Gjatë shtatorit do të përpiqemi fuqimisht t’i ofrojmë kujtdo një studim të Biblës me broshurën Gëzoje jetën përgjithmonë. Lajmëtarët mund të zgjedhin të shërbejnë si pionierë ndihmës edhe me 30 orë. Si do të kryhet kjo fushatë speciale?

• Në bisedën e parë: Përdor faqen e fundit të broshurës për të ngjallur interes dhe provo të demonstrosh si zhvillohet studimi. Mos harro ata që më parë kanë shfaqur interes, përfshirë rivizitat. Edhe nëse në të shkuarën kanë refuzuar të studiojnë, mund të jenë të interesuar për broshurën dhe metodën e re. Broshura nuk duhet lënë te shtëpitë që s’gjejmë njeri ose t’ua postojmë atyre që nuk kanë shfaqur më parë interes. Komiteti i Shërbimit të Kongregacionit mund të organizojë mbledhje shërbimi shtesë gjatë këtij muaji.

• Mundësi të tjera: Nëse kongregacioni përdor stenda literature, ekspozo në to broshurën Gëzoje jetën përgjithmonë. Informo ata që tregojnë interes se, bashkë me broshurën, përfitojnë edhe një kurs falas të Biblës. Demonstroja aty për aty si bëhet studimi ose në një moment tjetër. Mbikëqyrësi i shërbimit mund të organizojë që lajmëtarë të kualifikuar të shkojnë në territor tregtar dhe të ofrojnë studime të Biblës. Mund t’u ofrosh një studim të Biblës edhe shokëve të punës ose atyre që takon gjatë dëshmisë joformale.

Jezui na urdhëroi ‘të bëjmë dishepuj duke i mësuar’. (Mt 28:19, 20) Qoftë kjo fushatë speciale mjeti i duhur për realizimin e këtij qëllimi, nëpërmjet broshurës Gëzoje jetën përgjithmonë!