Kë të mikpresim me ngrohtësi? Këdo që vjen në mbledhjet tona të krishtere—nga ata që vijnë për herë të parë deri tek ata që i njohim prej kohësh. (Ro 15:7; He 13:2) Mund të jetë një bashkëbesimtar nga një vend tjetër ose një i krishterë joaktiv që merr pjesë për herë të parë pas shumë vjetësh. Imagjino si do të ndiheshe ti në rrethana të tilla. A nuk do ta vlerësoje një përshëndetje të ngrohtë? (Mt 7:12) Prandaj, pse të mos përpiqesh edhe më shumë që të shkosh të takosh të tjerët në Sallën e Mbretërisë para dhe pas mbledhjes? Kjo sjell një atmosferë të ngrohtë e të dashur dhe e nderon Jehovain. (Mt 5:16) Kuptohet, ndoshta nuk është e mundur të flasësh me çdo të pranishëm. Megjithatë, të gjithë do të ndihen të mikpritur nëse secili bën pjesën e vet. *

Mikpritja e vërtetë nuk tregohet vetëm në raste të veçanta, si Përkujtimi, por gjithmonë. Kur ata që vijnë herët e para shohin dhe përjetojnë dashurinë e krishterë që tregojmë, mund të nxiten të lëvdojnë Perëndinë dhe të bashkohen me ne në adhurimin e pastër.—Gjo 13:35.