Jeremia 10:1-25
10 Dëgjoni fjalën që ka thënë Jehovai kundër jush, o shtëpi e Izraelit!
2 Kështu thotë Jehovai:
«Mos mësoni udhën e kombeve+dhe mos u tmerroni nga shenjat e qiejve,vetëm ngaqë kombet tmerrohen prej tyre,+
3 sepse zakonet e popujve janë veçse mashtrim.*
Artizanët presin një pemë në pyll
dhe gdhendin një idhull me duart e tyre.+
4 Idhullin e zbukurojnë me argjend e me ar+dhe e mbërthejnë me gozhdë e me çekanë që të mos bjerë.+
5 Idhuj të tillë janë si dordolecë në një arë me kastraveca,s’mund të flasin,+duhen mbartur, sepse s’mund të ecin.+
Mos kini frikë prej tyre, sepse s’mund të bëjnë asgjë të keqe,as mund të bëjnë diçka të mirë.»+
6 Askush nuk është si ti, o Jehova!+
Ti je i madh, dhe emri yt është madhështor e i fuqishëm!
7 Kush nuk duhet të ketë frikë* prej teje, o Mbret i kombeve?!+ Faktikisht ti e meriton një respekt të tillë,sepse mes gjithë të mençurve të kombeve dhe mes tërë mbretërive të tyre,askush nuk është si ti.+
8 Të gjithë janë pa arsye dhe pa mend.+
Të mësohesh nga një pemë është vetëmashtrim.*+
9 Importojnë fletë argjendi nga Tarshishi+ e ar nga Ufazi,dhe me to artizanët e metalpunuesit veshin drurin.
Rrobat e idhujve të tyre janë me fill blu dhe lesh në ngjyrë të purpurt;*të gjitha janë vepër e mjeshtërve.
10 Por Jehovai është me të vërtetë Perëndi.
Ai është Perëndia i gjallë+ dhe Mbreti i përjetshëm!+
Nga indinjata e tij, toka do të dridhet,+asnjë komb nuk do t’i bëjë dot ballë zemërimit të tij.
11 * Këtë do t’u thoni atyre:
«Perënditë që nuk bënë qiejt e tokëndo të zhduken nga toka dhe nga çdo vend tjetër nën qiej.»+
12 Ai është Bërësi i tokës, i cili e krijoi me fuqinë e vet,ai që e ka vendosur patundshmërisht tokën me mençurinë e tij+dhe që ka shpalosur qiejt me gjithë njohurinë e tij.+
13 Kur zëri i tij dëgjohet,ujërat në qiej tërbohen,+dhe ai bën që retë* të ngrihen nga skajet e tokës.+
Dërgon vetëtima për* shiundhe nxjerr nga depot e veta erën.+
14 Çdo njeri sillet pa arsye dhe pa njohuri;çdo metalpunuesi do t’i vijë turp për shëmbëlltyrën e gdhendur,+sepse shëmbëlltyra e tij prej metali* është një gënjeshtër,nuk ka frymë* në të.+
15 Shëmbëlltyrat janë veçse mashtrim,* diçka për t’u tallur.+
Ditën kur të lahen hesapet, do të marrin fund.
16 Perëndia* i Jakobit nuk është si këto gjëra,sepse ai ka formuar gjithçkae Izraeli është shkopi i trashëgimisë së tij.+
Emri i tij është Jehovai i ushtrive.+
17 Merri nga toka plaçkat e tua,o grua* që banon nën rrethim,
18 se kështu thotë Jehovai:
«Ja, tani unë po i flak banorët nga vendi+dhe do t’i bëj të vuajnë.»
19 Mjerë unë se jam shembur!*+
Plaga ime është e pashërueshme.
Unë thashë: «Me siguri kjo është sëmundja ime dhe duhet ta duroj.
20 Tenda ime është shkatërruar dhe tërë litarët e saj janë këputur më dysh.+
Bijtë e mi më kanë braktisur e nuk janë më.+
Nuk ka asnjë që të ma ngrejë tendën a të shtrijë pëlhurat e saj,
21 sepse barinjtë janë sjellë pa mend+dhe nuk e kanë kërkuar drejtimin e Jehovait.+
Ja pse kanë vepruar pa gjykim të thellëdhe gjithë kopetë e tyre janë shpërndarë.»+
22 Dëgjoni! Një lajm po vjen!
Një tronditje e madhe po vjen nga vendi i veriut+
që t’i katandisë në shkreti qytetet e Judës, në strofkë çakejsh.+
23 Unë e di mirë, o Jehova, se njeriut nuk i takon të vendosë* për udhën e vet.
Njeriut që ecën, nuk i takon as të drejtojë hapat e tij.+
24 Më ndreq, o Jehova, sipas gjykimit tënd,por jo në zemërimin tënd,+ që të mos më katandisësh në hiç.+
25 Zbraze tërbimin mbi kombet që të kanë shpërfillur+e mbi fiset që nuk luten në emrin tënd,sepse ata e kanë përpirë Jakobin;+po, e kanë përpirë deri në shfarosje+dhe ia kanë shkretuar vendin.+
Shënimet
^ Ose «kotësi».
^ Shih Fjalorthin, «Frika nga Perëndia».
^ Ose «kotësi».
^ Ose «vjollcë». Shih Fjalorthin.
^ Vargu 11 u shkrua në fillim në aramaisht.
^ Një mundësi tjetër «Ka bërë prita për».
^ Ose «avujt».
^ Ose «shtatorja e derdhur».
^ Ose «forcë jete». Shih Fjalorthin.
^ Ose «veçse kotësi».
^ Fjalë për fjalë «Pjesa».
^ I referohet Jerusalemit.
^ Ose «jam thyer!»
^ Domethënë, nuk ka as aftësinë dhe as autoritetin për të vendosur.
