahun,+ Zikri, për Miniaminin, ——,* për Moadiahun, Piltai,
18 për Bilgahun,+ Shamuai, për Shemajahun, Jehonatani,
19 për Jojaribin, Matenai, për Jedajahun,+ Uzi,
20 për Salain, Kallai, për Amokun, Eberi,
21 për Hilkiahun, Hashabiahu, për Jedajahun,+ Netaneli.
22 Në ditët e Eliashibit,+ Jojadës,+ Johananit dhe Jaduait,+ u regjistruan levitët dhe priftërinjtë si krerë të shtëpive atërore deri në mbretërimin e Darit, persit.
23 Bijtë e Levit, si krerë të shtëpive atërore,+ u regjistruan në librin e ngjarjeve të atyre kohëve deri në ditët e Johananit, birit të Eliashibit.
24 Krerët e levitëve ishin: Hashabiahu, Sherebiahu+ dhe Jeshuai, biri i Kadmielit,+ me vëllezërit e tyre që ishin përballë për të thurur lavde e për të falënderuar sipas urdhërimit+ të Davidit, njeriut të Perëndisë së vërtetë. Çdo grup rojash qëndronte krah për krah me grupin tjetër.
25 Mataniahu,+ Bakbukiahu, Abdia, Meshulami, Talmoni dhe Akubi+ ishin një grup rojash që ruanin si derëtarë+ pranë rezervave të portave.
26 Këta ishin në ditët e Jojakimit,+ birit të Jeshuas,+ birit të Jozadakut+ dhe në ditët e guvernatorit Nehemia+ e të priftit Ezdra,+ kopistit.+
27 Në përurimin+ e murit të Jerusalemit ata kërkuan levitët, që të vinin nga tërë vendet e tyre në Jerusalem për të bërë përurimin dhe për të gëzuar me falënderime,+ me këngë,+ me cimbale, me vegla me tela+ dhe me harpa.+
28 Bijtë e këngëtarëve u mblodhën nga Krahina,+ nga zona rreth e qark Jerusalemit, nga vendbanimet e netofathitëve,+
29 nga Beth-Gilgali,+ nga fushat e Gebës+ dhe të Azmavetit,+ sepse këngëtarët kishin ngritur vendbanime+ rreth e qark Jerusalemit.
30 Priftërinjtë dhe levitët u pastruan+ vetë dhe pastruan popullin,+ portat+ dhe murin.+
31 Atëherë i ngjita princat+ e Judës mbi mur. Caktova dy kore falënderimi+ dhe procesione të mëdha, njëri prej të cilëve ecte në të djathtë mbi mur, për në Portën e Togjeve të Hirit.+
32 Prapa tyre nisën të ecnin Hoshajahu dhe gjysma e princave të Judës,
33 Azariahu, Ezdra, Meshulami,
34 Juda, Beniamini, Shemajahu dhe Jeremia;
35 nga bijtë e priftërinjve me trumbeta,+ Zakaria, biri i Jonatanit, biri i Shemajahut, biri i Mataniahut, biri i Mikajahut, biri i Zakurit,+ biri i Asafit,+
36 dhe vëllezërit e tij: Shemajahu, Azareli, Milalai, Gilalai, Mai, Netaneli, Juda dhe Hanani me veglat+ që shoqëronin këngët e Davidit, njeriut të Perëndisë së vërtetë. Kopisti Ezdra+ ecte përpara tyre.
37 Te Porta e Burimit+ ata vazhduan përpara dhe kaluan në Shkallën+ e Qytetit të Davidit,+ nëpërmjet së përpjetës së murit, në vendin mbi Shtëpinë e Davidit dhe deri në Portën e Ujërave+ në lindje.
38 Kori tjetër i falënderimit+ ecte mbi mur përballë, dhe unë pas tij bashkë me gjysmën e popullit. Kaloi sipër Kullës së Furrave+ dhe vazhdoi për te Muri i Gjerë.+
39 Pastaj kaloi mbi Portën e Efraimit,+ vazhdoi për te Porta e Qytetit të Vjetër+ dhe më tej deri te Porta e Peshqve,+ te Kulla e Hananelit+ dhe te Kulla e Meahut+ dhe mbi Portën e Deleve.+ Ata u ndalën te Porta e Rojës.
40 Në fund dy koret e falënderimit+ u ndalën te shtëpia+ e Perëndisë së vërtetë. U ndala edhe unë, dhe me mua gjysma e mëkëmbësve,+
41 priftërinjtë Eliakim, Masejah, Miniamin, Mikajah, Elioenai, Zakaria, Hananiah me trumbeta,+
42 dhe Masejahu, Shemajahu, Eleazari, Uzi, Jehohanani, Malkijahu, Elami dhe Ezeri. Kënga e këngëtarëve me Izrahiahun si mbikëqyrës vazhdonte të kumbonte.+
43 Atë ditë ata bënë flijime të mëdha+ dhe gëzuan,+ sepse Perëndia i vërtetë u kishte dhënë një gëzim shumë të madh.+ Gëzonin edhe gratë+ me fëmijët,+ kështu që gëzimi i Jerusalemit dëgjohej deri larg.+
44 Atë ditë u caktuan disa burra për dhomat+ e rezervave,+ të kontributeve,+ të fryteve të para+ dhe të të dhjetave,+ që të mblidhnin atje nga arat e qyteteve, pjesët e kërkuara nga ligji+ për priftërinjtë dhe levitët;+ sepse Juda gëzonte ngaqë priftërinjtë dhe levitët+ ishin në shërbim.
45 Ata nisën të kujdeseshin për detyrimin+ që kishin ndaj Perëndisë së tyre dhe për detyrimin që kishin për pastrimin+ bashkë me këngëtarët+ e derëtarët,+ sipas urdhërimit të Davidit dhe birit të tij, Solomonit.
46 Pasi në ditët e Davidit dhe të Asafit, qëmoti, kishte krerë këngëtarësh+ dhe këngë lëvdimi e falënderimi për Perëndinë.+
47 Gjatë ditëve të Zorobabelit+ dhe të Nehemisë,+ tërë Izraeli jepte pjesët për këngëtarët+ dhe derëtarët,+ sipas nevojave të përditshme, dhe ndante veç pjesët e shenjtëruara për levitët;+ kurse levitët ndanin veç pjesët e shenjtëruara për bijtë e Aaronit.
Shënimet
^ Me sa duket, këtu mungon një emër në tekstin hebraik.
