Zanafilla 5:1-32
5 Ky është libri i historisë së Adamit. Ditën kur e krijoi, Perëndia e bëri Adamin në ngjashmëri me të.+
2 Ai i krijoi ata mashkull dhe femër.+ Ditën që i krijoi,+ i bekoi dhe u vuri emrin Njeri.+
3 Adami ishte njëqind e tridhjetë vjeç kur i lindi një djalë në ngjashmëri me të, sipas shëmbëlltyrës së tij, dhe e quajti Set.+
4 Pas lindjes së Setit, Adami jetoi edhe tetëqind vjet. Ndërkohë i lindën bij e bija.+
5 Kështu, Adami jetoi gjithsej nëntëqind e tridhjetë vjet, dhe pastaj vdiq.+
6 Seti ishte njëqind e pesë vjeç kur i lindi Enosi.+
7 Pas lindjes së Enosit, Seti jetoi edhe tetëqind e shtatë vjet. Ndërkohë i lindën bij e bija.
8 Kështu, Seti jetoi gjithsej nëntëqind e dymbëdhjetë vjet, dhe pastaj vdiq.
9 Enosi ishte nëntëdhjetë vjeç kur i lindi Kenani.+
10 Pas lindjes së Kenanit, Enosi jetoi edhe tetëqind e pesëmbëdhjetë vjet. Ndërkohë i lindën bij e bija.
11 Kështu, Enosi jetoi gjithsej nëntëqind e pesë vjet, dhe pastaj vdiq.
12 Kenani ishte shtatëdhjetë vjeç kur i lindi Mahalaleli.+
13 Pas lindjes së Mahalalelit, Kenani jetoi edhe tetëqind e dyzet vjet. Ndërkohë i lindën bij e bija.
14 Kështu, Kenani jetoi gjithsej nëntëqind e dhjetë vjet, dhe pastaj vdiq.
15 Mahalaleli ishte gjashtëdhjetë e pesë vjeç kur i lindi Jaredi.+
16 Pas lindjes së Jaredit, Mahalaleli jetoi edhe tetëqind e tridhjetë vjet. Ndërkohë i lindën bij e bija.
17 Kështu, Mahalaleli jetoi gjithsej tetëqind e nëntëdhjetë e pesë vjet, dhe pastaj vdiq.
18 Jaredi ishte njëqind e gjashtëdhjetë e dy vjeç kur i lindi Enoku.+
19 Pas lindjes së Enokut, Jaredi jetoi edhe tetëqind vjet. Ndërkohë i lindën bij e bija.
20 Kështu, Jaredi jetoi gjithsej nëntëqind e gjashtëdhjetë e dy vjet, dhe pastaj vdiq.
21 Enoku ishte gjashtëdhjetë e pesë vjeç kur i lindi Metuselahu.+
22 Pas lindjes së Metuselahut, Enoku vazhdoi të ecte me Perëndinë e vërtetë për treqind vjet. Ndërkohë i lindën bij e bija.
23 Kështu, Enoku jetoi gjithsej treqind e gjashtëdhjetë e pesë vjet.
24 Enoku vazhdoi të ecte+ me Perëndinë e vërtetë.+ Më pas, ai nuk ishte më, sepse Perëndia e mori.+
25 Metuselahu ishte njëqind e tetëdhjetë e shtatë vjeç kur i lindi Lameku.+
26 Pas lindjes së Lamekut, Metuselahu jetoi edhe shtatëqind e tetëdhjetë e dy vjet. Ndërkohë i lindën e bij e bija.
27 Kështu, Metuselahu jetoi gjithsej nëntëqind e gjashtëdhjetë e nëntë vjet, dhe pastaj vdiq.
28 Lameku ishte njëqind e tetëdhjetë e dy vjeç kur i lindi një djalë.
29 Ai ia vuri emrin Noe,+ se tha: «Ky do të na sjellë ngushëllim për punën tonë dhe për mundin e duarve tona, ngaqë toka është e mallkuar+ nga Jehovai.»
30 Pas lindjes së Noesë, Lameku jetoi edhe pesëqind e nëntëdhjetë e pesë vjet. Ndërkohë i lindën bij e bija.
31 Kështu, Lameku jetoi gjithsej shtatëqind e shtatëdhjetë e shtatë vjet, dhe pastaj vdiq.
32 Noeja u bë pesëqind vjeç. Pastaj, Noesë i lindi Semi,+ Kami+ dhe Jafeti.+
