Gjatë këtyre ditëve të fundit, përballemi me shumë sprova të vështira. Ndonjëherë mund të na duket sikur janë përtej asaj që mund të mbajmë. Megjithatë, nëse vazhdojmë t’i afrohemi Jehovait, ai do të na ndihmojë të përballojmë edhe sprovën më shkurajuese. (Is 43:2, 4) Çfarë mund të na ndihmojë t’i afrohemi Jehovait kur kalojmë sprova?

Lutja. Kur ia zbrazim zemrën Jehovait, ai na jep paqe dhe forcë emocionale për të qëndruar.—Fi 4:6, 7; 1Se 5:17.

Mbledhjet. Tani më shumë se kurrë, kemi nevojë për ushqimin besimforcues dhe shoqërinë që na siguron Jehovai në mbledhjet tona. (He 10:24, 25) Kur përgatitemi për mbledhje, shkojmë dhe marrim pjesë në to, përfitojmë plotësisht nga ndihma e frymës së Jehovait.—Zb 2:29.

Shërbimi. Do ta kemi më të lehtë të përqendrohemi te gjërat pozitive, nëse bëjmë çmos për të dalë sa më shumë në shërbim. Veç kësaj do të forcojmë miqësinë me Jehovain dhe me bashkëpunëtorët tanë.—1Ko 3:5-10.

SHIHNI VIDEON JEHOVAI DO TË TË MARRË NË KRAHË, DHE PASTAJ PËRGJIGJJUNI PYETJEVE TË MËPOSHTME:

• Çfarë e ndihmoi Malunë të qëndronte pranë Jehovait gjatë sprovave?

  Përgjigjja jote

• Ashtu siç e ngushëlluan Malunë fjalët e Psalmit 34:18, si mund të na ngushëllojnë edhe ne kur hasim sprova?

  Përgjigjja jote

• Si e tregon eksperienca e Malusë se Jehovai na jep ‘fuqi përtej asaj që është normale’ kur kemi sprova?—2Ko 4:7

  Përgjigjja jote