Amosi 5:1-27
5 O shtëpi e Izraelit, dëgjoji këto fjalë që po them kundër jush si një këngë të përvajshme:*
2 ‘Virgjëresha e Izraelit ka rënë,e nuk ngrihet dot më.
Është braktisur në tokën e vet,dhe askush nuk e ngre.’
3 Kështu thotë Zotëria Sovran Jehova:
‘Qyteti që marshon në luftë me një mijë njerëz, do të mbetet me njëqind;ai që del me njëqind, do të mbetet me dhjetë.
Kështu do t’i ndodhë shtëpisë së Izraelit.’+
4 Se Jehovai i thotë shtëpisë së Izraelit:
‘Më kërkoni, e do të jetoni.+
5 Mos kërkoni Bethelin,+mos shkoni në Gilgal+ e mos kaloni në Ber-Shebë,+sepse me siguri Gilgali do të çohet në mërgim,+kurse Betheli do të kthehet në hiç.*
6 Kërkoni Jehovain, e do të jetoni.+
Përndryshe ai do të ndizet si zjarr kundër shtëpisë së Jozefit,e do të përpijë Bethelin, dhe askush nuk do ta shuajë dot.
7 Ju e ktheni drejtësinë në pelin;*e hidhni drejtësinë përtokë.+
8 Ai që bëri yjësinë Kimah* dhe Kesil,*+Ai që e kthen terrin në agim,Ai që e bën ditën të errët si nata,+Ai që i thërret ujërat e detitpër t’i derdhur mbi faqen e dheut:+e ka emrin Jehova.
9 Ai sjell rrufeshëm shkatërrimin mbi të fortinqë vendet e fortifikuara të shkatërrohen.
10 Ju e urreni atë që korrigjon te porta e qytetitdhe keni neveri për atë që thotë të vërtetën.+
11 Ngaqë i merrni taksën e tokës të varfrit*dhe i merrni drithin si haraç,*+ju nuk do të banoni më në shtëpitë me gurë të latuar që ndërtuat,+as do të pini verë nga vreshtat e mira që mbollët.+
12 Se unë e di se sa të shumta janë rebelimet* tuajadhe se sa të rënda janë mëkatet tuaja:i bini në qafë të drejtit,merrni ryshfete*dhe ia mohoni të drejtën të varfrit te porta e qytetit.+
13 Prandaj ai që ka gjykim të thellë, në atë kohë do të heshtë,sepse do të jetë kohë e kobshme.+
14 Kërkoni të mirën dhe jo të keqen,+që të jetoni.+
Atëherë Jehovai, Perëndia i ushtrive, do të jetë me ju,ashtu siç pohoni ju se është.+
15 Urreni të keqen, doni të mirën;+le të mbizotërojë drejtësia te porta e qytetit.+
Ndoshta Jehovai, Perëndia i ushtrive,do t’i miratojë ata që kanë mbetur nga Jozefi.’+
16 Prandaj, kështu thotë Jehovai, Perëndia i ushtrive, po, vetë Jehovai:
“Në të gjitha sheshet do të vajtohetdhe në të gjitha rrugët njerëzit do të thonë: ‘Mjerë, mjerë!’
Do të thërrasin bujkun që të mbajë zi,dhe vajtuesit me pagesë që të vajtojnë.
17 Në çdo vresht do të vajtohet,+sepse unë do të kaloj në mes teje,—thotë Jehovai.
18 ‘Mjerë ata që e dëshirojnë me zjarr ditën e Jehovait!+
Çfarë do të jetë për ju dita e Jehovait?+
Do të jetë terr, dhe jo dritë.+
19 Do të jetë si dikush që i ikën luanit, por i del para ariu;hyn në shtëpi, mbështet dorën në mur dhe e kafshon gjarpri.
20 A nuk do të jetë dita e Jehovait ditë terri, e jo drite?
Errësirë e plotë pa asnjë rreze drite?
21 Unë i urrej, më neveriten festat tuaja+dhe nuk kënaqem me aromën e flijimeve tuaja, që ngrihet nëpër asamble solemne.
22 Edhe sikur të më bëni blatime të plota të djegura,nuk do të kënaqem me blatimet tuaja+dhe nuk do t’i miratoj flijimet e kafshëve të majme që bëni në bashkësi.+
23 Ma hiqni zhurmën e këngëve tuaja!
Të mos e dëgjoj më melodinë e instrumenteve me tela!+
24 Le të rrjedhë drejtësia si ujë+dhe e drejta si një përrua i pashtershëm!
25 A më sollët vallë flijime dhe blatime,o shtëpi e Izraelit, kur ishit 40 vjet në shkretëtirë?!+
26 Kurse tani do t’ju duhet të merrni me vete Sakutin, mbretin tuaj, dhe Kaivanin,*shëmbëlltyrat*—yllin e perëndisë tuaj—që i bëtë për vete,
27 dhe unë do t’ju çoj në mërgim matanë Damaskut’,+—thotë ai që e ka emrin Jehova, Perëndia i ushtrive.+
Shënimet
^ Ose «këngë vajtimi».
^ Një mundësi tjetër «do të bëhet diçka e mistershme».
^ Ose «hidhërim».
^ Ka mundësi yjësia e Orionit.
^ Ka mundësi yjet e Plejadave në yjësinë e Taurusit.
^ Ose «i merrni qira të madhe të varfrit për arën».
^ Shih Fjalorthin.
^ Ose «çmimin e heshtjes».
^ Ose «krimet».
^ Të dyja këto perëndi mund t’i referohen planetit Saturn, i cili adhurohej si perëndi.
^ Ose «idhujt».
