PSE KA RËNDËSI? Të mirosurit dhe delet e tjera ftojnë njerëz të çdo lloji ‘të marrin falas ujin e jetës’. (Zb 22:17) Ky ujë simbolik përfaqëson të gjitha masat që ka marrë Jehovai për të shpëtuar njerëzit e bindur nga mëkati dhe vdekja. Nëse duam t’i ndihmojmë njerëzit me zakone dhe fe nga më të ndryshmet, duhet ta prezantojmë ‘lajmin e mirë të përhershëm’ në mënyrë tërheqëse për secilin prej tyre.​—Zb 14:6.

SI TA ARRISH?

• Zgjidh një argument dhe shkrim që mund të prekë zemrën e njerëzve në territorin e kongregacionit tënd. Mund të zgjedhësh njërën nga idetë për biseda ose një prezantim që e ke përdorur me sukses. Cilat argumente dhe shkrime priten mirë? A ka ndonjë lajm për të cilin flasin njerëzit? Çfarë argumenti do t’i pëlqente më shumë një burri ose një gruaje?

• Përfshi në bisedë përshëndetje dhe zakone që priten të bëhen në zonën tënde.—2Ko 6:3, 4

• Njihu mirë me botimet dhe videot e Çantës së mjeteve mësimore që të dish çfarë të zgjedhësh për këdo që tregon interes

• Shkarko materiale në gjuhët e njerëzve që mund të gjesh në territor

• Përshtate argumentin sipas nevojave që ka i zoti ose e zonja e shtëpisë. (1Ko 9:19-23) Për shembull, çfarë do t’i thoshe po të merrje vesh se i ka vdekur një njeri i dashur kohët e fundit?

SHIHNI VIDEON, DHE PËRGJIGJJUNI PYETJEVE TË MËPOSHTME:

• Me çfarë argumenti e nisi bisedën lajmëtari?

• Çfarë po kalonte i zoti i shtëpisë?

• Cili shkrim ishte fiks për atë situatë dhe pse?

• Si e përshtat prezantimin tënd që të jetë tërheqës për njerëzit në territor?