Isaia 50:1-11
50 Kështu thotë Jehovai:
«Ku është certifikata e divorcit+ me të cilën e përzura nënën tuaj?
Te cili nga huadhënësit e mi ju shita?
Ja, për shkak të fajeve tuaja+ jeni shitur,dhe për shkak të shkeljeve* tuaja nëna juaj është përzënë.+
2 Pse, pra, s’kishte asnjeri kur erdha?
Pse s’u përgjigj askush kur thirra?+
Kaq shumë është shkurtuar dora ime, sa nuk mund të shpengojë?*
A nuk kam unë fuqi t’ju çliroj?+
Ja, me qortimin tim e thaj detin;+i kthej lumenjtë në shkretëtirë.+
Peshqit e tyre qelben ngaqë nuk ka më ujëe ngordhin nga etja.
3 Unë i vesh qiejt me errësirë+dhe i mbështjell me copë thesi.»
4 Zotëria Sovran Jehova më ka dhënë gjuhën e të mësuarve,*+që të di si t’i përgjigjem* të lodhurit me fjalët e duhura.*+
Ai më zgjon mëngjes për mëngjes;e zgjon veshin tim që të dëgjoj si ata që mësohen.+
5 Zotëria Sovran Jehova ma ka hapur veshin që të kuptoj,e unë nuk u rebelova.+
Nuk shkova në drejtim të kundërt.+
6 E shtrova kurrizin para atyre që më goditnindhe ua dhashë faqet atyre që më shkulnin mjekrën.
Nuk ua fsheha fytyrën poshtërimeve dhe të pështyrave.+
7 Por Zotëria Sovran Jehova do të më ndihmojë.+
Ja pse nuk do të ndihem i poshtëruar;ja pse e bëra fytyrën si gur stralli,+dhe e di se nuk do të turpërohem.
8 Ai që më shpall të drejtë, është afër.
Kush mund të më akuzojë?*+
Le të përballemi me njëri-tjetrin.
Kush ka një çështje kundër meje?
Le të më afrohet.
9 Ja, Zotëria Sovran Jehova do të më ndihmojë.
Kush do të më shpallë fajtor?!
Të gjithë do të konsumohen si një rrobë;mola do t’i brejë.
10 Kush nga ju e nderon thellësisht Jehovain*dhe e dëgjon zërin e shërbëtorit të tij?+
Kush nga ju ecën në errësirë të dendur pa asnjë dritë?
Le të ketë besim në emrin e Jehovait dhe le të mbështetet te Perëndia i vet.
11 «Por të gjithë ju që ndizni një zjarr,duke bërë të dalin shkëndija,ecni në dritën e zjarrit tuajdhe mes shkëndijave që përhapët.
Ja çfarë do t’ju vijë nga dora ime:
do të lëngoni në shtrat nga dhembje të forta.
Shënimet
^ Shih Fjalorthin.
^ Shih Fjalorthin, «Shpërblesa; Shpengimi».
^ Fjalë për fjalë «me një fjalë».
^ Një mundësi tjetër «si të forcoj».
^ Ose «një gjuhë të stërvitur mirë».
^ Ose «të hahet me mua?»
^ Fjalë për fjalë «i frikësohet Jehovait». Shih Fjalorthin.
