Hozea 7:1-16
7 «Sa herë që dua t’i sjell shërim Izraelit,del në shesh faji i Efraimit+ dhe ligësia e Samarisë,+
sepse ata merren me mashtrime;+hajdutët vjedhin nëpër shtëpi dhe bandat e kusarëve plaçkitin rrugëve.+
2 Por as që u shkon fare ndër mend* se unë do të kujtoj gjithë ligësinë e tyre.+
Veprimet e tyre i kanë zënë në lak;ato janë pikërisht para fytyrës sime.
3 Me ligësinë e tyre gëzojnë mbretindhe me mashtrimet e tyre princat.
4 Ata janë të gjithë kurorëshkelësdhe digjen si një furrë e ndezur nga bukëpjekësi,i cili pushon së trazuari zjarrin ndërsa zë brumin dhe pret që ky të vijë.
5 Në ditën e festës së mbretit tonë, princat janë sëmurur—janë tërbuar për shkak të verës.+
Ai u ka dhënë dorën tallësve.
6 Zemra u digjet si një furrë;*bukëpjekësi i tyre fle gjithë natën;në mëngjes furra djeg si një zjarr flakërues.
7 Të gjithë janë të nxehtë si një furrëdhe i përpijnë sundimtarët* e tyre.
Mbretërit e tyre kanë rënë të tërë;+asnjëri nga ata s’më thërret.+
8 Efraimi përzihet me kombet.+
Efraimi është bërë si një kulaç i pjekur vetëm nga njëra anë.
9 Fuqinë ia kanë përpirë të panjohurit,+ por ai as që e di.
Koka i është zbardhur nga thinjat, por ai as që e vëren.
10 Izraeli, me krenarinë e tij, ka dëshmuar kundër vetes,+por, pavarësisht nga kjo, ata nuk janë kthyer te Jehovai, Perëndia i tyre,+e as nuk e kanë kërkuar.
11 Efraimi është si një pëllumb mendjelehtë që i mungon gjykimi i mirë.*+
Kanë thirrur Egjiptin;+ kanë shkuar tek Asiria.+
12 Ngado që të shkojnë, unë do të hedh mbi ta rrjetën time.
Do t’i rrëzoj si zogjtë e qiellit.
Do t’i disiplinoj* sipas paralajmërimit që i dhashë asamblesë së tyre.+
13 Mjerë ata, sepse ia kanë mbathur nga unë!
Rrënim për ta, sepse kanë kryer shkelje* kundër meje!
Isha gati t’i shpengoja,* por ata kanë thënë gënjeshtra kundër meje.+
14 Nuk më thirrën për ndihmë me gjithë zemër,+edhe pse ulërinin në shtratin e tyre.
Për të pasur drithë e verë të re, pritnin veten;u kthyen kundër meje.
15 Edhe pse i disiplinova dhe ua forcova krahët,ata janë kundër meje dhe thurin të këqija.
16 Ndryshuan udhë, por nuk u kthyen te diçka më e lartë;*ishin po aq të pabesë sa ç’është një hark i shtendosur.+
Princat e tyre do të bien të vdekur nga shpata për faj të gjuhës së tyre sfiduese.
Për këtë do të bëhen gazi i botës në vendin e Egjiptit.»+
Shënimet
^ Ose «nuk thonë në zemër».
^ Një mundësi tjetër «Zemra e tyre është si një furrë teksa afrohen me intrigat e tyre».
^ Fjalë për fjalë «gjykatësit».
^ Fjalë për fjalë «pa zemër».
^ Shih Fjalorthin.
^ Shih Fjalorthin.
^ Shih Fjalorthin, «Shpërblesa; Shpengimi».
^ Domethënë, te një formë adhurimi shumë e lartë.
