Hozea 6:1-11
6 «Ejani, le të kthehemi te Jehovai,sepse ai na ka copëtuar,+ por do të na shërojë.
Na goditi, por do të na i lidhë plagët.
2 Ai do të na përtërijë pas dy ditësh.
Ditën e tretë do të na ngrejëdhe do të jetojmë në praninë e tij.
3 Ne do ta njohim, do të përpiqemi me gjithë shpirt ta njohim Jehovain.
Ashtu si agimi, ardhja e tij është e sigurt.
Ai do të vijë te ne si një shi i bollshëm,si një shi pranvere që e ngop tokën.»
4 «Ç’të bëj me ty, o Efraim?!
Ç’të bëj me ty, o Judë?!
Se dashuria juaj besnike është si retë e mëngjesit,si vesa që zhduket shpejt.
5 Ja pse kam për t’i goditur* me anë të profetëve,+kam për t’i vrarë me fjalët e gojës sime.+
Gjykimet mbi ty do të shndritin si drita,+
6 sepse unë kënaqem me dashurinë besnike* dhe jo me flijime;me njohurinë për Perëndinë dhe jo me blatime të plota të djegura.+
7 Por ata, përderisa janë thjesht njerëz, e kanë shkelur besëlidhjen.+
Në vendin e tyre më kanë tradhtuar.
8 Galadi është qytet i keqbërësve,+i përlyer me gjak.*+
9 Priftërinjtë janë si bandat plaçkitëse që i zënë pritë një njeriu.
Rrugës për në Sikem kryejnë vrasje,+sepse sjellja e tyre është e turpshme.
10 Në shtëpinë e Izraelit kam parë një gjë të llahtarshme.
Atje Efraimi kryen prostitucion.+
Izraeli është ndotur.+
11 Ndërsa ti, o Judë, je caktuar të korresh,kur të kthej robërit e popullit tim.»+
