Josiu 19:1-51
19 Pastaj shorti i dytë+ i ra Simeonit, fisit të Simeonit,+ sipas familjeve. Trashëgimia e tyre ra në mes të trashëgimisë së Judës.+
2 Trashëgimia e tyre ishte Ber-Sheba+ me Shebën, Moladahu,+
3 Hazar-Shuali,+ Balahu, Ezemi,+
4 Eltoladi,+ Betuli, Hormahu,
5 Ziklagu,+ Beth-Markaboti, Hazar-Susahu,
6 Beth-Lebaoti+ dhe Sharuheni—13 qytete me fshatrat e tyre;
7 Aini, Rimoni, Eteri dhe Ashani+—4 qytete me fshatrat e tyre
8 dhe tërë vendbanimet që ishin rreth e qark këtyre qyteteve, deri në Baalath-Ber, në Ramahun e Jugut. Kjo ishte trashëgimia e fisit të Simeonit, sipas familjeve.
9 Trashëgimia e pasardhësve të Simeonit u mor nga pjesa që i ra Judës, sepse pjesa e Judës ishte tepër e madhe për ta. Kështu, pasardhësit e Simeonit morën një pronë në mes të trashëgimisë së tyre.+
10 Më pas, shorti i tretë+ u ra pasardhësve të Zabulonit,+ sipas familjeve, dhe kufiri i trashëgimisë së tyre shkonte deri në Sarid.
11 Kufiri i tyre ngjitej drejt perëndimit deri në Mareal, arrinte në Dabeshet dhe pastaj në luginën* përballë Jokneamit.
12 Nga Saridi shkonte drejt lindjes deri në kufi me Kisloth-Taborin, shtrihej deri në Daberat+ e pastaj ngjitej deri në Jafiai.
13 Që andej vazhdonte drejt lindjes deri në Gath-Hefer,+ në Eth-Kazin, në Rimon dhe shtrihej deri në Neah.
14 Pas kësaj, kufiri kthente në veri deri në Hanaton dhe mbaronte në luginën e Iftah-Elit,
15 në Katath, Nahalal, Shimron,+ Idalah dhe në Betlehem+—12 qytete me fshatrat e tyre.
16 Kjo ishte trashëgimia e pasardhësve të Zabulonit, sipas familjeve.+ Këto ishin qytetet me fshatrat e tyre.
17 Shorti i katërt+ i ra Isaharit,+ pasardhësve të Isaharit, sipas familjeve.
18 Kufiri i tyre përfshinte Jezrelin,+ Kesulotin, Shunemin,+
19 Hafaraimin, Shionin, Anaharatin,
20 Rabitin, Kishionin, Ebezin,
21 Remetin, En-Ganimin,+ En-Hadahin dhe Beth-Pazezin.
22 Pastaj kufiri shkonte deri në Tabor,+ në Shahazumah, në Beth-Shemesh dhe mbaronte në Jordan—16 qytete me fshatrat e tyre.
23 Kjo ishte trashëgimia e fisit të Isaharit, sipas familjeve,+ qytetet me fshatrat e tyre.
24 Pastaj shorti i pestë+ i ra fisit të Asherit,+ sipas familjeve.
25 Kufiri i tyre ishte Helkati,+ Hali, Beteni, Akshafi,
26 Alameleki, Amadi dhe Mishali. Në drejtim të perëndimit, ai arrinte deri në Karmel+ dhe në Shihor-Libnat.
27 Pastaj kthente drejt lindjes në Beth-Dagon, arrinte në Zabulon dhe në luginën e Iftah-Elit në veri, në Beth-Emek dhe në Nejel, e shtrihej deri në Kabul, në të majtë,
28 në Ebron, në Rehob, në Hamon dhe në Kanah deri në Sidonin e Madh.+
29 Pastaj kufiri kthente në drejtim të Ramahut deri në qytetin e fortifikuar të Tirit.+ Më pas, kthente drejt Hosahut dhe mbaronte në det, në rajonin e Akzibit,
30 në Umah, në Afek+ dhe në Rehob+—22 qytete me fshatrat e tyre.
31 Kjo ishte trashëgimia e fisit të Asherit, sipas familjeve.+ Këto ishin qytetet me fshatrat e tyre.
32 Shorti i gjashtë+ u ra pasardhësve të Neftalit, sipas familjeve.
33 Kufiri i tyre ishte nga Helefi dhe pema e madhe në Zananim+ drejt Adam-Nekebit dhe Jabnelit deri në Lakum dhe mbaronte në Jordan.
34 Pastaj kthente drejt perëndimit deri në Aznoth-Tabor dhe që këtej shtrihej deri në Hukokah e në jug arrinte deri në Zabulon. Kufiri perëndimor arrinte deri në Asher dhe kufiri lindor arrinte deri në Judë* në Jordan.
35 Qytetet e fortifikuara ishin: Zidimi, Zeri, Hamati+, Rakati, Kinereti,
36 Adamahu, Ramahu, Hazori,+
37 Kedeshi,+ Edrei, En-Hazori,
38 Jironi, Migdal-Eli, Horemi, Beth-Anati dhe Beth-Shemeshi+—19 qytete me fshatrat e tyre.
39 Kjo ishte trashëgimia e fisit të Neftalit, sipas familjeve,+ qytetet me fshatrat e tyre.
40 Shorti i shtatë+ i ra fisit të Danit,+ sipas familjeve.
41 Kufiri i trashëgimisë së tyre ishte Zorahu,+ Eshtaoli, Ir-Shemeshi,
42 Shalabini,+ Ajaloni,+ Itlahu,
43 Eloni, Timnahu,+ Ekroni,+
44 Eltekehu, Gibetoni,+ Baalathi,
45 Jehudi, Bene-Beraku, Gath-Rimoni,+
46 Me-Jarkoni dhe Rakoni; kufiri kalonte pranë Jopës.+
47 Mirëpo territori i Danit ishte tepër i ngushtë për ta,+ prandaj u ngjitën e luftuan kundër Leshemit,+ e pushtuan dhe i vranë banorët e tij me shpatë. Pastaj e shtinë në dorë vendin dhe vajtën të banonin atje. Ata ia ndryshuan emrin Leshemit në Dan, nga emri i Danit, paraardhësit të tyre.+
48 Kjo ishte trashëgimia e fisit të Danit, sipas familjeve. Këto ishin qytetet me fshatrat e tyre.
49 Kështu ata përfunduan ndarjen e territoreve për ta dhënë si trashëgimi. Pastaj izraelitët i dhanë një trashëgimi në mesin e tyre Josiut, birit të Nunit.
50 Sipas urdhrit të Jehovait, i dhanë qytetin që kërkoi, Timnat-Serahun,+ në rajonin malor të Efraimit dhe ai e rindërtoi qytetin e banoi në të.
51 Këto ishin vendet që dhanë si trashëgimi prifti Eleazar, Josiu, biri i Nunit, dhe krerët e shtëpive atërore të fiseve të Izraelit, të cilat i ndanë+ me short në Shiloh,+ përpara Jehovait, në hyrje të tendës së takimit.+ Kështu ata përfunduan ndarjen e vendit.
Shënimet
^ Ose «vadin». Shih Fjalorthin.
^ Me sa duket nuk i referohet fisit të Judës, por familjes së një burri që vinte nga fisi i Judës.
