Çfarë më ofron e ardhmja?
Kapitulli 38
Çfarë më ofron e ardhmja?
«KAM frikë nga e ardhmja, një e ardhme në një botë ku rrinë pezull kërcënimet bërthamore.» Kështu u shpreh një i ri gjerman, duke iu drejtuar zyrtarit më të lartë politik të vendit të tij.
Ndoshta, spektri i vdekjes nga një shpërthim bërthamor, ngjashëm rri si hije në vizionin tënd për të ardhmen. «Përse duhet ta vras mendjen për të marrë nota të mira në shkollë?—pyeti një djalë.—Sido që të jetë, bota do të hidhet në erë.» Në fakt, në një anketë të zhvilluar me fëmijët e moshës shkollore, djemtë përcaktonin luftën bërthamore si frikën e tyre më të madhe. Vajzat e radhisnin të dytën, menjëherë pas frikës «së vdekjes së prindërve».
Megjithatë, kërcënimi i bombës kërpudhë nuk është e vetmja re e zezë që duket në horizont. Kërcënimi «i mbipopullimit, i shterimit të burimeve natyrore, i ndotjes së mjedisit» dhe i katastrofave të tjera kanosëse, e çuan psikologun e famshëm B. F. Skiner në këtë përfundim: «Lloji ynë tani duket se është i kërcënuar.» Më vonë, ai pohoi: «Jam shumë pesimist. Nuk kemi për t’i zgjidhur problemet tona, vërtet jo.»
Përderisa edhe hulumtuesit e shkolluar e shohin të ardhmen duke u dridhur, nuk është për t’u habitur që shumë të rinj shfaqin këtë qëndrim: «Le të hamë e të pimë, sepse nesër do të vdesim.» (1. Korintasve 15:32) Në fakt, nëse e ardhmja jote varet në aftësinë e politikanëve dhe shkencëtarëve, ajo duket e zymtë vërtet, sepse Jeremia 10:23 thotë: «Njeriut tokësor nuk i përket udha e vet. Nuk i përket njeriut që ecën as të drejtojë hapin e vet.»—BR.
Nuk është vetëm se njeriut i mungon aftësia për të qeverisur. Vëre se nuk i «përket» njeriut për ta bërë; ai nuk ka të drejtë për të drejtuar të ardhmen e tokës. Prandaj, përpjekjet e tij janë të destinuara për të dështuar. Për këtë arsye, Jeremia u lut për ndërhyrjen hyjnore: «Më korrigjo, o Jehova, megjithatë me gjykim.» (Jeremia 10:24, BR) Kjo do të thotë se të ardhmen tonë do ta vendosë Krijuesi ynë. Por, ç’e ardhme do të jetë?
Qëllimi i Perëndisë për tokën dhe e ardhmja jote
Pak pas krijimit të njeriut, Perëndia i tha çiftit të parë njerëzor: «Të jeni të frytshëm dhe shumëzohuni, mbushni tokën e nënshtrojeni, e sundoni mbi peshqit e detit, mbi zogjtë e qiellit dhe mbi çdo qenie që lëviz mbi tokë.» (Zanafilla 1:28) Në këtë mënyrë, njeriut iu ofrua perspektiva e jetës në një parajsë botërore.
Megjithatë, çifti i parë u rebelua kundër sundimit të Perëndisë. Siç tha më vonë Solomoni, «Perëndia e ka bërë njeriun të drejtë, por njerëzit kanë kërkuar shumë marifete [plane, BR]». (Eklisiastiu 7:29) Planet njerëzore janë treguar shkatërrimtare, duke i lënë brezit të tanishëm si trashëgimi mjerimin dhe perspektivat më të zymta për të ardhmen.
A do të thotë kjo se Perëndia e ka braktisur tokën për t’u bërë një glob i ndotur, radioaktiv dhe ndoshta pa jetë? E pamundur. Ai është «Perëndia që ka formuar tokën dhe e ka bërë; ai e ka vendosur, nuk e ka krijuar pa trajtë, por e ka formuar që të banohej». Prandaj, është e sigurt se qëllimi i tij i shpallur për tokën do të plotësohet.—Isaia 45:18; 55:10, 11.
kapitullin 21 të Lukës! Atje Jezui paratha problemet që kanë plagosur njerëzimin gjatë këtij shekulli: luftëra botërore, tërmete, sëmundje, mungesa ushqimi, përhapje të kriminalitetit. Cila është domethënia e këtyre ngjarjeve? Vetë Jezui shpjegon: «Kur këto të fillojnë të ndodhin, shikoni lart dhe ngrini kokat tuaja, sepse çlirimi juaj është afër. . . . Kur do të shikoni se po ndodhin këto, ta dini se Mbretëria e Perëndisë është afër.»—Luka 21:10, 11, 28, 31.
Por, kur dhe si? Lexo vetëKjo Mbretëri është çelësi për të ardhmen tënde. Me fjalë të thjeshta, ajo është një qeveri, mjeti i Perëndisë për të sunduar mbi tokën. Ajo qeveri mbretërore do ta marrë me forcë kontrollin e tokës nga duart njerëzore. (Danieli 2:44) «Ata që shkatërrojnë dheun», do të përballojnë vetë shkatërrimin nga dora e Perëndisë, për të shpëtuar tokën dhe njerëzimin nga sulmet e tërbuara të abuzimit njerëzor.—Zbulesa 11:18; Eklisiastiu 1:4.
E sigurt nën qeverisjen e Mbretërisë së Perëndisë, toka do të bëhet gradualisht një parajsë në të gjithë globin. (Luka 23:43) Do të vendoset përsëri një ekuilibër i përsosur ekologjik. Përse jo, do të ketë edhe harmoni ndërmjet njeriut dhe bishave. (Isaia 11:6-9) Lufta dhe armët e luftës do të zhduken. (Psalmi 46:8, 9) Krimet, urija, problemi i strehimit, sëmundjet, madje edhe vetë vdekja do të eliminohen të gjitha. Banorët e tokës «do të gëzojnë një paqe të madhe».—Psalmi 37:10, 11; 72:16; Isaia 65:21, 22; Zbulesa 21:3, 4.
‘Sigurohu’ për premtimet e Perëndisë
Jetë e përhershme në një parajsë: kjo mund të jetë e ardhmja jote. Por, ndërkohë që ideja mund të të tingëllojë tërheqëse, ndoshta e ke të vështirë të braktisësh bindjen se të gjithë njerëzit e mirë shkojnë në qiell ose dyshon rreth vetë Biblës. Edhe disa të rinj mes Dëshmitarëve të Jehovait, kanë parë nganjëherë se besimi i tyre ka qenë mjaft i lëkundshëm. Briseida, për shembull, ishte rritur nga prindër Dëshmitarë. Të pranoje se Bibla është e vërtetë, ishte sikur të pranoje se dita ndjek natën. Megjithatë, një ditë ajo kuptoi se nuk e dinte përse e besonte Biblën. «Mendoj se deri në atë moment e kisha besuar, ngaqë e besonin edhe prindërit»,—tha ajo.
«Pa besim është e pamundur t’i pëlqesh Atij [Perëndisë]»,—thotë Bibla. (Hebrenjve 11:6) Megjithatë, besimi nuk është diçka që ti e ke, për shkak se nëna dhe babai yt e kanë. Që e ardhmja të jetë e sigurt, ti duhet të ndërtosh një besim të bazuar në prova të qëndrueshme, një «pritje e sigurt e gjërave që shpresohen». (Hebrenjve 11:1) Siç pohon Bibla, ti duhet «të sigurohesh për të gjitha gjërat» ose siç shprehet një parafrazim i Biblës, «sigurohuni se gjithçka që është thënë, është e sigurt që është e vërtetë».—1. Selanikasve 5:21, The Living Bible.
Tregoji vetes se Bibla është e vërtetë
Së pari, ndoshta duhet të provosh nëse Bibla është vërtet e «frymëzuar nga Perëndia». (2. Timoteut 3:16) Si mund ta bësh? Në të vërtetë, vetëm Perëndia i Plotfuqishëm mund ‘të shpallë fundin që në fillim’. (Isaia 43:9; 46:10) Ai e ka bërë këtë vazhdimisht në Bibël. Lexo profecitë e regjistruara në Lukën 19:41-44 dhe 21:20, 21 në lidhje me rënien e Jerusalemit. Ose profecitë në Isainë 44:27, 28 dhe 45:1-4 në lidhje me rënien e Babilonisë. Historia botërore tregon se me sa saktësi i paratha Bibla këto ngjarje. «Pasi shqyrtova disa nga profecitë e saj,—tha Ani 14-vjeçare,—mbeta e mahnitur kur shihja se si kishte mundur të parathoshte gjithçka që ndodhi.»
Saktësia historike e Biblës, ndershmëria, sinqeriteti dhe mungesa e kontradiktave janë arsye të tjera për të pasur besim në Biblën. * Por, si mund të dish se mënyra se si e kuptojnë Dëshmitarët e Jehovait Biblën, është e drejtë? Banorët e Beresë së lashtë nuk i pranonin qorrazi shpjegimet e apostullit Pavël mbi Biblën. Përkundrazi, ata ‘i shqyrtonin çdo ditë Shkrimet për të parë nëse këto gjëra ishin ashtu’.—Veprat 17:11.
Ngjashëm, të nxisim edhe ty të bësh një studim të thellë të mësimeve të Biblës. Botimi Çfarë mëson vërtet Bibla? (botuar nga Dëshmitarët te Jehovait) i parashtron Proverbat 15:22) Me kalimin e kohës, pa dyshim që do të arrish të çmosh se Jehovai me të vërtetë i ka bekuar Dëshmitarët e tij me një kuptueshmëri të mrekullueshme të të vërtetave biblike.
këto mësime në mënyrë të qartë. Nëse prindërit e tu janë Dëshmitarë të Jehovait, pa dyshim ata do të jenë të aftë të të ndihmojnë në çdo pyetje që mund të kesh. «Ji i ndershëm me prindërit nëse ke ndonjë problem në lidhje me këtë gjë,—sugjeron një vajzë me emrin Gerta.—Bëj pyetje nëse ka diçka që të duket e vështirë për t’u besuar.» (Një djalë me emrin Klajdi thotë: «Kushtet e sotme të botës më dëshpërojnë. Atëherë lexoj vargje biblike si Zbulesa 21:4 dhe gjej diçka ku të shpresoj.» Po, një besim i fortë në premtimet e Perëndisë, ndikon patjetër në perspektivën tënde. E shikon të ardhmen me një parandjenjë të lumtur e jo të zymtë. Jeta jote e tanishme nuk bëhet një betejë e kotë, por një mjet ‘për të mbledhur si thesar të sigurt për veten një bazë të shkëlqyer për të ardhmen, në mënyrë që të jeni të qëndrueshëm në jetën e vërtetë’.—1. Timoteut 6:19.
Por për të arritur atë ‘jetë të vërtetë’, a mjafton vetëm mësimi dhe besimi në mësimet e Biblës?
[Shënimi]
^ par. 20 Për informacion më të hollësishëm në lidhje me vërtetësinë e Biblës, shiko faqet 58-68 të botimit Të arsyetojmë me anë të Shkrimeve (botuar nga Dëshmitarët e Jehovait, angl.).
Pyetje për t’u trajtuar
□ Cilat gjëra i frikësojnë shumë të rinj në lidhje me të ardhmen?
□ Cili ishte qëllimi fillestar i Perëndisë për tokën? Përse mund të jemi të sigurt se qëllimi i Perëndisë nuk ka ndryshuar?
□ Çfarë roli luan Mbretëria në plotësimin e qëllimit të Perëndisë për tokën?
□ Përse është e nevojshme që të provosh vërtetësinë e mësimeve të Biblës dhe si mund ta bësh?
□ Si mund t’i tregosh vetes se Bibla është e frymëzuar nga Perëndia?
[Diçitura në faqen 306]
«Jam shumë pesimist. Nuk kemi për t’i zgjidhur problemet tona, vërtet jo.»—Psikologu B. F. Skiner
[Figura në faqen 307]
Krijuesi i tokës nuk do të lejojë që njeriu të rrënojë planetin tonë
[Figura në faqen 309]
A të është mbushur mendja për vërtetësinë e Biblës?