PSE KA RËNDËSI: Si shumica e mjeteve, rrjetet sociale mund të jenë të dobishme ose të dëmshme. Disa të krishterë zgjedhin të mos i përdorin rrjetet sociale. Të krishterë të tjerë i shfrytëzojnë ato që të mbajnë lidhjet me familjarë e miq. Gjithsesi, Djalli dëshiron t’i përdorim rrjetet sociale në mënyrë të pamend, dhe kjo mund të na dëmtojë reputacionin e miqësinë me Jehovain. Ashtu si Jezui, edhe ne mund t’i përdorim parimet e Fjalës së Perëndisë që t’i dallojmë e t’i shmangim rreziqet.​—Lu 4:4, 8, 12.

GRACKAT QË DUHEN SHMANGUR:

• Përdorimi me tepri i medias sociale. Kur kalojmë orë të panumërta duke përdorur rrjetet ose median sociale humbasim kohën e çmuar që duam ta përdorim për Jehovain.

  Parimet biblike: Ef 5:15, 16; Fi 1:10

• Shikimi i materialeve të dyshimta. Shikimi i pamjeve provokuese mund të çojë në varësinë e pornografisë ose në imoralitet. Leximi i materialeve ose blogjeve apostate e dëmton besimin.

  Parimet biblike: Mt 5:28; Fi 4:8

• Postimi i fotografive ose i komenteve të papërshtatshme. Ngaqë zemra është e pabesë, dikush mund të priret të postojë foto ose komente të papërshtatshme në një rrjet social. Gjithsesi, kjo mund t’i dëmtojë reputacionin dikujt ose t’u dobësojë besimin të tjerëve.

  Parimet biblike: Ro 14:13; Ef 4:29

SHIHNI VIDEON RRJETET SOCIALE: TREGOHU I ZGJUAR DHE SHQYRTONI SI TË SHMANGEN SITUATAT E MËPOSHTME: