TË JETOJMË SI TË KRISHTERË
Mbështetu te Jehovai për t’i bërë ballë bullizmit
Bullizuesit mund të na shkaktojnë dhimbje fizike dhe emocionale. Madje mund të na dëmtojnë miqësinë me Jehovain, nëse frikësohemi kur na kundërshtojnë për adhurimin tonë. Si mund të mbrohesh nga një bullizues?
Shumë adhurues të Jehovait ia kanë dalë mbanë duke u mbështetur tek ai. (Ps 18:17) Për shembull, Estera foli hapur për të nxjerrë sheshit planet e një bullizuesi të lig me emrin Haman. (Es 7:1-6) Para se ta bënte këtë, u mbështet te Jehovai duke agjëruar. (Es 4:14-16) Jehovai i bekoi veprimet e saj; mbrojti atë dhe popullin e vet.
Nëse je i ri dhe përballesh me një bullizues, kërkoji ndihmë Jehovait dhe fol për problemin tënd me një të rritur të pjekur, si për shembull me prindërit. Mund të jesh i sigurt që Jehovai do të të gjendet pranë, siç veproi me Esterën. Ç’gjë tjetër mund të të ndihmojë t’i bësh ballë bullizmit?
SHIHNI VIDEON VITET E MIA TË ADOLESHENCËS—SI T’I BËJ BALLË BULLIZMIT?, DHE PASTAJ PËRGJIGJJUNI PYETJEVE TË MËPOSHTME:
-
Çfarë mund të mësojnë të rinjtë nga shembulli i Çarlit dhe i Ferinës?
-
Çfarë mund të mësojnë prindërit nga komentet e Çarlit dhe të Ferinës se si t’i ndihmojnë fëmijët t’i bëjnë ballë bullizmit?
