Jehovai dëshiron që t’i shërbejmë ngaqë e duam. (Mt 22:37, 38) Dashuria për Perëndinë do t’i japë forcë studentit të bëjë ndryshimet e nevojshme dhe të qëndrojë besnik në sprova. (1Gjo 5:3) Kjo dashuri do ta ndihmojë të pagëzohet.

Ndihmoje studentin të dallojë sa shumë e do Perëndia. Bëji pyetje të tilla, si: «Çfarë të mëson kjo për Jehovain?» ose «Si tregon kjo se Jehovai të do?» Ndihmoje të dallojë si po e ndihmon personalisht Jehovai. (2Kr 16:9) Trego raste nga jeta jote, kur Jehovai u është përgjigjur lutjeve specifike dhe nxite studentin të vërejë si u përgjigjet Jehovai lutjeve të tij. Ndiejmë gëzim të pamasë kur shohim se studentët e Biblës i përgjigjen dashurisë së Jehovait dhe tregojnë se duan të jenë miq me të.

SHIHNI VIDEODRAMATIZIMIN NDIHMOJE STUDENTIN TËND TË BIBLËS TË ZHVILLOJË MIQËSI TË NGUSHTË ME JEHOVAIN, DHE PASTAJ PËRGJIGJJUNI PYETJEVE TË MËPOSHTME:

• Çfarë vështirësie hasi Xheni?

• Si e ndihmoi Nita Xhenin?

• Si arriti ta kapërcente vështirësinë Xheni?