Si mund ta gjejmë rrugën për në parajsë?
Si mund ta gjejmë rrugën për në parajsë?
Ku do të jetë parajsa e premtuar?
Në suren 21, El Enbija (Profetët) në ajetin 105 lexojmë: «Ne kemi shënuar në Zebur (në librat e shenjtë) pas shënimit (në Levhi mahfudh), se me të vërtetë tokën do ta trashëgojnë robtë e mi të mirë.» *
Krahaso suren 39, Ez zumer, (Mizëria), ajetet 73 dhe 74.
Po, njëqind vjet më parë, Psalmi (Zeburi) 37:29 zbuloi se Parajsa e premtuar do të jetë në tokë. Ai thotë: «Të gjithë të drejtët do ta zotërojnë tokën dhe ata do të banojnë në të përgjithmonë.»
JETA NË PARAJSË
Madje, Shkrimet e Shenjta shkojnë edhe më tej, duke përshkruar jetën në Parajsë.
◆ Njerëzit dhe kafshët do të jetojnë në paqe: «Edhe ujku në të vërtetë do të banojë . . . me qengjin mashkull, dhe vetë leopardi me kecin do të shtrihet, . . . dhe një djalë i vogël do t’i udhëheqë ata.»—Isaia 11:6; krahaso Isaia 65:25.
◆ Nuk do të ekzistojnë luftëra dhe dhunë: «Dhe ata do t’i kthejnë shpatat e tyre në plugje dhe heshtat e tyre në gërshërë krasitjeje. Nuk do të ngrejë shpatë komb kundër kombi, as nuk do të mësojnë më luftë.—Isaia 2:4; krahaso Psalmi 46:9.
◆ Familja njerëzore do të bashkohet në dashuri: «Ai që nuk ka dashuri nuk e njeh Perëndinë, sepse Perëndia është dashuri.»—1. Gjonit 4:8.
◆ Ushqim me bollëk dhe shtëpi për të gjithë: «Dhe ata sigurisht do të ndërtojnë shtëpi dhe do t’i zënë; . . . ata nuk do të mbjellin dhe dikush tjetër do të hajë.»—Isaia 65:21, 22; krahaso Psalmet 67:6; 145:16.
◆ Nuk do të ketë më sëmundje dhe vdekje: «Ai [Perëndia] do të fshijë çdo lot nga sytë e tyre dhe vdekja nuk do të jetë më, as vaj, as britmë dhe as dhimbje nuk do të ketë më.»—◆ Ringjallja e të vdekurve: «Po vjen ora, kur të gjithë ata që gjenden në varre . . . do ta dëgjojnë zërin e tij dhe do të dalin jashtë.»—Gjoni 5:28, 29.
A ËSHTË FALSIFIKUAR BIBLA E SHENJTË?
Perëndia i gjithëpushtetshëm në asnjë mënyrë nuk mund të lejojë një gjë të tillë.
Kur’an-i deklaron: «S’ka kush që ndryshon fjalët (premtimet) e Allahut.»—Sura 6, El En’am (Gjedhi), ajeti 34.
Bibla e Shenjtë bën një deklaratë të njëjtë, si vijon: «Bari i rritur është tharë, lulëzimi është vyshkur; por sa i përket fjalës së Perëndisë tonë, ajo do të qëndrojë deri në kohë të pakufishme.»—Isaia 40:8.
Disa u përpoqën ta falsifikonin Fjalën e Perëndisë, por nuk kanë pasur sukses. Për shembull, në letrën e parë të Gjonit, kreu 5, vargu 7, një herë u shtuan fjalët e poshtëpërmendura: «Në qiell janë Ati, Fjala dhe Shpirti i shenjtë: dhe ata të tre janë një.»—King James Version (Versioni i Mbretit Xheims).
Këto fjalë nuk paraqiten në asnjë nga dorëshkrimet e vjetra të Biblës, por janë shtuar më vonë me qëllim që të mbështetin doktrinën false të Trinitetit. Megjithatë, dijetarët e dinë që fjalë të tilla janë false dhe në përkthimet e sotme të Biblës i lënë jashtë.
Shumë dorëshkrime të Biblës, katër ose pesë shekuj më të vjetër se Kur’an-i, sot mund t’i shohim në muze. Kur krahasohet Bibla jonë e sotme me ato dorëshkrime të vjetra, bëhet krejt e qartë se teksti që kemi sot është i njëjtë me atë që shkruan shërbëtorët e lashtë, të frymëzuar nga Perëndia.
Krahaso Suren 10, Junus (Jonai), ajeti 94: «Po, (fjala vjen) nëse je në dyshim për këtë që të zbritëm ty (për ngjarjet e pejgamberëve), atëherë pyeti ata që lexojnë librin para teje [ata që kanë lexuar Shkrimet para teje, përkthim prej N. J. Dawood-it].»
Ç’DUHET TË DISH MBI BIBLËN E SHENJTE?
◆ Perëndia është Perëndia i vetëm, i vërtetë, i gjithëpushtetshëm, që nuk ka të barabartë.—Ligji i përtërirë 6:4; Isaia 44:6.
◆ Ideja që Perëndia u martua me një grua për të pasur fëmijë është e papërfytyrueshme.—Psalmi 36:9; Jobi 38:7; Luka 3:38; Zanafilla 2:7.
◆ Bibla e Shenjtë e dënon me forcë adhurimin e ndonjë personi apo objekti (duke përfshirë idhujt dhe figurat e gdhendura). Vetëm Perëndia duhet të adhurohet.—Mateu 4:10; Levitiku 26:1; Psalmi 115:4-8.
◆ Perëndia është Zoti i të gjithë njerëzve dhe Fjala e tij u shkrua për të gjithë njerëzit, si për burrat ashtu edhe për gratë.—Zanafilla 22:18; 1. Timoteut 2:4; Efesianëve 5:33.
◆ Hyrja në Parajsën e premtuar të Perëndisë nuk varet nga lindja, kombi, apo nga feja që na kanë dhënë prindërit.—Veprat 10:34, 35; Zbulesa 7:9, 10.
◆ Bibla e Shenjtë i bën thirrje arsyes dhe kundërshton injorancën.—Proverbat 2:3-6; Psalmi 119:33, 34.
NE JEMI NË PRAGUN E HYRJES PËR NË PARAJSËN E PERËNDISË—SI E DIMË?
Vetëm Perëndia e njeh të ardhmen dhe në Fjalën e tij paratha ngjarje të sigurta, të cilat do të ishin një shenjë që tregojnë se Parajsa është afër.
Këtu janë të përmendura vetëm pak nga ato ngjarje:
◆ Luftëra, tërmete, murtaja dhe uri.—Luka 21:10, 11.
◆ Paligjshmëri.—Mateu 24:12.
◆ Egoizëm, mosbindje ndaj prindërve, hipokrizi fetare.—2. Timoteut 3:1-5.
A i shihni të plotësohen sot këto profeci?
ÇFARË DUHET TË BËJMË NE NËSE DUAM TË JETOJMË NË PARAJSËN E PERËNDISË
Ne duhet të arrijmë njohurinë mbi të vërtetat e Fjalës së Perëndisë, sepse kjo njohuri e saktë krahasohet me një thesar të fshehur.—Proverbat 2:4.
Duhet të vëmë në praktikë gjithçka që mësojmë nga urdhërat e Krijuesit: «Kjo është udha. Ecni në të, ju njerëz.»—Isaia 30:21.
Do të ishim të lumtur që t’ju vizitonim, për të shqyrtuar Biblën me ju, duke përdorur broshurën me 32 faqe të titulluar Gëzo Jetën në Tokë Përgjithmonë!
[Shënimi]
^ par. 3 Të gjithë citatë nga Kur’an-i në këtë botim janë marrë prej përkthimit të H. Sherif Ahmeti në shqip.
[Burimi i figurës në faqen 4]
Fëmija i uritur: Bazuar në foton e WHO, nga W. Cutting