Vepra të Dëshmitarëve të Jehovait në kohët moderne

Britania

Sikur të jetoje në një vend ku lajmi i mirë është predikuar për shumë vjet, çfarë mundësie do të kishe sot për të pasur një shërbim domethënës atje? Dëshmitarët e Jehovait kanë predikuar në Britani për 118 vjet. Gjithsesi, shumë dyer mundësish vazhdojnë të jenë të hapura për Dëshmitarët britanikë, që vënë në vend të parë kryerjen e vullnetit të Jehovait. Mund të mësojmë shumë prej frymës që shfaqin ata.

Republika e Çekisë

Për 46 vjet Dëshmitarët e Jehovait kanë qenë nën ndalim në atë që sot është Republika e Çekisë. Sprovat e besnikërisë që përballuan ata, sigurojnë shumë mësime që mund t’i sjellin dobi çdo të krishteri të vërtetë. Gjatë atyre viteve të shtypjes, Jehovai vazhdoi ta mbështeste frymësisht popullin e tij. Gjërat që ai siguroi dhe mënyrat në të cilat e bëri këtë, janë vërtet të mrekullueshme.

Madagaskari

Shumë bimë dhe kafshë, që nuk gjenden askund mbi tokë, jetojnë të begata në Madagaskar. Por shumë më të rëndësishëm për Dëshmitarët e Jehovait janë njerëzit, që tregojnë interes për Krijuesin e këtyre gjërave. Në këtë Ishull të Kuq të Madh pjesëmarrja në Përkujtimin vjetor të vdekjes së Krishtit u rrit nga 7 veta në vitin 1956, në 46.392 veta më 1999.